EPESO 4:2 - PIPÏLIA

² Alïkuna pich cho opöy kegh ngwïny, pö cho tölose, pö cho mïkukönöy. Otighö kegh ompö chomnyogh ompö ara kingarakata kegh.

EPESO 4:2 ပူးပေါင်းရင်းမြစ်များ

TUMWÖY 138:6

Kïrkegh kemitenyi parak irosenyi cho tölose, wölo itopönchinenyi menot wölo low.

TUMWÖY 45:4

Leta tagh ompö wowïntöngu aterïntena atenoghyechinö kirwoko kisyonchin nko man ipu owesyengu rïntaghtin cho echön.

NGÖTÏNYÖ 16:19

Kayakay kumïnïngit kegh chi akïtöpö nko mey, kïtïl kupar chi pöröw nko menot.

NGÖTÏNYÖ 3:34

Rotöy nyinte pich cho le karatak wölo töni pöropchö pich cho ipöy kegh ngwïny.

OMTOGHIN 7:8

Kaykay sörömu kïgh kïtïl kitorötenyi akï ngwangwa nyo kömöghöy kïtïl nyo kwolöy kegh.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

SEPANIA 2:3

Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

KIYITUT 12:3

Ki chi Musa nyo kitalas kïtïl pich löwïr cho kimi ngwïny.

MATAYO 11:29

Akanagha kat mchokinyan, anetenanïn kegh, ompöwölo ochan talase, apan kegh ngwïny, atosïkö kimïny ompö söponwekwo.

MARKO 9:19

Kuyokyï Yeso chane kïlenchï, “Ne pïnta nyï puryö kighanat, otöponan nko akwa nko oyï? Omïkukönan nko akwa nko oyï? Amïtuna nyinte.”

IGHISYEWUT 20:19

lö kyopöghisyan le mötworinto Echotyon, ompö rïngata kegh nko ompö lok cho chang nko työmut cho kyosïkan lïsata pipö Yaudi,

RUMI 15:1

Mïchinecha cho kïchï chïchïmote ompö kighanat kengaraka pikö walaka cho nyörkölöl kumï kïrïnta kömpölelutkökwa, amökeyang kegh opïn.

1 KORINTO 13:7

Kömöghöy chomnyogh ngal löwïr, akughönöy tïkwïn löwïr, akukönisïyi, akïmïkukönöy ompö ngal löwïr.

KALATIA 6:2

Okösönchinö kegh akwane nïkisïntinekwo atopuntenö kiruröto Kristo.*

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

1 TIMOTEO 6:11

Wölo nyi, chi pö Tororöt malena kegh ngalechoni löwïr airïp ara man aikonyït Tororöt. Nama kighanat nko chomnyogh nko mïkukönöt nko tölosyö.

2 TIMOTEO 2:25

Mïchini tïkwïl kïlïkwï chi nyo porchini man ompö tölosyö pich töghöy ngalechi, ompöwölo töptoy töni ana Tororöt chane pöroyïn kïlasta ngokikwa akunkïtï man.

YAKOPO 1:21

Kïlenyona nyu, omötenö otöp anka tïkwïl nyo le sïmnyon nko otöptin löwïr cho ghach. Atacha ompö rïngata kegh ngölyontonay kikinetakwa akï nyo muköy kïsöru mïkuliskökwa.

1 PETRO 3:15

Wölo okonyït Kristo* le Echotyon ompö mïkuliskökwo. Otïpï kïpsach kïtenö osis omwochï lasiny chi anka tïkwïl nyo tepokwa ngölyon kïrïp kegh nko kikönöt nyo mi orinkwa.

1 PETRO 3:8

Anyï nyu ngölyonteto söröm, mïchinokwa alïkuna pich cho tïng kinonut akonga, acham kegh akwane le cho otupchö. Oporchï kegh köromnyo alïkwï cho mïnïngitöy kegh.