EPESO 4:19 - PIPÏLIA

¹⁹ Melö tökï sïwïyi chane arasï nyonikïny. Kicham chane kïpa ara kipotöt, akwigh kïgh anka tïkwïl nyo pö arasï kïsamta.

EPESO 4:19 ပူးပေါင်းရင်းမြစ်များ

AYUPU 15:16

Ekï chi nyu nyo le ptakalyan akïnïnöy, chi nyo gheghöy ngokï le pögh!

ISAYA 56:11

Karkegh chane nko kukïdin cho le chemutïn, cho möminye omisyö nyo mïchini! Möminye kïgh nyo sïku kintöghoghchini. Ighöy chi anka tïkwïl ompö chane le ato kömököy, akïyörchini kegh wölo siktoy tösunötenyi.

MARKO 7:22

pïrchin nyo gha, köromnyö, lïsat, kelïkwï chepomu, ketora kipö chi kong, kiswomöt, kwolöto kegh nko sölwontön,

EPESO 4:17

Orirwokwa nyu ompö kaynata Echotyon lö, motïpinö ngat le pich cho menkïtcha Tororöt, cho kiwöghökisyö kinonutkökwa kïlïkwï sölwontön,

KOLOSAY 3:5

Kïlenyona, otïghö otöptino ngwïnyinï cho ghach cho mi orinkwa cho lata: cheporesnan nko sïmnyontön kinonut cho ghach nko pïrchin nyo gha nyo karkegh nko saghata körkeyïntin.

1 TIMOTEO 4:2

Kinetut cho lata choni chay ipsötoy pich cho le lïsï, cho kimeytoy choghïntinekwa kïlentöy chi kikïpela karïn nyo nöghöy lakat.

1 PETRO 4:3

Nya kïmïchï osiswö cho kikuwer cho kyaghakwa tïkwïn cho chömöy kwighöy pich cho menkïtcha Tororöt. Kyomöngisyekwa ompö takalnan nko cheporesnan nko pölö nko pïrchin nyo gha nko chepomunön nko ryakata kumïn nko tamasa nko saghata körkeyïntin nyo lilu.

2 PETRO 2:22

Kighisyö ompö chane lenyoni kïrïp kegh nko ngölyonto ngötïnyö nyo lentöy, “Yokyini kegh kukïy kinguntanichi,” nko nyo lentöy, “Yokyini kegh nkïrwe nyo mwatate kïtönkwöröy norayon ngat.”

YUDA 1:11

Ochech pïchoni! Nkarïp chane ara Kain. Akwompö pïrchin pö ropïyen, köyörchï kegh chane ara kipotöt le Palaam. Kapeny chane le nya kipeny Kora, akewuröy chane le wölo kikiwurta nyinte.

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”