EPESO 4:15 - PIPÏLIA

¹⁵ Wölo kerïpa ngala man ompö chomnyogh akeyetu ompö or anka tïkwïl tökekarkegh nko Kristo nyini le möt.

EPESO 4:15 ပူးပေါင်းရင်းမြစ်များ

TUMWÖY 32:2

Soyönote chi nyo melö tökuyitini ECHOTYON lelut, chi nyo melö tökïtïng lïsat ompö ngalyapunyi.

SAKARIA 8:16

“Achï tïkwïn cho mïchini agha, angalana man amutyï pich kalya.

MALAKI 4:2

Wölo itwokwa cho okonyïtanïn owesyenyan nyo sörwokwa le asis nyo pusuy akïtïng owesyö nyo sopokwa ompö kelyechi. Opestonekwa adöngonyotoy ompö ngörekyö le mogh cho kökïyotunö pigh.

YOANA 1:47

Otini kisïwa Yeso Natanael kungwïnchini nyinte, kïlö ompö, “Rose köny! Anyï chi pö Israel nyo pö man nyo möminye lïsata orinyi!”

RUMI 12:9

Ochomnyö ompö chomnyogh nyo puryö lïs. Atagha kïgh anka tïkwïl nyo gha achama kegh kiyon karam.

1 KORINTO 11:3

Wölo omökan onkïtunekwa lö pöytoy Kristo mïrön anka tïkwïl, kïpöytoy mïrönö korkenyi, kïpöytoy Tororöt Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

2 KORINTO 8:8

Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.

EPESO 1:22

Kikutö Tororöt tïkwïn tïkwïl kïtïpï ngwïnyi kelyo Kristo akutö nyinte kïwowitunö kanisa kïmïkul.

EPESO 1:4

Kïle Kristo wölo kikïltecha Tororöt ompö Kristo kelïkuna chechi otini kitomönye ketor kegh ngwïny, atöketïlilöchitunö akelïkwï pich cho puryö lelut ompö tawunyi, akwompö chomnyenyi.

EPESO 2:21

Nyinte nyo tighöy teksye kïmïkul akwigh kïyetï kïlïkwï Kö pö Tororöt nyo tïlil.

EPESO 4:25

Opïstenö nyu putintön! Nya kïmwochï chi anka tïkwïl pöröryenyi ngala man, ompöwölo kichicha löwïr ngichayayi por pö Kristo.

EPESO 5:23

Ompöwölo pöytoy ngetat korkenyi le Kristo nyinö pöytoy kanisa, akï nyinte nyo le Ghetinto kanisa nyoni kï portanyi.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 2:2

Kïle mnyarkiltin cho möro kong chö, mïchinokwa tïkwïl amarena kong chepö mïkulögh, atoyetunö ompö owesyenyi tonyorunö sörunöt.

2 PETRO 3:18

Wölo atasa tagh oghetunö ompö pöropchö nko kinkïtöto Echotyontenyo akï Ghetintenyo Yeso Kristo.* Nya kïsïch nyinte ororyö kïngeta ye nko kokay! Amen.

1 YOANA 3:18

Monechu, merokonye keporunöcha chomnyenyo ompö ngal nko ngalanat pat. Mïchini kïlïkwï nyincha chomnyogh nyo pö man nyo kïsïwïyegho ighisyewut.

KIRWOKÏ 16:15

Kïlenyona kïlenchï Delila Samson, “Imukenyi lö ne nya Samson mwoghe lö ochömanïn, akwanyï low mïkulöwungu nko ani? Anyï ye kelïsaninyi kïnyïl sömök, akïtomönye mwowaninyi wölini ngwïno owesyengu nyo wow.”