EPESO 4:12 - PIPÏLIA

¹² Tökumï kwigh pipö Tororöt kï pöghisyö atökïtek por pö Kristo,

EPESO 4:12 ပူးပေါင်းရင်းမြစ်များ

LUKA 22:32

Wölo kosowunyi Simon lö tömöwïs kighanatengu. Akwotini kemïlenyi wölo omitan, ichïchim werkökwo.”

IGHISYEWUT 1:17

Ki akonga Yudas nko acha akitïng karerantanyi ompö ighisyencha.”

IGHISYEWUT 1:25

kïcheng ighisyonï pö kiyoktoghin* kipïsto Yudas kïwö arenyi onkït.”

IGHISYEWUT 11:23

Nyini kitïta akïsïwa wölo kisoyöntö Tororöt piko wöloni, kïngarak akukil chane lapay kïrïp Echotyon ompö mïkulöwekwa kïmïkul.

IGHISYEWUT 20:24

Wölo moyitanye lö kïgh söpenyan atamuk awany pöghisyö nyo kökonanïn Echotyon Yeso agh, nyoni kï kemwatïta Lökoy cho Karamach cho pö pöropcho Tororöt.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

RUMI 12:5

Kïlenyoni tïkwïl, kïrkegh kökïchicha chang, kechicha por akonga otini kakelinyecha nko Kristo* akenomnyech löwïr le ngichaya por akonga.

RUMI 12:7

Kïkany ato kö kepöghisyechï kighönï, kïpöghisyö kuten, anta kö kinetat, kunetisyö lasiny.

RUMI 14:19

Kïlenyona nyu, mïchinecha kerïpa ngal cho ipu kalya kïnomnyö nko cho ipu kikilöto kegh.

RUMI 15:14

Onkïtön ante tïkwïl, tupchenyu lö, otïngetekwa mutïn cho karamach, achikwa ngöghomöch nyoman, amukekwa onete kegh.

RUMI 15:2

Akanya kwigh chi anka tïkwïl pöröryenyi kïngarak atökïtech nyinte ompö kighanat.

RUMI 15:29

Onkïtön lö, opkokwa kisoyönöto Kristo nyo wow otini katwan korenkwa.

1 KORINTO 12:27

Ochikwa nyu kïmïkul por pö Kristo, chi anka tïkwïl ompö akwa kï ngichayayiko poroni.

1 KORINTO 12:7

Kitöni chi anka tïkwïl pköchïn pö Mïkulögh ompö kinyiwutyo pich löwïr.

1 KORINTO 14:12

Kïlenyoni ompö akwa tïkwïl, kïle otini opïrchinekwa lasiny lö tökïsïch ropöwo Mïkulögh, kïmïchini okilökwa kegh tya ayar tïkwïn cho ngöroköy kukilöy kanisa.

1 KORINTO 14:14

Ompöwölo ato asaghan kut nyo mölïmönye chi, kï mïkulöwunyan nyo soghöy, wölo mötïngnye pköchin ngöghomnyenyan.

1 KORINTO 14:26

Anyï kïyoni omwoghan, werköcho. Otini karyamakwa asagh, tumö chitö anka, kunetisyö anka, kïmwowï anka ngongut nyo ngwïno wölo mi Tororöt, kïmwowï anka ngölyon ompö kut nyo sis, kïwöghökwï anka ngalechoni. Mïchini kegh kïgh nyo kilöy kanisa.

2 KORINTO 12:19

Töptoy olentekwa kïmitecha keghetöy kegh nko nyete le ye ompö tawunkwa! Wölo kïmwoghocha ngalechoni tawu Tororöt otini kakeghömecha nko Kristo akï kïgh anka tïkwïl nyo kighecha chamankachu, keghecha atökungarakakwa.

2 KORINTO 13:11

Wow ye nyu sörö, werköcho. Alïkwï pich cho melö tïng lelut. Mopïstö kirurutköchan, alïkwï pich cho tïng machat akonga, ampur ompö kalya. Töpo nyu Tororöt pö chomnyogh nko kalya nko akwa.

2 KORINTO 13:9

Kïchicha nyu ngörechote ato kïchicha nyörkölöl, wölo ochikwa owesöch nka nyoni kïsoghecha lö talïkukwa pich cho motïng lelut.

2 KORINTO 3:8

kïtïng nyu ighisyo Mïkulögh ororyö nyo wow tya!

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 5:18

Ighöy Tororöt choni löwïr, nyo kelinyecha kelïkuna kongotichi ompö Kristo, akïkonecha achey nyo kilinyot tïkwïl pikö walaka nko nyinte.

2 KORINTO 6:3

Melö kïmökecha ketöne matankïl ara chi anka tïkwïl atömönyorï pöghisyencha kigheghchin.

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

EPESO 1:23

Kanisa kï por pö Kristo akï nyinte nyo nyïghitöy tïkwïn tïkwïl ompö woptin löwïr.

EPESO 4:16

Tuyot nyu portö kïmïkul ompö nyinte akïnomnyö ngichayay löwïr kïrïp kegh nko wölo kikighta. Otini kö pöghisyö ngichaya anka tïkwïl le wölo roko, kïnöröy nyu portö kïmïkul akïteka ompö chomnyogh.

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

EPESO 4:4

Mi por akonga nko Mïkulögh akonga, le wölini kikurchokwa Tororöt kikönöt akonga.

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

KOLOSAY 1:28

Nka nyoni kyomchinecha Kristo pich lapay. Kïrirchinecha akenetöy chane ompö ngöghomnyö anka tïkwïl atömanyïl kemïtï ompö tawu Tororöt chi anka tïkwïl nyo kikïkil ompö Kristo.

KOLOSAY 4:17

Omwochï Arkipo kulïtit ighisyonay kitö Echotyon.

1 TIMOTEO 1:12

Oyokyinan sörö Kristo Yeso Echotyontenyo, nyo kökonanïn owesyö agh pöghisyenyi. Oyokyinan nyinte sörö ompöwölo keyitanïn mïchini opöghisyechan nyinte,

2 TIMOTEO 4:11

Luka onkït nyo mi nko ani. Yörunö Marko aingwïn nko nyinte, ompöwölo muköy kungörokanïn ompö pöghisyenyan.

2 TIMOTEO 4:5

Wölo mïchininyi ripö kegh, amekany kumirïn kïgh anka tïkwïl. Kamagha nyörïlwok, igha pöghisyö nyo kyomtoy Lökoy cho Karamach, ailïtit pöghisyengu nyo kikonïn Tororöt.

EPRANIA 13:17

Oterchinö kintöghoghikwa arïp kiyomisutkökwa. Ripokwa chane kïnomnyö akï chane cho porchini asïyech Tororöt wölo kida chane ighisyengwa. Ighöy chane ighisyengwa ompö kwïskwïsyö ato oterchikwa chane anta mölenye nyoni kwigho nyarïl akï möminye kinyiwutyö nyo osïkonekwa ngalechoni.

EPRANIA 6:1

Keleta nyu tagh kerïpa kinetut cho kirïr, akepïsï löt kinetut cho pö tagh cho pö kighanatenyo ompö Kristo.* Mömïchinechanye keyokyinö kegh ngat kitoröto ighisyewut pö kighanat ompö Tororöt nko nyo pö kötogh otini töketïngetenöcha ighisyewutköcho cho kipö tagh cho mötïngcha söpon,