EPESO 3:7 - PIPÏLIA

⁷ Kikighanïn alïkwï mötworinto Lökoyechete Karamach ompö ropöwon nyo kikonanïn nyinte ompö pöropchenyi kïpöghisyeghö orinyan ompö kimukatenyi.

EPESO 3:7 ပူးပေါင်းရင်းမြစ်များ

ISAYA 43:13

Ochan Tororöt achan Tororöt lenyoni kokay. Möminye chi nyo muköy kïchïwïtegha morichan amelö mi chi nyo muköy kïwaghach kïgh nyo oghan.”

IGHISYEWUT 9:15

Kïlenchï. Echotyon, “Wïyönyi, ompöwölo kakïlan nyinte atopöghisyeghan, atökuporchï kaynenyan pipö punton nko pöytoghï nko pipö Israel.

RUMI 1:5

Kikonanïn Tororöt pöropchö ompö Werïnyi alïkwï kiyoktoghin atamukan ontöghoghchï pipö Punton löwïr kughan akïterchï nyinte ompö.

RUMI 12:3

Akwompöwölo kicham Tororöt kïkonanïn pöropchenyi, omwowokwa lapay lö, mop kegh yïm tya kïtïl wölo kalatekwa. Wölo akanya kurwokyï kegh chi anka tïkwïl kïrïp kegh nko kighanat nyo ketö Tororöt nyinte.

RUMI 15:16

alïkwï mötworinto Kristo Yeso nyo opöghisyechini pipö punton. Opöghisyechinan chane le tïsin otini omtonan Lökoy cho Karamach cho pö Tororöt, atökumï pipö punton walaka, kïlïkwï tïsöw cho chömöy Tororöt, akï cho kikutïlil Mïkulögh nyo Tïlil.

1 KORINTO 15:10

Wölo kalïkwan le wölo alatan ompö pöropcho Tororöt, amelö kikonanïn nyinte poropchenyi kwïle, wölo kyopöghisyan tya kïtïl chi anka tïkwïl ompö chane löwïr wölo melö ani, wölo pöropcho Tororöt nyo pöghisïyi nko ani.

1 KORINTO 3:5

Ngo Apolo nya? Kï ngo Paulö? Kichicha mötwori Tororöt cho kipkokwa ngala kighanat, lenyini kitö ighöy chi anka tïkwïl ompö acha ighisyö nyo ketö Echotyon nyinte.

2 KORINTO 3:6

ompöwölo nyinte nyo kighecha kemuka kepöghisyechinö muma nyo rel, muma nyo melö pö kirurut cho kikikir, wölo nyo pö Mïkulögh. Ompöwölo ipu meghat kirurut cho kirote, wölo ipu Mïkulögh söpon.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

KALATIA 2:8

Ompöwölo kikonanïn Tororöt kimukat owö omchï pipö Yaudi Lökoy cho Karamach le wölo kitö nyinte Petro tïkwïl kimukat kwomchï pipö punton Lökoyechoni Karamach.

EPESO 1:19

nko wölo wow kïlïkwï owesyenyi nyo pöghisïyi ompö acha cho kighönöy. Karkegh owesyononi mi orincha nko owesyö nyo wow

EPESO 3:2

Oghönan lö onkïtökwa nyoman lö, kikonanïn Tororöt ighisyonï agh ompö pöropchenyi ompö tösunötenkwa.

EPESO 3:20

Nya kïsala nyinte nyo muköy kwighöy tïkwïn cho pö töngönchin kïtïl cho kïsomecha anta cho kinonecha ompö kimukata owesyö nyo pöghisïyi ompö orincha.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

EPESO 4:16

Tuyot nyu portö kïmïkul ompö nyinte akïnomnyö ngichayay löwïr kïrïp kegh nko wölo kikighta. Otini kö pöghisyö ngichaya anka tïkwïl le wölo roko, kïnöröy nyu portö kïmïkul akïteka ompö chomnyogh.

KOLOSAY 1:29

Kïlenyona omitan okilöy kegh opöghisïyi atökwighisyö ngalechoni. Opöghisyeghonan owesyö nyo wow nyo konanïn Kristo akwowesyononi nyo pöghisïyi ompö orinyan.

1 TESALONIKE 2:13

Mi kïgh ngat nyo ighecha keyokyinö Tororöt sörö kïnomnyö. Atanye kikïpkanacha kyomwokwa ngölyonto Tororöt atakakwa, aghan, amelö le ngölyonto ptangengmöt, wölo le ngölyonto Tororöt akï ngölyonto Tororöt nyoman. Ompöwölo mi Tororöt kïpöghisïyi nko akwa chona oghönöy.

EPRANIA 13:21

Nya kïkonok Tororöt pö kalya kïgh anka tïkwïl nyo omökekwa atamuka agha machatenyi, nya kwigh nyinte kïgh anka tïkwïl nyo tenate ompö ara Yeso Kristo. Nya kïpöyit Kristo ororyö kokay nko kokay! Amen.*