EPESO 3:20 - PIPÏLIA

²⁰ Nya kïsala nyinte nyo muköy kwighöy tïkwïn cho pö töngönchin kïtïl cho kïsomecha anta cho kinonecha ompö kimukata owesyö nyo pöghisïyi ompö orincha.

EPESO 3:20 ပူးပေါင်းရင်းမြစ်များ

TOWUNÖT 17:1

Otini kitïng Apram könyis 99, kuchumchï ECHOTYON akïlenchï, “Ochan Tororöt Kimuktoghin. Tekanïn aitöpö kïpuryö kigheghchin ompö ani.

TOWUNÖT 18:4

Akanya kepï pögh tïkwïte cho owunokwa kelyön ato munyenö ketï ghït.

2 SAMWEL 7:19

Akwanyï ye iminyi ighwanïn cho echön tya, we Echotyon TORORÖT. Keyomisönyi köromnyö ompö koto mötworintengu ompö pïn nyo tökungwïnöy we ECHOTYON Tororöt.

1 PÖYTOGHÏ 3:13

Akoninyi ngat tïku walaka cho melö kesomönyi. Inyorunenyi sïkönöt nko konyït ompö osisweku löwïr, amelö mi pöytoghintö nyonikïny nyo karkegh nko nyi ompö pöytoghï löwïr.

2 OTÖPTINO OSIS 25:9

Kïtep Amasya chichay pö Tororöt lö, “Petöy lö ne ropïyenichay kotötan otö lïko pipö Israel?” Kïwöghökï chi pö Tororöt lö, “Tïng ECHOTYON or nyo koneninyi cho chang tya kïtïl choni.”

2 OTÖPTINO OSIS 9:12

Kutö pöytoghintö Solomon pöytoghinto Syepa kïgh anka tïkwïl nyo kipïrchini nko kïgh anka tïkwïl nyo kisom, kitö cho chang kïtïl cho kipchï pöytoghintononi le korka nyinte. Atolapay kïmïla pöytoghintonay le korka kutang korenyi nko mötworichi.

WUWÖT 34:6

Kuwer ECHOTYON tawunyi akïmwa lö, “Ochan ECHOTYON, Tororöt nyo pö kisyonchin nko pöropchö, melö kwïskwïs kïnarek, tïng chomnyogh nyo wow nko nyo ghanate.

TUM PÖ TUMWÖY 5:1

Kangwïnan parenyu cheptönyo, chamanenyu, oghömïtan mankoykachu cho ngutoy cho onyïn, oman tiyokachu nko kumate, agheghan dipaykachu* alï chekachu. Omisyenö chamankachu agheghsyö, ogheghsyenö chamankachu kïmïchï!

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 55:7

Akanya kïtagh pich cho ghach ortïnekwa, akïwaghach mwokïyis kinonutkökwa, nya kïwöghökyï kegh chane ECHOTYON, akïpechï Tororötïnyo nyo mi kïpsach kïlöstoghchï chane.

YEREMIA 32:17

“Nyi we Echotyon TORORÖT, nyo kigh möminye kïgh nyo pölinyi!

YEREMIA 32:27

“Ochan ECHOTYON, Tororöt pö pipö ngwïny kïmïkul. Möminye kïgh nyo pölanïn.

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

DANIEL 6:20

Nyini kirich köpönonay mi Daniel, kïkursyö ompö ngwonïn lö, “Daniel, mötworinto Tororöt nyo satate, kemï Tororötïngu nyo ipöghisyeghchinenyi ntökïsörunyi ompö ngötuny nya?”

MATAYO 3:9

amolenchï kegh, möminye kïgh nyo omekwa, ompöwölo olentekwa, kïchï monïngo Apraam. Omwowokwa nyoman lö, muköy Tororöt kwighöy koghichete kilïkwï monïngo Apraam!

YOANA 10:10

Ngwïnöy chorin pat atökïchor akïtïgh, akunyar. Kyangwïnan atömanyïl osïkökwa söpon, asïch nyoni kïmïchï.

RUMI 16:25

Nya kesala ye nyu Tororöt. Muköy nyinte kuchïchim kighanatenkwa ompö Lökoy cho Karamach ngölono Yeso Kristo. Lökoy cho omtonan kïrïp kegh nko ngongut nyo pö man nyo kiwïngate ompö könyis cho chang cho kikuwer,

RUMI 4:21

Akinkït nyoman lö, muköy Tororöt kwighöy kïgh nyo kikuyomis.

1 KORINTO 2:9

Wölo kïle wölo mwoghtoy Kikirut lö, “Kighchï Tororöt pich cho chömöy nyinte tïkwïn cho kitomöcha kïsïwa kong anta lïm yit, tïkwïn cho kitomöcha kïpköchï ptangengmöt.”

2 KORINTO 9:8

Akumuköy Tororöt kïkonokwa tïkwïn cho chang kïtïl cho komökekwa atamuka otïngetenö kïnomnyö kïgh anka tïkwïl, atatasa tagh angaraka ighisyö anka tïkwïl nyo karam.

EPESO 1:19

nko wölo wow kïlïkwï owesyenyi nyo pöghisïyi ompö acha cho kighönöy. Karkegh owesyononi mi orincha nko owesyö nyo wow

EPESO 3:7

Kikighanïn alïkwï mötworinto Lökoyechete Karamach ompö ropöwon nyo kikonanïn nyinte ompö pöropchenyi kïpöghisyeghö orinyan ompö kimukatenyi.

KOLOSAY 1:29

Kïlenyona omitan okilöy kegh opöghisïyi atökwighisyö ngalechoni. Opöghisyeghonan owesyö nyo wow nyo konanïn Kristo akwowesyononi nyo pöghisïyi ompö orinyan.

1 TIMOTEO 1:14

Kuyinwanïn Echotyontenyo pöropchenyi nyo puryö söröm akïkonanïn kighanat nko chomnyogh cho mi Kristo Yeso.

EPRANIA 11:19

Kughan Apraam lö muköy Tororöt nyinte kwigh Isak kututï. Lenye nyoni nyu wölo kisïktö Apraam ngat werïnyi kïngetunö ngwen.

EPRANIA 7:25

Kïlenyona, muköy nyinte kïsöru pich kokay cho petöy wölo mi Tororöt kuweröy nyinte ompöwölo söpöy nyinte kokay akïsoghchini chane.

YAKOPO 4:12

Tororöt onkït nyo konu akurwokyï kirurut. Nyinte onkït nyo muköy kïsöru akuwur pich. Wölo ichinyi ngo terwokyinenyi chitö anaka?

2 PETRO 1:11

Ompö aranoni onyorunekwa man nyo omuköy ntolït Paytagh nyo pö kokay nyo pö Echotyontenyo akï Sörunintenyo Yeso Kristo.

YUDA 1:24

Nya kïsïch Tororöt ororyö, nyinte nyo muköy kïripokwa tömopïtyö, akumïtakwa ape tawuto ororyenyi ompö ngörekyö kïpuryö lelut, nyinte nyo le Tororöt onkït akï Ghetintenyo ompö Yeso Kristo Echotyontenyo. Nyenyi wowïn nko owesyö nko paytagh kïngeta könyisyok nko ye nko kokay! Amen.