EPESO 2:4 - PIPÏLIA

⁴ Wölo tïng Tororöt kisyonöt nyo wow. Kichamecha nyinte ompö chomnyogh nyo wow nyoman

EPESO 2:4 ပူးပေါင်းရင်းမြစ်များ

NEEMIA 9:17

Kitagh chane kïterunyi ngaleku, amökïyangcha töngönchintinechanya kighanyi ompö kwenungwa. Wölo kwigh chane mötöwekwa kwoghïghitu atolapay kïkïl kintöghoghintengwa, kuyoda chane kutang sekeynön ngat ompö koro Misri. Wölo ichinyi Tororöt nyo pö lastagh nko pöropchö nko kisyonchin. Melö inörekenyi lawel wölo wow chomnyengu nyo pö kokay nko nyoni melö kipïstenyi chane.

TUMWÖY 145:8

Tïngeto ECHOTYON pöropchö akï kisyonin mönörekönye lawel akï tïng chomnyogh nyo pö kokay.

TUMWÖY 51:1

Isyonchante, we Tororöt, kïrïp kegh nko chomnyengu nyo pö kokay! Ingongoghta lelutköchan kïrïp kegh nko kisyonchötengu nyo wow!

TUMWÖY 86:15

Wölo nyi, we Echotyon nyo ichï Tororöt pö kisyonchin nko pöropchö, melö ichinyi nörekin, wölo pö chomnyengu kokay akeghöninyi.

TUMWÖY 86:5

Ichinyi karam, we Echotyon, ailöstoghchini pich ngokï akï wow chomnyengu nyo pö kokay ompö pich löwïr cho soghinyi.

WUWÖT 33:19

Kïlö ECHOTYON, “Oghan töroryenyan lapay kuwer tawungu amwatïtan kaynenyu ompö tawungu lö, ‘Ochan ECHOTYON.’ Olulan nyo kolul osyonchan nyo kosyonchï.

ISAYA 63:7

Omwotïtonan köromnyo ECHOTYON, Osölan nyinte ompö tïkwïn cho keghwecha nyinte. Kesoyön nyinte pipö Israel kutö tïkwïn cho chang ompö kisyonötenyi nko chomnyenyi nyo pö kokay.

YEREMIA 31:3

ochumchan nyinte kïrkegh kyochan low. Kachaminyi ompö chomnyot nyo pö kokay, nka nyete mopïstonanye oporunyi chomnyenyan.

DANIEL 9:9

Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.

YONA 4:2

Kïlenyona kïsagh Yona lö, “ECHOTYON, melö so kïyete nyay kyamwaghan atanye kyomitan korenyan? Nka nyay kyapertan lawel atang Tarsis. Ompöwölo kyonkïtön lö ichinyi Tororöt pö chomnyogh nko kisyonöt, amelö nyïmnyïm kïnarek, akï nyo mi kïpsach kïmolchï kamas sitöt nyo kötetöni chi.

LUKA 1:78

tïng Tororötïncha kisyonöt nko tölosyö, ighöy kenyorunöcha löpoyïn nyo ngwïno yïm,

RUMI 10:12

Ngölono Kikirutchoni lapay ompöwölo möminye sisïn nyo mi kwenu pipö Yaudi nko pipö punton. Tororöt kï Echotyonto chane löwïr akï nyinte nyo soyönöy nyoman pich löwïr cho kuröy nyinte,

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

RUMI 5:8

Wölo kikuporwecha Tororöt lö chömecha nyinte nyoman, ompöwölo kima Kristo ompö acha, otini kitökechicha mwokïyis!

RUMI 9:23

Akimököy tïkwïl kïngongu ororyenyi nyo wow nyo kikemïlwecha cho kiketötwech kisyonötenyi, acha cho kisatech nyinte otini le könyisyok kenyorunö ororyenyi.

EPESO 1:7

Ompöwölo kïtïngetecha sörunöt ompö megha Kristo, akikengongoghta ngokicho kïle wölo lata wowïnto pöropchenyi,

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

2 TESALONIKE 2:13

Mïchinecha keyokyine Tororöt sörö kïnomnyö ompö akwa, tupchenicho akwa chona kichamak Echotyon, ompöwölo kikïlakwa Tororöt kïngeta towunöt atonyorunö sörunöt ompö owesyo Mïkulögh atökeghakwa alïkuna pikachi cho tïlilöch ompö kighanat nyo pö ngölyonto man.

1 TIMOTEO 1:14

Kuyinwanïn Echotyontenyo pöropchenyi nyo puryö söröm akïkonanïn kighanat nko chomnyogh cho mi Kristo Yeso.

2 TIMOTEO 1:9

Kisörwecha nyinte akïkurecha kelïkuna pikachi kegh. Kighwecha lenyoni amelö ompö wölo mi kïgh nyo kikighacha, wölo ompö machatenyi nko pöropchenyi nyo kikiyomiswecha pöropchononi könyisyok ompö ara Kristo Yeso,

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate