EPESO 2:3 - PIPÏLIA

³ Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.

EPESO 2:3 ပူးပေါင်းရင်းမြစ်များ

TOWUNÖT 5:3

Otini kitïng Adam könyis 130, kïsïch monïng nyo le weri nyo kikarkegh nko nyinte, kïkurö Set.

TOWUNÖT 6:5

Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.

TOWUNÖT 8:21

Kïnguchï ECHOTYON sikaka nyo anyïn nyo pö amöros, kïngölonchï kegh nyinte lö, “Melö tochïpan ngwïny ngat ompö kïgh nyo ighöy chi. Onkïtön lö ghach kinonutkachi kïngata mïnïngityenyi. Melö towuran ngat tïkwïn löwïr cho sötote, kïle wölini kaghan ye.

AYUPU 14:4

Ngo nyo muköy kwigh kïgh nyo tïlil kungwïna nyo le sïmnyon? Möminye chi nyo muköy.

AYUPU 25:4

Lïku nyu chi lö ne, chi pö man ompö tawu Tororöt? Akïtïlilitu lö ne, ptangengmöt nyo kïyï korka?

TUMWÖY 51:5

Ochan lelan kïngata otini kikïyiyanïn akyotïngetan ngokï kïngata omitan mu.

ISAYA 53:6

Kïkörecha kegh löwïr nko kechir cho kepotyö köwö chi anka tïkwïl ompö acha orenyi. Wölo ketö ECHOTYON parakunyi ghöyityo chi anka tïkwïl ompö acha.

MARKO 4:19

wölo ato itï sïngut pö ngwïny nko pïghyöng nyo pö sïkönön nko pïrchin pö tïku walaka, kwam ngölyonte, tömökïyïcha akwa.

YOANA 1:13

Malïkwïnye chane monïngo Tororöt ompö owesyo ptangengmöt, anta ompö machata por anta ompö chomnyo chi, wölo ompö owesyo Tororöt.

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

IGHISYEWUT 14:16

Kipïsï pich könyisyok kïpesta le wölo kimöchtöy.

RUMI 1:24

Nka nyay, kechalta Tororöt chane kïrïp pïrchinoghtino mïkuliskökwa cho ghach akwighchï kegh chane nko chane tïkwïn cho pö arasï ompö porwöyikwa.

RUMI 11:30

Kïkany akwa pipö punton cho kyotighintönchikwa Tororöt osiswechanya pö tagh wölo kyonyorukwa ye nyu kisyonöto Tororöt ompöwölo kïlïkwï pipö Yaudi tighï.

RUMI 13:14

Wölo nya kïlïkwï Echotyon Yeso Kristo* longa nyo ripekwa, amotö porwöyikwa pöroyïn kwigh lenyini köpïrchï kwigh.

RUMI 2:14

Melö tïng pipö punton kirurut, wölo ato igh chane ompö asïltangwa kïrïp kegh nko kirurut, kuporu lö chane kigh nyo mïchini nko nyo mömïchininye kegh kïrkegh kömelö kötïng kirurut.

RUMI 5:10

Kikïchicha pung pö Tororöt wölo kikulinyecha nyinte ompö ara megheto Werïnyi. Otï ye kikelinyecha nko Tororöt, mösörwechanye nyinte tya ompö söpon pö Kristo?

RUMI 5:9

Kïlenyona ye nyu otï kikeyityecha man ompö megha Kristo, mösörwechanye nyinte ompö nörekyo Tororöt ato rwokyini pïchï?

RUMI 6:12

Kïlenyona, macham kïpayta ngokï porwöyikwo cho wonyot ntoterchikwa pïrchinoghtinechi.

RUMI 7:18

Ompöwölo onkïtön lö, kïrïp kegh nko otöptönyan nyo pö ptangengmöt möminye kïgh nyo karam nyo mi orinyan. Ompöwölo kïrkegh kömi machate orinyan nyo karam, kïmomukanye oghey.

RUMI 9:22

Lata nyoni tïkwïl wölo kida Tororöt. Kimököy kuporu nörekyenyi atökenkïtï owesyenyi. Kïlenyona, kïmïkukönchï nyinte tya pich cho kikikïker nörekyenyi akï cho kimi psach.

1 KORINTO 4:7

Ngo nyo keghinyi wowitunenö pikö walaka nya? Melö so Tororöt nyo kikoninyi tïkuchoni löwïr itïngetenyi? Ato lenye nyoni, kwompö ne tekwolenyi kegh le ato melö ropöw tïkuchoni itïngetenyi?

2 KORINTO 7:1

Kïlenyona nyu, werköcho, otï kakekonecha kiyomisutchï löwïr, ketïlilö nyu kegh akewirta kïgh anka tïkwïl nyo muköy kusïmnyonöy por nko mïkulögh atökelïkuna pich cho tïlilöch lasiny ompö techata Tororöt.

KALATIA 3:22

Wölo mölechachoni, ompöwölo kakïmwowï Kikirut lö, mi ngwïnya kïmïkul pöyunöto ngokï atömanyïl ketö pich cho ghönöy Yeso Kristo ropöwontononi kikiyomisï chane.

EPESO 2:2

cho kyaghakwa atakinya kyorïpekwa otöp pö ngwïnyinï nyo gha, aterchini pöytoghinto oy nyo mi wölnö le mïröt, mïkulögh nyo le sïmnyon, nyo pöyu pich cho töghöy Tororöt.

EPESO 4:22

Achala nyu otöptöngwo nyo kipö tagh. Nyoni kï otöp nyo kitïng pïrchin akilïsokwa.

KOLOSAY 1:21

Kyochikwa lowöch nko Tororöt ato le tagh, akyochikwa pungkachi ompö tïkwïn cho ghach cho kyoghekwa nko cho kyononekwa.

1 TESALONIKE 4:13

Kïmökecha tupchenicho, onkïtunö ngala man cho pö pich cho kimeghö, mömïchininye owuronchenökwa ompö chane, le pich cho mötïngcha kikönöt.

1 TESALONIKE 5:6

Kïlenyona, mökeruyö le pikö walaka, mïchinecha kechïkonchenö akeripsyö.

1 TIMOTEO 6:9

Wölo pich cho möro kong sïkönöt kupïtyini työmut akupïtyini chane ngöghöp nyo pö pïrchin cho ghach cho puryö kinyiwut, cho chutöy chane kïröytoy wölo mi wïrata nko kinyarat.

TITO 3:3

Ompöwölo kikïchicha köny sölwöy, pich cho le tïghï, cho kimasta. Kikïchicha sekeyiko möchutköcho cho pö pïrchin. Kikïtïpicha ompö ghöyityö nko nyonyintön, kireyecha pikö walaka, akereyacha chane tïkwïl.

1 PETRO 1:14

Oterchinö Tororöt le monïng cho tïng terchin amoyokyinö kegh ngat ara pïrchin cho kipö tagh atanya kitochikwa sölwöy.

2 PETRO 2:14

Möminye kïgh anka nyo mököy chane kurosöy kïpoto kor cho le cheporestin tïng maral nyo pö ngokï nyo mewonyotnye. Kïnkïnöy chane pich cho nyörkölöl ompö kighanat ntökïlïtöy ngöghöpu ngokï. Kikïnagh mïkuliskökwa kïpïrchï mökosyö. Chïpöte pïchoni.

2 PETRO 2:18

Ompöwölo mwoghöy chane ngala kwolöto kegh akï cho puryö kinyiwut, akïpöghisyeghö möchut pö por cho ghach kïkïnkïn kwigh ngokï nko pich cho kötökïchïwïtyegho ato lekït kwenu pich cho möngisïyi nyo gha.

1 YOANA 2:16

Tïpö ngwïnyinï lapay cho lata pïrchintino por cho ghach nko tïkwïn cho sururchini konyi pich akïpïrchï nko kïgh anka tïkwïl nyo mi ngwïnyinï nyo kwolo kegh pich tya, kïmengwïnonye nyo le ompö akonga ompö choni wölo mi Papo. Pö tïkuchoni löwïr ngwïnyinï.

1 YOANA 2:8

Wölo kakirwokwa ye kirurut nyo rel ompöwölo kïsöchini mantanyi ori pö Kristo nko orinkwa tïkwïl. Ompöwölo mi tuwïn kuweröy, akikulïwï löpoyïn pö man.