EPESO 2:14 - PIPÏLIA

¹⁴ Ompöwölo nyinte nyo keghecha kenyorunö kalya, otini kigh pipö Yaudi nko pipö punton kïlïkwï kïgh akonga, akunyar ompö meghenyi punyontön nyo kipesyot chane le nayat.

EPESO 2:14 ပူးပေါင်းရင်းမြစ်များ

ESTA 3:8

Kïlenyona kïmwochï Aman pöytoghin lö, “Mito pikö walaka cho kimöngisyö kïghömï koros löwïr ompö pöyunötengu kïmïkul. Rïpöy chane otöptin cho sisinchö nko cho pö pich walaka. Amelö choni opïn, melö tïngö chane kïgh kirurut pö paytaghtangu, nyo melö mïchini emïkukönchinenyi chane.

MIKA 5:5

akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.

SAKARIA 6:13

Ngwïnöy akïtek Kö pö Tororöt* akekonyïtöy nyinte le pöytoghin. Töpo ngacharu paytagh akïpayta. Töpo tïsin kudopöy ngacharunyi nyo pö paytagh akwightoy chane kwodeny pöghisyö ompö kalya nko terchin.

LUKA 1:79

atökulïwchï chane cho mi tuwïn akïmöngöy rurwo meghat akwigh kelyecha kïtïkata ara pöghisyö.”

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

YOANA 10:16

Mito kechirye chichan walaka cho mömicha kweghonete! Mïchinanïn orongwï chane atökïlïm chane tïkwïl kutinyan akïlïkwï okwot akonga nko mösöwon akonga.

YOANA 11:52

amelö ompö piko korengwa opïn, wölo tökumï tïkwïl kutuyö pipö Tororöt kïmïkul cho kitoytoyö.

YOANA 16:33

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

IGHISYEWUT 10:28

Kïlenchï pïchay, “Onkïtökwa akwane lö, kïkïröy ompö kirurut kïghömö chi pö Yaudi nko chi pö punton anta rutochï kegh tïkwïl. Wölo keporwanïn Tororöt lö, mömïchininye okuran chi anka tïkwïl lö melö tïlil anta sïmnyon.

IGHISYEWUT 10:36

Onkïtökwa ngölyontonay kimwochï pipö Israel, otini kyomtoy Lökoy cho Karamach cho pö kalya ompö Yeso Kristo* nyo le Echotyonto pich lapay.

RUMI 5:1

Otï ye kikuyitwecha Tororöt man ompöwölo kighönecha nyinte, kïtïngetecha nyu kalya nko Tororöt ompö Echotyontenyo Yeso Kristo.*

KALATIA 3:28

Mökïminye nyu ngat sisïn kwenu chi pö Yaudi nko chi pö punton anta kwenu sekeyon nko nyo tyakate anta kwenu mïrön nko korka. Kalïkukwa löwïr kïgh akonga otini koghömekwa nko Kristo Yeso.

EPESO 2:15

Kiwang nyinte ompö meghenyi kirurut pö pipö Yaudi nko kinetutkökwa atömanyïl kwighuna puntonichoni kwodeny chi akonga cho tïng otöp nyo rel cho kakelinyö nko nyinte, akwompö aranoni kwipï kalya.

EPESO 2:17

Kingwïn Kristo akwomwokwa Lökoy cho Karamach cho pö kalya, akwa chona ochï pipö punton cho kyochï lowöch ompöwölo mi Tororöt akwomchï pipö Yaudi cho kilekïtö Tororöt.

EPESO 3:15

nyo ighöy pich löwïr cho mi yïm nko cho mï ngwïny kïsöpchö,

EPESO 4:16

Tuyot nyu portö kïmïkul ompö nyinte akïnomnyö ngichayay löwïr kïrïp kegh nko wölo kikighta. Otini kö pöghisyö ngichaya anka tïkwïl le wölo roko, kïnöröy nyu portö kïmïkul akïteka ompö chomnyogh.

KOLOSAY 1:20

kïlenyona ompö Werïnyi, kelinyö Tororöt tïkwïn löwïr nko nyinte, kö cho mi yïm anta kö cho mi ngwïny otini kipï nyinte kalya ompö kisönko Werïnyi cho kimïltegha kimurtöwon.

KOLOSAY 2:20

Ato kyomeghekwa nko Kristo aketyakenakwa paytaghpa mïkulis cho mi wölnö le mïröt, kwompö ne tomöngisyenökwa le ato tochikwa pipö ngwïnyinï? Akwompö ne torïpekwa kirurutchay lentöy,

KOLOSAY 3:11

Melö tökïmi nyu sisïn nyo pö pipö punton nko pipö Yaudi, anta nyo pö chi nyo kiwö tum nko nyo le somchon, anta nyo pö chi nyo kisomön nko nyo melö kisomön, anta nyo le sekeyon nko nyo melö sekeyon, wölo kïgh nyo wow tya ompö choni kï Kristo, akï nyinte nyo mi orito choni löwïr.

KOLOSAY 3:15

Akanya kïpayta kalya Kristo mïkuliskökwa, ompöwölo kalyanoni nyo kökurchokwa Tororöt atalïkuna por akonga, ayokyï nyinte sörö kïnomnyö.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

EPRANIA 7:2

Kutö Apraam nyinte kareranpa taman cho pö pöröw löwïr. (Ato kïwaghach kayna Melkisedek nyo pö tagh kelentöy, “Pöytoghinto Man.” Akwompöwölo ki pöytoghinto Salem kuporu kaynenyi tïkwïl lö, “Pöytoghinto Kalya.”)