EPESO 1:7 - PIPÏLIA

⁷ Ompöwölo kïtïngetecha sörunöt ompö megha Kristo, akikengongoghta ngokicho kïle wölo lata wowïnto pöropchenyi,

EPESO 1:7 ပူးပေါင်းရင်းမြစ်များ

AYUPU 33:24

atö kïsörï nyu nyinte akïmwatïta lö, ‘Osörunö nyinte tömöwö kïlït parsïkon konyorwan sakïtyan nyo tyoköy nyinte,

TUMWÖY 130:4

Wölo ilöstoghchinenyi piköku ngokï, atökemukacha kekonyïtinyi.

TUMWÖY 130:7

Ghana ECHOTYON, we Israel, ompöwölo pö chomnyenyi kokay tïng nyinte sörunöt nyo mïchinote.

TUMWÖY 86:5

Ichinyi karam, we Echotyon, ailöstoghchini pich ngokï akï wow chomnyengu nyo pö kokay ompö pich löwïr cho soghinyi.

WUWÖT 34:7

Syonchini cho chang akïlöstoghchini ghöyityengwa nko lelutkökwa nko ngokikwa amelö yityini chi nyo gha lö mötïnye ghöyityö, ghokyini monïng ghöyityeto papotïnekwa nko kukötinekwa löwïr, ntökwit pïnta nyo pö sömök nko nyo pö angwan.”

ISAYA 43:25

Ani ante onkït nyo ochï Tororöt nyo löstoghchini pich ngokikwa. Oghan lenyoni ompö kaynatenyan kegh, amelö torwokyinokwa ompö ngokikwo.

YEREMIA 31:34

Mökïminye machata osiswechoni kenet chi lö, ‘Mïchininyi nkïtunö ECHOTYON,’ ompöwölo nkïtwanïn pich cho echön nko cho mïnkech. Mwoghöy ECHOTYON. Olöstoghchinan chane ngokikwa amononanye ngat.”

DANIEL 9:19

Tera, we Echotyon ailöstewecha. Tera we Echotyon, aigh, meropï akwompö kaynengu, we Tororötïnyu ompöwölo kïkurtegho kanasyante nko piköku kaynengu.”

DANIEL 9:9

Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.

YONA 4:2

Kïlenyona kïsagh Yona lö, “ECHOTYON, melö so kïyete nyay kyamwaghan atanye kyomitan korenyan? Nka nyay kyapertan lawel atang Tarsis. Ompöwölo kyonkïtön lö ichinyi Tororöt pö chomnyogh nko kisyonöt, amelö nyïmnyïm kïnarek, akï nyo mi kïpsach kïmolchï kamas sitöt nyo kötetöni chi.

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

SAKARIA 13:1

Lentöy ECHOTYON Kimuktoghin, “Kïyotyini asisoni kompö pögh pipö ara pöytoghin Daudi nko pipö Yerusalem nyo mwötöy ngokï nko sïmnyontengwa.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

SAKARIA 9:11

Lentöy ECHOTYON, “Kïle otini kyaman muma* nko akwa nyo kikikïninieghö kisön, otyokan pïnotkökwa cho lenye ratan cho mi pïrïm nyo mamïnïng.

MATAYO 20:28

le ato melö kingwïn Wero Chi tökepöghisyechï, wölo kingwïn kïpöghisyö akusalta söpontanyi tökutyaka pich cho chang ngokikwa.”

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

MATAYO 6:12

Löstewecha lelutköcho cho kakïlel, le wölo kïlöstoghchinecha pich cho lelwecha.

MARKO 14:24

Atolapay kïlechï Yeso chane, “Kisönköchan chete, nyo puntoy muma* Tororöt cho kïmïltoy ompö pich cho chang.”

LUKA 1:77

atemwochinö pikachi lö, kïsöru chane, ompöwölo kïlöstoghchini chane ngokikwa,

LUKA 24:47

Akï mïchini kyamta ompö kaynenyi lökoyo kötogh nko mötoghöto ngokï kitorö amtaghate Yerusalem ntökïghömï punton löwïr.

YOANA 20:23

Ato olöstoghchikwa pich ngokikwa, kelöstoghchini. Kwato molöstoghchikwanye chane, kïmelö kïlöstoghchini.”

IGHISYEWUT 10:43

Kïngalana werkoy tïkwïl nyinte, kïmwa lö chi kïtïkon nyo ghönöy nyinte, kelöstoghchini ngokichi ompö kaynenyi.”

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

RUMI 3:24

Wölo ompö ropöwonto pöropcho Tororöt, muko nyu keyityï pich man ompö Kristo Yeso nyo le kityokintengwa.

RUMI 3:25

Kiropï Tororöt nyinte atökïlïkwï meghenyi or nyo löstegho pich ngokï ompö kighanat nyo ghönöy Kristo. Kigh Tororöt kïyoni atökuporï lö pö man nyinte. Ompö mïkukönö osiswechanya pö tagh, Tororöt amökïyangnye kurwokï ngoki ptangengmöt.

RUMI 9:23

Akimököy tïkwïl kïngongu ororyenyi nyo wow nyo kikemïlwecha cho kiketötwech kisyonötenyi, acha cho kisatech nyinte otini le könyisyok kenyorunö ororyenyi.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

2 KORINTO 8:9

Ompöwölo onkïtökwa pöropcheto Echotyontenyo Yeso Kristo nyo kïrkegh kitïng nyinte kïgh anka tïkwïl, kwigh kegh meywon ompö akwa atökumï kwighakwa alïkuna sïkön ompö meywontönenyi.

EPESO 1:14

Akwompöwölo kïtïngetecha Mïkulöwunoni pö Tororöt kenkïtöcha nyu nyoman lö kïnyorunecha kïgh anka tïkwïl nyo kiyomisï Tororöt pikachi, porwecha ngölyontononi lö tyoköy Tororöt nyoman pich löwïr cho le chechi. Kesala nyu töroryenyi!

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPESO 1:8

nyo kikonecha kuwachta ompöwölo nkït Tororöt tïkwïn löwïr.

EPESO 2:4

Wölo tïng Tororöt kisyonöt nyo wow. Kichamecha nyinte ompö chomnyogh nyo wow nyoman

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

EPESO 3:16

kïkonok le wölo lata sïkönöteto ororyenyi, kïkonokwa owesyö nyo kilok ompö ara Mïkulöwunyi talïkuna pich cho chïchïmote ompö oringwo,

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

PILIPI 4:19

Konokwa löwïr tororötïnyan möchutkökwo kïngetunö mökosyenyi nyo wow nyo mi Kristo Yeso.

KOLOSAY 1:14

Akwompö nyinte kiketyakecha ompöwölo kikelöstowecha ngokicho.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 2:13

Kyochikwa pich cho kimeghö ato kile tagh ompö ngokikwa ompöwölo kyochikwa pipö punton cho kimelö kitïng kirurut, pö Tororöt, wölo keghakwa Tororöt ye onyoru söpon nko Kristo. Kilöstowecha Tororöt ngokicho löwïr,

KOLOSAY 2:2

Kaghan lenyoni atökïsïch chane nyakanat ompö mïkuliskökwa akïlïkwï kïgh akonga ompö chomnyogh atökïsïch chane mökosyö nyo pö kinkïtöt nyo ipu pköchin pö man. Muköy chane ompö aranoni kunkïtu wïnyata Tororöt, nyoni kï Kristo* nyinte.

1 TIMOTEO 2:6

nyo kitötö kegh atö kumuka kutyokisyö pich löwïr ompö ngokï. Kilïkwï nyoni kiporunöt otini kitïta osiswö cho kimököy Tororöt kïsöru pich löwïr.

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

TITO 3:6

Tororöt nyo kiyinwecha Mïkulögh nyo Tïlil kïnyïghï ompö ara Yeso Kristo* Ghetintenyo,

EPRANIA 9:22

Ompö kirurut, chang nyoman tïkwïn cho kitïlilo kisön, akwoto puryö kemïlta kisön kïmöminye lastagh nyo pö ngokï.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

1 YOANA 2:12

Kakirwakwa monechï mïnkech, ompöwölo kikelöstowokwa ngokikwo ompö kaynata Kristo.

1 YOANA 2:2

Akï nyinte kï tïsöwon nyo pö ngokicha, amelö tïsöwonto ngokicha opïn, wölo cho pö pich lapay.

1 YOANA 4:10

Anyï wölo lata chomnyogh: melö lö acha cho kikïcham Tororöt, wölo nyinte nyo kichamecha akïyonï Werïnyi kungwïn kïlïkwï amöros nyo kïlöstegho ngokï.

NGONGUT 14:4

Pich chane cho kikïrö kegh sïmnyontöno cheporesnan, ompöwölo ki kïltïte chane. Mi chane kïrïpöy Wawa Kech wop anka tïkwïl nyo wetöy. Kikïsörunö chane kwenu ptangengmötine walaka, akï chane cho kïnyoghöy keropchini Tororöt nko Wawa Kech.

NGONGUT 5:9

Kïtum chane tum nyo rel kïlentöy, “Mïchininyi chenge kitapï atemuta, apït möcheywechoni kikïngostö. Ompöwölo kikïparinyi, aipchinyi Tororöt pich ompö meghengu, pich cho kipkana punton kïmïkul, nko kutïw löwïr nko pich löwïr nko cho pö koros tïkwïl.