EPESO 1:6 - PIPÏLIA

⁶ Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPESO 1:6 ပူးပေါင်းရင်းမြစ်များ

TUMWÖY 22:20

Sörwante achïwïta chok, ighet söpontönyan ompö kukïdinechï.

TUMWÖY 60:5

Sörwecha ompö owesyengu nyo wow, aiterwecha sowutköcho, atökïchïwïtyö chamanköku.

NGÖTÏNYÖ 16:4

Kigh ECHOTYON kïgh anka tïkwïl kïmi kerötenyi, kigh ompö mwokïyis kïlïkwï nyingwa asispa nyarïl.

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ISAYA 43:21

Piköchan chane cho kyaghan akïlchan kegh, tökïtumwanïn chane sölut!”

ISAYA 61:11

Ompöwölo kïle otini ghyögho kösïgh ngwïny akïpit, kïsöru Echotyon TORORÖT pikachi, sölöy nyu pipö koros löwïr nyinte.

ISAYA 61:3

akïnyorï ngörekyö nko turönöt pich cho riryegho Sayon.* Otöninan tum pö salat nyo kötönyoru kiwongunöt. Kïkuro chane keti kitenat cho kakatkat ECHOTYON atökïnyorchï nyinte ororyö.

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

LAWIN 15:15

Atolapay kutötö nyu tïsin akonga kïpöyit ropöwonto ngokï kïpöyit anka amöros nyo kïpelöy. Ighöy nyu tïsin lenyoni atökulinyö chichay nko ECHOTYON.

SAKARIA 13:7

Lentöy ECHOTYON Kimuktoghin, “Ngeta we chok, para mösöwontenyan! Tïghö nyinte nyini pöghisyechinanïn. Para mösöwonte kïtoyö kechirye.

MATAYO 17:5

Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.”

MATAYO 20:9

Kïpka nyu chinö kitor kasï ato kingata satïn taman nko akonga, kïtak chi anka tïkwïl ropïyonto silpa akonga nyo kipö asis akonga.

MATAYO 3:17

Atolapay kïlö kut nyo kingwïno yïm, “Werïnyan nyï nyo le chamanenyan, nyo ochömonan kegh nyinte tya.”

LUKA 2:14

“Nya kwororit Tororöt nyo mi wölo töror tya, akïsïch ngwïnya kalya nyo pö pich cho le chamankachi.”

YOANA 10:17

“Chömanïn Paponyu ompöwölo otötonan söpontanyu atamuk acheng ngat.

YOANA 3:35

Chömöy Kwanta Werïnyi akakutö kïpöyï tïkwïn löwïr.

RUMI 8:1

Kïlenyona nyu ye, mökurwokyininye Tororöt pich cho linyote nko Kristo* Yeso.

2 KORINTO 4:15

Pö ngalechoni löwïr tösunötenkwa tö ato tasa pöropcho Tororöt kïghömï pich cho chang kuyokyï sörö chane, töroryo Tororöt.

2 KORINTO 5:21

Melö kitïng Kristo ngokï, wölo kigh Tororöt nyinte kupar ngokicha atömanyïn kelïkwï pich cho tenote ompö Tororöt otini kakïtuyö nko nyinte.

EPESO 1:12

Kïlenyona acha chona kikïnyagh kekön Kristo kesal ororyo Tororöt.

EPESO 1:14

Akwompöwölo kïtïngetecha Mïkulöwunoni pö Tororöt kenkïtöcha nyu nyoman lö kïnyorunecha kïgh anka tïkwïl nyo kiyomisï Tororöt pikachi, porwecha ngölyontononi lö tyoköy Tororöt nyoman pich löwïr cho le chechi. Kesala nyu töroryenyi!

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

PILIPI 1:11

Kinyïghitöy söponwekwa akwa man cho muköy Yeso Kristo nyinte kuyinu ompö ororyö nko salata Tororöt.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

PILIPI 4:19

Konokwa löwïr tororötïnyan möchutkökwo kïngetunö mökosyenyi nyo wow nyo mi Kristo Yeso.

KOLOSAY 1:13

Kisörunenecha nyinte owesyo tuwïn akuwuwecha nyo karam kelïte pöyunöteto Werïnyi nyo le chamanenyi.

1 PETRO 2:5

Opkonchinö nyinte le köghïn cho sötote, akonï kegh alïkwï koghi cho teko nyinte kö pö saghat, atopöghisyeghenö wöloni le tïsï cho tïlilöch cho tötoy köröstino mïkulögh cho chömöy Tororöt ompö ara Yeso Kristo.*

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.