EPESO 1:18 - PIPÏLIA

¹⁸ Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

EPESO 1:18 ပူးပေါင်းရင်းမြစ်များ

AYUPU 42:5

Kikyalïman ngaleku alïma yit wölo kasïwegheninyi ye konyichu.

TUMWÖY 119:18

Yata konyichan asïwan tïkwïn cho kïtöngönchini cho mi kirurutköku.

ISAYA 11:2

Töpo mïkulöwu ECHOTYON parakunyi mïkulögh nyo pö ngöghomnyö nko nyo pö sïkunöt mïkulögh nyo pö kirwokin nko owesyö. Mïkulögh nyo pö kinkïtöt nko nyo wöghöy ECHOTYON,

ISAYA 29:10

Keghakwa ECHOTYON onukyenö atoruyenö rïwön nyo nïkis. Werkoy cho kötö lïku konyi pich, wölo kelum Tororöt konyikwa.

ISAYA 29:18

Ato itï asisoni, kumï nyu chi nyo mingate kïlïm ngal cho kisomönuno kitapï, akïyotisyö konyi chepkarotin, cho kimöngöy wölo tuw akurosïta.

ISAYA 32:3

Yotisyot konyikwa nko yitikwa ompö möchutko pikökwa.

ISAYA 42:7

ateyata konyi chepkarotin, aiyatïta pich cho kikïkörchï chela cho mi wölo tuw, kïpechï kegh.

ISAYA 6:10

Atolapay kïlenchanïn, “Igha mïkulis pö pïchï kwongeröchitu, aigh yitikwa kïminyö, akïköryö konyikwa atömökumï chane kurosïta anta lïm kïgh anta sïkwï kïgh, atömötöp ntökurosïtegha konyikwa akïlïma yitikwa akïsïkunö mïkuliskökwa, akïmïlisyö wölo omitan atosopön chane.”

MATAYO 13:15

Ompöwölo kiwöngisyö mötöwöyi pïchï, kïminyö chane lö tïkïrkïr akïköryö konyikwa, tömöyotisyö konyïn akurosïta akïyotisyö yitïn akuyokyanïn kegh tosopön chane.’

MARKO 10:17

Otini kimi Yeso kïnopöy kegh kïwetöy rutoghtanyi, kurïpï chi akïkïtïngö tawunyi akïlenchï, “Oghan ne tosïkön söpon pö kokay nya konetintonï karam?”

LUKA 24:45

Atolapay kïyat mötöwekwa tökïpköchï Kikirut

IGHISYEWUT 16:14

Akonga ompö cho kiter lökoyecha kï Lidia nyo kingwïno Tuatira, nyo kile oltoghinto sïro cho kilata akwa reper. Ki korka nyinte nyo kisoghöy Tororöt, kwigh nyu Echotyon mïkulöwunyi kumï kïter akughan ngal cho kimwowu Paulö.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

RUMI 11:29

Ompöwölo möwöghökönye Tororöt konutkachi ompö chi nyo kakïl akusoyön.

RUMI 2:4

Nkï töptoy isösenyi köromnyenyi nyo wow nko mïkukönötenyi nya? Menkïtönyinye so lö karam Tororöt lenyoni ompöwölo kökoninyi pöroyïn kötenö ngokï?

2 KORINTO 4:4

Melö ghönöy chane ompöwölo körchini tororöt pö ngwïnyinï tuwïn pköchintöngwa, atömemï chane kïsïwa löpoyïn pö Lökoy cho Karamach cho pö töroryo Kristo* nyo le kïton pö Tororöt.

2 KORINTO 4:6

Ompöwölo Tororötini nyo kimwa lö, “Nya kulïwunö löpoyïn tuwïn,” nyoni lïwchini mïkulöwecha tökïkonecha löpoyïn pö kinkïtöt nyo pö töroryo Tororöt nyo lïwuno tokochu Kristo.

KALATIA 5:5

Kikönecha cho le acha lö, ighecha Tororöt ketene nko nyinte ompö owesyo Mïkulögh nka nyete kikönisïyecha ompö ara kighanat.

EPESO 1:11

Kikegh tïkwïn löwïr kïrïp kegh nko tötutyo Tororöt nko machatenyi, ompöwölo kikïlecha nyinte kelïkuna pikachi otini kikïlinyecha nko Kristo ompö machatenyi le wölo kilata kinonutyenyi nyo kinonöy otini le wïyay.

EPESO 1:7

Ompöwölo kïtïngetecha sörunöt ompö megha Kristo, akikengongoghta ngokicho kïle wölo lata wowïnto pöropchenyi,

EPESO 2:12

Onkïtï lö kyochikwa lowöch nko Kristo osiswechoni, kyomitekwa sanypa pipö Israel. Kyochikwa pïnot akimoghönekwanye kïgh ompö kiyomisut pö Tororöt. Kimotïngetekwanye kikönöt akimononekwanye lö mi Tororöt ngwïnyinï.

EPESO 3:16

kïkonok le wölo lata sïkönöteto ororyenyi, kïkonokwa owesyö nyo kilok ompö ara Mïkulöwunyi talïkuna pich cho chïchïmote ompö oringwo,

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

EPESO 4:1

Osomokwa nyu ani nyo ochï ratate ompöwölo opöghisyechinan Echotyon lö, otïpinö kïrïp kegh nko kurötononi kikurchokwa Tororöt.

EPESO 4:4

Mi por akonga nko Mïkulögh akonga, le wölini kikurchokwa Tororöt kikönöt akonga.

EPESO 5:8

Kyomitekwa tïkwïl ato le tagh tuwïn, wölo kyalïkukwa ye pipö löpoyïn otini kyolinyekwa nko Echotyon. Otïpinö nyu le monïngo löpoyïn,

PILIPI 3:14

Omitan ye nyu orïpöy otöngöy wölo mi kerötenyan, atonyorï ropöwontononi nyo nyoni kuröto Tororöt nyo pö söpon pö parak ompö Kristo Yeso.

KOLOSAY 1:12

Oyokyinö Papo sörö nyo kasïwa lö mïchinecha kenyorunö kareran pö tïkwïn cho kingotyï nyinte kïlankachi ompö paytaghtanyi nyo pö löpoyïn.

KOLOSAY 1:23

Mïchinokwa nyu aleta tagh ompö kighanat nyo chïchïmate nyo melö wöghöko, kïpïstö kikönöt nyo kipkokwa Lökoyechay Karamach kyalïmakwa, aki cho kikyomchï pipö ngwïny löwïr. Ani Paulö nyo kikïlan Tororöt alïkwï mötworintenyi nyo omtoy Lökoyechoni Karamach.

KOLOSAY 1:27

Mököy Tororöt kïngongchini pikachi lö wow akï oror kïtya kinyiwutyö nyo nyorchini pipö punton wïnyatenyi nyo lentöy, mi Kristo orinkwa, akupöru nyoni lö oporekwa asïyech ororyo Tororöt.

KOLOSAY 1:5

Ghyongo kighanatenkwa nko chomnyenkwa kikönöt nyo kikekomönwokwa ompö yïm. Kyalïmakwa ngala kikönötononi panto tagh atanya kikyomwokwa Lökoy cho Karamach cho pö man.

KOLOSAY 2:2

Kaghan lenyoni atökïsïch chane nyakanat ompö mïkuliskökwa akïlïkwï kïgh akonga ompö chomnyogh atökïsïch chane mökosyö nyo pö kinkïtöt nyo ipu pköchin pö man. Muköy chane ompö aranoni kunkïtu wïnyata Tororöt, nyoni kï Kristo* nyinte.

KOLOSAY 3:15

Akanya kïpayta kalya Kristo mïkuliskökwa, ompöwölo kalyanoni nyo kökurchokwa Tororöt atalïkuna por akonga, ayokyï nyinte sörö kïnomnyö.

1 TESALONIKE 2:12

Kikikilokwa akesaghsaghakwa, totïpinö otöp nyo chömöy Tororöt nyo kikurokwa apara Pöyunötenyi nko öroryenyi.

1 TESALONIKE 5:8

Wölo kichicha pipö pöghet akïmïchinecha keripö kegh. Mïchinecha kelacha kighanat nko chomnyogh le longa nyo körtonecha takat nko kikönötencha nyo pö sörunöt le kopiyo karïn.

2 TESALONIKE 1:11

Nka nyoni kïmicha kesoghwokwa osis lapay. Kïsoghecha tororötïnyo lö, teghakwa otïpïnö otöp nyo mïchini kuröt, nyo kikurchokwa nyinte. Kïsoghecha lö, tewantegha nyinte owesyenyi machatenkwa nyo pö köromnyö akupuntö ighisyenkwa nyo pö kighanat.

2 TESALONIKE 2:16

Kïsoghecha Echotyontenyo Yeso Kristo nko Paponyo Tororöt nyo kichamech akïkonecha saghsaghat nyo pö kokay nko kikönöt nyo karam ompö pöropchenyi,

1 TIMOTEO 6:12

Iporyö lasiny poryo kighanat ainam lö kïng söpon pö kokay nyo kikurchinyi Tororöt otini kimwaghenyi kutingu lö kaghan Kristo ompö tawu söwï cho chang.

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*

TITO 3:7

atökemuka kelinyenö nko Tororöt ompö pöropchenyi tökesïkö söpon pö kokay nyo kïmitö kekönöy.

EPRANIA 10:32

Anane otöptönkwa nyo kipö tagh. Kyowongunekwa tïkwïn cho chang osiswechoni kïtenö osïkökwa löpoyïn pö Tororöt, amöminye kïgh nyo kipölokwa.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

1 PETRO 1:3

Keyokyinö Tororöt sörö, Papoto Echotyontenyo Yeso Kristo! Ompö kisyonötenyi nyo wow, nyo kimuka kïyiyecha yiyöt nyo rel otini kigh nyinte Yeso Kristo kututunö ngwen. Nka nyoni kïgh nyo konecha kikönöt nyo chïchïmate

1 PETRO 3:9

Matak ghöyityö ompö ghöyityö anka anta chïpö ompö chïpö anka, nyinö kötoghöy lenyoni, asagh Tororöt kusoyön chichona chïpokwa, ompöwölo kisoyönöt nyoni kiyomiswokwa Tororöt otini kikurokwa.

1 PETRO 5:10

Wölo ato tenö kowongukwa nyo tangogh, ighokwa atena akuchïchimakwa akïkonekwa owesyö Tororöt nyo pö kalya kïmïkul, akï nyo kikurokwa apara nko nyinte ororyenyi nyo pö kokay otini kyolinyekwa nko Kristo.