EPESO 1:14 - PIPÏLIA

¹⁴ Akwompöwölo kïtïngetecha Mïkulöwunoni pö Tororöt kenkïtöcha nyu nyoman lö kïnyorunecha kïgh anka tïkwïl nyo kiyomisï Tororöt pikachi, porwecha ngölyontononi lö tyoköy Tororöt nyoman pich löwïr cho le chechi. Kesala nyu töroryenyi!

EPESO 1:14 ပူးပေါင်းရင်းမြစ်များ

TUMWÖY 74:2

Inan piköku cho kikïlanyi kïngeta otini le könyisyok, chanye kyalanyi atökïlïkwï piköku kegh. Inan kutïng pö Sayon* nyanye kimanganyi.

TUMWÖY 78:54

Akuwï chane kïpa ntökwit korenyi nyo tïlil, ntökwit kutïng nyo kirïnta nyinte ompö owesyenyi.

LUKA 21:28

Otini kasïwekwa nyu kwighisyö tïkuchoni, oghyong asyol mötöwekwo, ompöwölo kikïrikï sörunötenkwa.”

IGHISYEWUT 20:28

Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.

IGHISYEWUT 20:32

“Kïlenyona, opïsinökwa ye nyu ewuno Tororöt nko ngölyonteto kisyonötenyi, nyo muköy kïtekokwa akïkonok kisyonöt nyo rorchini pikachi lapay.

RUMI 8:23

Amelö tïkuchoni kikigh opïn cho chirsot, wölo kïmitecha chete le acha tïkwïl kichïr ompö orinyo, cho kïtïng Mïkulögh nyini le ropöwonto Tororöt nyo pö tagh, otini kïköngecha nyinte kwighecha kelïkuna monechi, akenyorï kityakatenyi.

1 KORINTO 1:30

Wölo kelinyokwa Tororöt nyinte nko Kristo Yeso nyo kigh Tororöt nyinte kïlïkwï ngöghomnyencha, kaketenacha ye ompö tawu Tororöt ompö nyinte. Kakelïkucha pipö Tororöt cho tïlilöch cho tyokote.

2 KORINTO 1:22

Akutönecha machey nyo poru lö, kïchicha pikachi akutö Mïkulögh nyo Tïlil mïkulöwecha kelïkuna pikachi nyoman.

2 KORINTO 5:5

Tororöt nyinte nyo kipï waghakatanoni akï nyinte nyo konecha Mïkulöwunyi kïlïku kikïniniogh pö tïkwïn cho tökïpkonöy cho kakïrorwecha nyinte.

KALATIA 4:6

Kiyonï nyu Tororöt Mïkulöwuto Werïnyi kïlït mïkulöwecha, riröy Mïkulöwunoni lö, “Papo, Paponyu.”

EPESO 1:11

Kikegh tïkwïn löwïr kïrïp kegh nko tötutyo Tororöt nko machatenyi, ompöwölo kikïlecha nyinte kelïkuna pikachi otini kikïlinyecha nko Kristo ompö machatenyi le wölo kilata kinonutyenyi nyo kinonöy otini le wïyay.

EPESO 1:12

Kïlenyona acha chona kikïnyagh kekön Kristo kesal ororyo Tororöt.

EPESO 4:30

Orip kegh magh Mïkulögh nyo Tïlil nyo pö Tororöt kïnarek, ompöwölo nyinte kï macheypa Tororöt nyo poru lö ochikwa pikachi akukïniniot lö itu Asis ato tyokokwa Tororöt.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.