EPESO 1:12 - PIPÏLIA

¹² Kïlenyona acha chona kikïnyagh kekön Kristo kesal ororyo Tororöt.

EPESO 1:12 ပူးပေါင်းရင်းမြစ်များ

TUMWÖY 2:12

oturonchenö ap kegh ngwïny, atömanarek nyinte atömowonyeghö arawet. Ompöwölo ngwan lö kat nörekyenyi. Soyönote cho ghïpchegho wölo mi nyinte. Tum pö Daudi nyo kitum otini kipertegha werïnyi Apsolom.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

ISAYA 12:2

“Ghetintenyan Tororöt, otighonan kegh nyinte amowöghanye kïgh. Ompöwölo konanïn ECHOTYON owesyö, ghetintenyan nyinte.”

ISAYA 45:23

Pö man mumenyan amelö wöghöko nyonikïny. Kyawalwalan kegh ompö mantanyan lö, ngwïnöy chi anka tïkwïl kïkïtïngo tawunyan akuwalwal lö terwanïn chane ngalechu.

ISAYA 45:25

Otöninan ante ECHOTYON rïntagh monïngo Israel atökïkonanïn chane konyït.”

YEREMIA 23:6

Kïsöru Yuda atoni akïmöngisyö pipö Israel ompö kalya, ompö osiswo paytaghtanyi. Kïkuro pöytoghintononi, ‘ECHOTYON nyo le sörunintencha.’

YOANA 14:1

Kïlenchï Yeso chane, “Makany kusus kegh mïkuliskökwo, aghanakwa Tororöt, aghananïn tïkwïl.

EPESO 1:6

Kesala nyu Tororöt ompö pöropchenyi nyo töror nyo kikonecha nyinte kwïle ompö Werïnyi nyo le chamanenyi!

EPESO 2:7

tökuporï ompö könyis cho pkonöy wölo tenö sïkönöteto pöropchenyi nyo pö kisyönöt ompö acha kuwerï Kristo Yeso.

EPESO 3:21

Nya kïsïch Tororöt ororyö ompö kanisa nko ompö Kristo Yeso osis löwïr, kokay nko kokay! Amen.*

2 TESALONIKE 2:13

Mïchinecha keyokyine Tororöt sörö kïnomnyö ompö akwa, tupchenicho akwa chona kichamak Echotyon, ompöwölo kikïlakwa Tororöt kïngeta towunöt atonyorunö sörunöt ompö owesyo Mïkulögh atökeghakwa alïkuna pikachi cho tïlilöch ompö kighanat nyo pö ngölyonto man.

2 TIMOTEO 1:12

nka nyoni omitan owonguno ngalechoni. Wölo mosïwïyanye arasï ompöwölo onkïtön chichini kaghanan, ankïtön nyoman lö, muköy kïkomönöy lasiny kïyoni kökonanïn ntökwit asispa mïlaghtanyi.

YAKOPO 1:18

Kiyiyecha nyinte ompö machatenyi ompö ngölyontenyi nyo pö man atökelïkuna cho pö tagh ompö tïkwïn lapay cho kigh nyinte.

1 PETRO 1:21

Kaghanakwa Tororöt ompö Kristo nyo kigh nyinte kututunö ngwen akutö ororyö. Kïlenyona mi kighanatenkwa nko kikönötenkwa wölo mi Tororöt.