DANIEL 9:6 - PIPÏLIA

⁶ Melö kikïterchicha mötworiku werkoy cho kingölonchï pöytoghicha nko yetïntinecha nko papotïnecha nko piko korencha löwïr ompö kaynatengu.

DANIEL 9:6 ပူးပေါင်းရင်းမြစ်များ

2 PÖYTOGHÏ 18:12

Kikïnam kanasyanta Samaria ompöwölo kitagh pipö Israel kïrïp muma* ECHOTYON Tororötïngwa, ata cho kimwochï Musa, mötworinto ECHOTYON chane, melö kilïm anta terchï.

2 OTÖPTINO OSIS 33:10

Kingölonchï ECHOTYON Manase nko pikachi wölo matercha.

ESRA 9:7

Kïngata osiswo papotïnecha nko ye, kikelelacha nko pöytoghicho nko tïsicho aketönecha mori pöytoghi pipö punton akwompö ngokicha, keparecha akechengenecha tïku akerangecha kelïkuna pïnot, kenyerecha akeroröchecha ompö arasï nko nyete le ye.

NEEMIA 9:30

Kimïkukönönyi könyis cho chang ompö chane airirchinyi ompö Mïkulöwungu kuwerï werkoyköku, wölo kimöterchïcha chane kïlenyona itönönyi mori pipö punton.

NEEMIA 9:32

“Kïlenyona we Tororötïnyo nyo ichï wow, ichinyi awes, we Tororöt nyo kiwöghöy! Iripenyi mumengu nko chomnyengu nyo pö kokay. Melenchï kegh mïnkech kömpölelutchï kipkonchecha nko pöytoghicha nko kintöghoghicha nko tïsicha nko werkoyicha nko papotïnecha nko piköcha löwïr, kïngeta osiswo pöytoghi Asirya nko ye.

NEEMIA 9:34

Melö kirïp kirurutköku pöytoghicha nko kintöghoghicha nko tïsicha nko papotïnecha. Melö ompö kiyang chane ngaleku nko chilatengu.

YEREMIA 26:5

Amaterakwanye kïgh nyo mwowokwa mötworicha cho le werkoy cho oyokwokwa kïtenö osis, kïrkeghnye so melö kyayangakwa kïgh nyo kimwoghöy,

YEREMIA 29:19

Ighisyot choni löwïr ompö chane ompöwölo melö kirïp ngölyontenyan nyo kyoyokchan chane kïtenö osis kuwerï mötworichan werkoy. Wölo melö kilïm chane.

YEREMIA 44:16

“Kakïtaghacha ketera ngalechoni kemwowechanyi ompö kayna ECHOTYON,

YEREMIA 7:13

Anyï ye kaghakwa tïkuchoni löwïr kigh chane, akï kïrkegh kyongölonwokwa kïnyïl cho chang, kimaterakwanye. Kyolan ompö okurokwa, wölo mongitönchanïkwanye.

YEREMIA 7:24

Wölo melö kiter kutinyan akipechï kwigh kïrïp kegh nko kinonutkökwa kegh nko tighintöno mïkuliskökwa cho kinyïghï ghöyityö akuyoda kegh löt nyo kötö petöy tagh.

DANIEL 9:10

Melö kikïteracha ngaleku, we ECHOTYON Tororötïnyo, kerïp kirurutköku cho kitönönyi mötworiku werkoy.

DANIEL 9:9

Itïngetenyi kisyonchin nko lastaghpa ngokï, kïrkegh kikïtaghichanyi, we Tororöt.

MATAYO 23:37

“Heywey Yerusalem, Yerusalem nyo ipöröy werkoy aiwira koghïn pich cho köyonunyi Tororöt! Kyamachan kïnyïl cho chang omukyï aghamïtï piköku wölo omitan le wölo ghömïtyini kokoroch warechi köpepoy, wölo itaghanyi!

IGHISYEWUT 13:27

Ompöwölo menkïtïcha pich cho mönyöy Yerusalem nko kintöghoghikwa nyinte, möpköchïcha ngala werkoy cho kisomönöy ompö asispa Sapato anka tïkwïl. Kupuntö chane ngalechoni otini kirwokyï Yeso kepar.