DANIEL 9:3 - PIPÏLIA

³ Asaghan nyu Echotyon Tororöt, arirchini nyinte akïruröy, alakan sarankwachtin, atöpan aryon kuporï kötogh.

DANIEL 9:3 ပူးပေါင်းရင်းမြစ်များ

2 SAMWEL 12:16

Kïsagh Daudi Tororöt ompö monïngay akïkïrur, kiwö nangat anka tïkwïl konyi akumelmel kïyech.

ESRA 10:6

Kïlenyona kïngeta Esra tawu Kö pö Tororöt akïwö kö pö Yeoanan wero Elyasyip nyo mi körköru köyoni, wölo kiwö kïrï amelö kyam kïgh anta gha pögh. Kimi lok ompöwölo kïpïstö Tororöt pïchay kimïlisyeghö pïnotön.

ESRA 8:21

Amwatïtan kekïrur ompö lalwa Aapa tökerïngacha kegh ompö tawu Tororötïncha akesagh nyinte kuntöghoghwecha nko monecho nko tïkucho löwïr.

ESRA 9:5

Angetan sönönötenyan nko sïrochay kipolpolisyö, okïtïngön aghïtochï ewunechu ECHOTYON Tororötïnyu,

NEEMIA 9:1

Otini ketïta nyu asispa 24 ompö arawanoni, kïghamït kegh pipö Israel, akïkïrur akulak sarankwachtin akïnyïra kegh terït mötöw kuporï nyarïltangwa.

ESTA 4:16

“Wïyö ghamïta pipö Yaudi löwïr cho mi Susa akïrur asoghwante. Momisyö amegheghsyö nyonikïny osis sömök, pöghet nko nangat. Okïruran tïkwïl nko tipïn cho pöghisyewanïn. Nyini kewonyö osiswechoni, owan nyu wölo mi pöytoghintö, kïrkegh melö köchömu kirurut. Ato kameghan ameghan.”

AYUPU 42:6

Kïlenyona kolïmchan kegh arasï ompö ngalechan, akötan ompö terïtyon nko aren.”

TUMWÖY 35:13

Wölo otini kikösisyote chane arwakan möt, achopan kegh kong ompö kïrurat awirchan kegh ngwïny,

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

YEREMIA 33:3

“Kuranïn tongitönun tomwowun ngal cho pö töngönchin cho wïngote cho tomönye nkïtunönyi.

ESEKEL 36:37

Lentöy Echotyon TORORÖT, “Oköngan kïtepanïn pipö Israel aghan chane kïtösisyö mïrönkökwa le okwot pö kechir.

DANIEL 6:10

Nyini kilïm Daniel lö kikekir ngalechoni, kïwö konyi nyo pö parak akïyat tïrisyen cho kipörtoy Yerusalem, kïkïtïng akïsoghsyö kïnyïl sömök ompö asis akonga akïmwoghöy sörö ompö Tororötïnyi le ato keghöy su.

DANIEL 9:2

Kyosomönön kitapun ompö könyi tagh nyo pö paytaghtanyi, kïpköchanïn ngala cho kimwochï Tororöt Yeremia lö, weröy könyiswö cho le 70 akïtö kï kïratyan Yerusalem.

DANIEL 9:20

Otini kyomitan ongölonöy osoghöy akötoy ngokichu nko ngoki piköchan, pipö Israel, olokyan ECHOTYON Tororötïnyu, akwompö Yerusalem, kutïngtanyi nyo tïlil.

DANIEL 9:4

Asaghan ECHOTYON Tororötïnyu akötoy ngokï, olan, “Ichinyi, we Echotyon Tororöt awes, aichï Tororöt nyo pö konyït, nyo ikonyïtöy muma,* aiporchini chomnyengu nyo melö wonyot pich cho chöminyi akïrïpöy kirurutköku.

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

YOEL 2:12

Akwompö nyete le ye kïmwoghöy ECHOTYON lö, “Omïlisyenö wölo omitan ompö mïkuliskökwo löwïr, ompö kïrurat nko lok nko sönönöt.

YONA 3:5

Kughan nyu pipö Ninawi ngölyonto Tororöt. Atolapay kïmwatïta lö, mïchini chi anka tïkwïl kïkïrur akulach sarankwachtin cho poru kötogh, kïngeta yetïntin ntökwit cho mïnkech.

MATAYO 17:21

“Wölo möngetöcha oy cho lata chï kwïle, kïpoto ompö saghat nko kïrurat.”]

LUKA 2:37

akwato mi löt kïlïkwï mïsïk ntökwit könyis 84. Wölo kimöpïstönye Kö pö Tororöt, kisagh nyinte Tororöt pöghet nko nangat, ato kikïruröy nyinte.

IGHISYEWUT 10:30

Kïlö Kornelio, “Kyomitan osoghöy ompö konyu, atotenö ye satïn mut nko angwan. Kughyongö chi tawunyan nyo kiloköy sïro cho kwerkwersot,