DANIEL 9:27 - PIPÏLIA

²⁷ Omöy pöytoghintononi muma nko pich cho chang ompö könyis mut nko odeny, ompö kwenu könyiswechoni kïtagh amörostin nko ropöw, ketö körkeyïn nyo pö otyogh Kö pö Tororöt akïtöpö atoni ntökïtenö kïma nyinte nyo kitö atoni lenyini kimwa Tororöt.”

DANIEL 9:27 ပူးပေါင်းရင်းမြစ်များ

ISAYA 28:15

Ompöwölo kyamwaghakwa lö kikiyomisöcha kegh nko meghat akyam ngamata nko ngwen, nyo ato wer mungötö nyo wow, kechïwïtyocha ompöwölo möminye kïgh nyo okönekwa atawïnya kegh kïpoto putintön nko lïsa.

ISAYA 28:22

Kïlenyona nyu, masas ngalechï orirwokwa! Ato asasakwa, kwoghïghitu tya ompö akwa ochïwïtyenö ompöwölo kyalïman Echotyon, TORORÖT Kimuktoghin lö mököy nyinte kuwuröy ngwïny kïmïkul.

ISAYA 42:6

“Ochan ECHOTYON, nyo kokurinyi ompö man, onömotoninyi egh aripinyi. Otötoninyi le muma* ompö pich ailïkwï löpoyïn ompö pipö punton,

ISAYA 53:11

Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.

ISAYA 55:3

“Atera nyu pikachu, apkonchanïn. Apkana wölo omitan atonyorunö söpon! Ononan mumenyan nko akwa kokay, akonokwa chomnyogh nyo kyoyomisön Daudi.

YEREMIA 7:30

“Kegh pipö Yuda tïkwïn cho ghach ompö tawunyan otï kepï körkeyïntino tororötinekwa kïlïtï köyï kïkurtegho kaynenyan akusïmnyon.

DANIEL 11:31

Sïmnyonöy pipö lïkenyi Kö pö Tororöt nko nïyetkö akïtagh amörostin cho kïpelöy kïnomnyö. Akutö körkeyïn nyo pö otyogh.

DANIEL 11:36

“Ighöy nyu pöytoghinto Sirya kïrïp kegh nko machatenyi. Kwolöy kegh akïsït kegh parak kïtïl tororötin löwïr. Akïtagh Tororöt pö tororötin kïngalana nyo gha. Sïkönonöy ntökwitïta asisoni, itïtoy nörekyo Tororöt.

DANIEL 12:11

“Weröy osiswö cho le 1,290 kïngata otini kakïtagh ketötö amörostin cho kïpelöy kïnomnyö aketö körkeyïn nyo pö otyogh ntökwit asispa nyarïl nyo wow.

DANIEL 7:25

Töghöy chane Tororöt nyo Töror, akïpïr pipö Tororöt nyo Töror Tya. Akumukyï kïwaghach kirurutkökwa nko osiswo ichontinekwa. Ketö pipö Tororöt morichi könyis sömök nko nïsï.

DANIEL 8:13

Alïman malaykayan nyo kïtep anka lö, “Tösöy tagh tïkuchï mi sïwïyagh nko oyï? Ighöy chane ngokï nko oyï kötö pelöy amörostin? Kïtyökotyököy lïko yïm nko Kö pö Tororöt nko oyï?”

OSEA 3:4

Ompöwölo tïpisot pipö Israel osis cho chang kïpuryö pöytoghï anta kintöghoghï, kïpuryö amörostin anta pchörin anta körkeyïntin anta epod* chepkweghyon.

MATAYO 24:15

“Ato asïwekwa nyu ‘Ghöyïn pö otyogh pö Kinyarat,’ nyo kimwa werkoyon Daniel kughyongö ato tïlil. (Akanya kïpköchï chi nyo somönöy ngalechï!)

MATAYO 26:28

Ompöwölo kisönköchan chete, nyo puntoy muma* Tororöt cho kïmïltoy ompö pich cho chang atökelöstoghchï chane ngokikwa.

MATAYO 27:51

Kïkarera ananka nyo kiporöy Kö pö Tororöt kïlïkwï odeny, kïngeta parak ntökwit ngwïny. Kurïngring korö akïkörerisyö ghatoy.

MARKO 13:14

“Ato asïwekwa kïgh nyo gha nyo kipolpolöy ketö wölo melö keroko kïmi, nya kïpköchï chi nyo somönöy ngalechï, akany kïryagh pich cho mi Yudea kïpus kutïngkot.

LUKA 21:20

“Ato asïwekwa kuwitwit lïkoswö cho reyö kegh Yerusalem, onkïtï lö, kirich kiwuratenyi.

LUKA 21:24

Kïpöro walaka chok, kenam walaka kïlïkwï mampustin ompö koros löwïr. Pkonöy pipö punton kuwuröy Yerusalem ntökuwonyö osiswekwa cho kikïngor.

RUMI 11:26

Kïsöru nyu atoni pipö Israel kïmïkul, kïle wölo mwoghöy Kikirut lö, “Ngwïno asïyech Ghetin Sayon,* akupuktegho nyinte pipö Yakopo ghöyityö.

RUMI 5:15

Wölo melö karkegh laras ompöwölo memukonye kekongityö ropöwonto Tororöt nko ngoki Adam. Pö man kemwa lö, kimeghö pich cho chang ompö ngoki chi akonga. Wölo wow tya pöropcho Tororöt akï wow tïkwïl ropöwontenyi ompö pich cho chang ompö pöropcho chi akonga, Yeso Kristo.

RUMI 5:19

Ompöwölo kïle wölini kikigh pich cho chang kïlïkwï mwokïyis ompö tighintöno chi akonga, kïlenyoni tïkwïl, yityini Tororöt pich cho chang man ato terchï chichoni pö man le akonga, Yeso Kristo.

EPRANIA 9:28

Kïlenye nyoni tïkwïl, kikonï kegh Kristo kïlïkwï körösyon kïnyïl akonga tökupuktö ngoki pich cho chang. Chumu nyinte nyu panto odeny amelö ngwïnöy tökunoghyechï ngokï, wölo tökïsoru pich cho köngöy nyinte.