DANIEL 9:20 - PIPÏLIA

²⁰ Otini kyomitan ongölonöy osoghöy akötoy ngokichu nko ngoki piköchan, pipö Israel, olokyan ECHOTYON Tororötïnyu, akwompö Yerusalem, kutïngtanyi nyo tïlil.

DANIEL 9:20 ပူးပေါင်းရင်းမြစ်များ

ESRA 10:1

Otini kitö kïmi Esra kisoghöy akïriröy akïkïtïngöy ompö tawu Kö pö Tororöt,* kighömïtyï kegh wölo mi nyinte söpïch nyo wow nyo pö mïrön nko kor nko monïng cho pö pipö Israel cho kiriryot ompö ngwonïn.

NEEMIA 1:6

Iterwante airosanïn otini osoghan pöghet nko nangat ompö mötworiku pipö Israel. Okötenan ngoki pipö Israel cho kiwunyi. Kyaghan ngokï tïkwïl nko papotïnechan.

TUMWÖY 145:18

Lekït ECHOTYON ompö pich cho kuröy nyinte, chane cho kuröy nyinte ompö man.

TUMWÖY 32:5

Kyongongunyi ngokichan amelö kyawïngan ghöyityenyan. Kyasïwan lö, mïchini ongongunyi lelutköchan, ichamanyi löstoghwanïn ngokichan.

OMTOGHIN 7:20

Möminye chi pö man ngwïny nyo ighöy nyo karam amegh ngokï.

ISAYA 56:7

“Omïtwokwa ntatukwa kutïng pö Sayon,* kutïngtönyan nyo tïlil, aghakwa ongörekyenö ompö Konyan nyo pö saghat, atakan amörostin cho otöninekwa ato kïpelo amörosechan. Ompöwölo kïkuro Konyan kö pö saghat nyo pö pich löwïr.”

ISAYA 58:9

Omölyöngunan ato asaghanïkwa. Ongitönan ato okuranïkwa. “Ato awangakwa wököt nko machey anka tïkwïl nyo pö arasï nko ngölyon anka tïkwïl nyo gha,

ISAYA 6:5

Olan nyu, “Ochech nyo le ani! Ompöwölo weröy ngalyapunyan ngölyon anka tïkwïl nyo le sïmnyon nyo ongölonan, akwanyï omöngan nko pich cho ngölonöy ngölyon anka tïkwïl nyo le sïmnyon. Akwanyï ye kasïweghan konyichu ECHOTYON. Kasïwan Pöytoghin, ECHOTYON Kimuktoghin!”

ISAYA 65:24

Oterchinan chane sowutkökwa kïrkegh kötomöcha kuwany kïsaghanïn, oyokyinan chane sowutkökwa.

DANIEL 10:12

Kïlenchanïn, “Daniel, mewöghisyö ompöwölo kikelïm ngaleku kïngata otini kichamanyi kïpköchinyi ngala, aimïnïngit kegh ompö wölö mi Tororöt, kangwïnan ye akwompö saghatengu.

DANIEL 10:2

Kyosönönön wïkin sömök ompö osiswechoni.

DANIEL 11:45

Akïparta emenichi cho pö paytagh kwenu nanam nko kutïng nyo mi Kö pö Tororöt, wölo meghöy akï möminye nyo ngöroköy nyinte.

DANIEL 9:16

We Echotyon, yodena nörekyengu nko sïngiryengu ompö kanasyantengu Yerusalem, kutïngtöngu nyo tïlil, ompöwölo ighenyi man kïnomnyö. Kisasecha pich akïsas kanasyantengu cho kimang Yerusalem kuwitwitecha akwompö ngokicha nko cho pö papotïnecha.

SAKARIA 8:3

Omïlenan Sayon amang Yerusalem. Kïkuröy Yerusalem asoni lö, ‘Kanasyan nyo ghanate,’ kekurö kutïng pö ECHOTYON Kimuktoghin, ‘Kutïng nyo tïlil!’

IGHISYEWUT 4:31

Nyini kuwany kïsoghöy, kïpotan atoni kinyoryeghö chane. Kenyïghit chane Mïkulögh nyo Tïlil, akïngalan ngölyonto Tororöt ompö nyakanat.

RUMI 3:23

ompöwölo kikwigh pich löwïr ngokï akïrörchï ororyo Tororöt.

YAKOPO 3:2

Kighecha lelut cho chang kïnomnyö. Nyo ato malelnye chi ompö ngalanatenyi, kutenate chichoni akumuköy nyinte kïpayta portanyi kïmïkul.

NGONGUT 21:10

Kïnamanïn Mïkulöwu, Tororöt atolapay kumïtanïn malaykayantanay ntatan paraku kutïng nyo kogh tya. Kuporwanïn Yerusalem, Kanasyan nyo Tïlil nyo ngwïno yïm wölo mi Tororöt

NGONGUT 21:2

Asïwan Kanasyan nyo tïlil, Yerusalem nyo rel, kïrökunö yïm wölo mi Tororöt, kanasyan nyo kikipïch lasiny akïmi kïpsach, le mïrar nyo nopchini kegh santenyi.