DANIEL 9:18 - PIPÏLIA

¹⁸ Terwante we Tororötïnyu. Rosa nyörilwoköcha, airos wölo kiwongwï kanasyantengu, nyo kïkurtegho kaynengu melö kisoghecha nyi ompöwölo kïchicha pipö man, wölo ompöwölo itïngönyi kisyonchin.

DANIEL 9:18 ပူးပေါင်းရင်းမြစ်များ

1 PÖYTOGHÏ 8:29

Kaykay irip Kö pö Tororöt nangat nko pöghet yete kekïlanyi kesagheninyi. Iter sowutköchan cho omwowunyi ompö yeteyi.

2 PÖYTOGHÏ 19:16

Kapa yit, we ECHOTYON, iter aingany konyiku irosïta ompö ngala Senakerip nyo kemwaghinyi, Tororöt nyo isöpöy.

TUMWÖY 116:1

Ochöman ECHOTYON, ompöwölo, lïmöy kutinyan nko sonutköchan.

TUMWÖY 25:6

Inan, we ECHOTYON, kisyonötengu nko chomnyengu nyo pö kokay cho kimi kïngata könyisyok.

WUWÖT 3:7

Kïlö ECHOTYON, “Kasïwan nyarïl pö piköchan cho mi Misri akalïman lokekwa ompö pich cho chopöy chane kong. Ankïtön ngwonïntöngwa.

ISAYA 37:17

Lïmwecha ye nyu, we ECHOTYON, aisïwa kïgh nyo kegha ompö acha. Ikany kïlïm yitiku tïkwïn löwïr cho kamwa Senakerip atökïchïpinyi nyo ichï Tororöt nyo satate.

ISAYA 43:7

Piköchan chane kegh, cho kyaghan tökwipkanïn ororyö.”

ISAYA 64:12

Ato kikwitïta atoni ye, o ECHOTYON, tesisenyi? Möminye kïgh nyo ighenyi, isisenyi pat, aipïstecha kewongunö kïtïl owesyencha so?

ISAYA 64:6

Kïchicha löwïr mwokïyis, kïrkegh keghacha tïkwïn cho kakïsïwïyi lö karamach, ki ghach tïkwïl! Kïlatecha sökö cho silonchot akïkutïta yomat akwompö ngokicha.

YEREMIA 14:7

“Lokyinanïn nyu piköchan kïlentöy, ‘Ngarakecha, we ECHOTYON ompö konyït pö kaynengu, kïrkegh rwokyinecha ngokicho. Kikepenyacha ngaleku kïnyïl cho chang, kikeghacha ngokï ompö tawungu.

YEREMIA 14:9

Ayo, kegha ne tekara kegh nko chi nyo le kwöngön, le nyakana lïk nyo kepöl kïsörï chi? Wölo iminyi kwenuncha we ECHOTYON, kïchicha piköku, mepïstecha!’ ”

YEREMIA 15:16

Kyanïkughan ngaleku otini kyalïman, kwipkanïn ngalechoni ngörekyö akïturön mïkulöwunyan. Ompöwölo nkïtanïn pich ompö kaynengu, we ECHOTYON Kimuktoghin.

YEREMIA 25:29

Arosakwa! Opchinan meghat kanasyantanï kïkurtegho kaynenyan. Olentekwa so kïchïwïtyot monyorï sitenyan? Ompöwölo omitan opu ngot nyo wongöy pipö ngwïny löwïr!’ Mwoghöy ECHOTYON Kimuktoghin.

YEREMIA 36:7

Töptoy ana lïmöy Tororöt sowutkökwa akïwöghökisyö akïpïstö ortïnekwa cho ghach ompöwölo ngwonöch lakat ngala cho kamwa ECHOTYON lö owetöy oghchini pïchete ompö nörekyenyi.”

YEREMIA 37:20

Akï ye, we pöytoghin nyo konyïtot, osoghinyi aiterwo. Kaykay meyodanïn owö ngat chela nyo mi ka Yonatan ompöwölo omeghchinan wölini nyo mötïny ato ighanyi lenyoni.”

ESEKEL 36:22

“Kïlenyona lenchinö pipö Israel lentöy ECHOTYON Tororöt kïgh nyo omökan oghe kï melö ompö köromnyenkwa wölo oghan ompöwölo kolulön kaynatenyan nyo tïlil nyo kyosïmnyonökwa ompö koroswo punton cho kyapekwa amang.

ESEKEL 36:32

Ngalechi omochan oghe, kwompö akwa. Mwoghöy Echotyon TORORÖT. Ayo, mololïyönekwanye so we pipö Israel ompö ighisyewutkökwa cho melö pö man?

DANIEL 9:7

Ipoyenyi man, we Echotyon, wölo acha cho kikelel akekonï arasï kïnomnyö ompö pipö Yuda nko cho pö Yerusalem nko pipö Israel löwïr cho lekïtöch nko cho lowöch cho mi koroswechini kiyonchinyi chane, ompöwölo kitagh kughaninyi.

KIYITUT 6:27

Akïlö ECHOTYON, “Ato kur chane kaynenyan ompö kwenu pipö Israel le kisoyonöt, osoyönan chane.”

1 KORINTO 1:2

Kakikirwakwa cho ochï kanisa Tororöt nyo mi Korinto. Kiketïlilokwa ompö Kristo Yeso akekurokwa alïkuna pipö Tororöt. Kakikiracha tïkwïl tökïnyorï pikö walaka löwïr cho soghöy Echotyontenyo Yeso Kristo akï Echotyontenyo tïkwïl.