DANIEL 8:2 - PIPÏLIA

² Kyomitan ompö sïwïyaghnoni Susa kanasyan nyo wow ompö koro Elam, kyoghyongenan lalwa Ulay.

DANIEL 8:2 ပူးပေါင်းရင်းမြစ်များ

TOWUNÖT 10:22

Kïkuro werpö Syem: Elam nko Asyur nko Arpaksyad nko Lud nko Aram.

TOWUNÖT 14:1

Kituyö osiswechoni pöytoghï angwanï, Amrapel nyo pö Papilonia nko Ariok nyo pö Elasar nko Kedorlaomer nyo pö Elam nko Tidal nyo pö Koyim,

NEEMIA 1:1

Achï ngala Neemia wero Akaliya cho kigh. Kyomitan Susa kanasyan nyo wow ompö arawa Kislep könyi tömönut odeny nyo pö paytaghpa Artakerkes pöytoghinto Pasya.

ESTA 2:8

Otini kikïmwatïta pöytoghinto ngalechi cho pö kursyö, kekurï tipïn cho chang kïpka Susa akimito Esta nko chane. Ketö nyinte tïkwïl ka pöytoghin atökïrip Ekay nyo kighyongchini kor.

ESTA 3:15

Kïpa nyaparen lawel lenyini kimwa pöytoghin, kimwatïtegha Susa kanasyan nyo wow. Kïpa nyu ngalechay kïghömï koros. Kumpur pöytoghintö ngwïny nko Aman akïgheghsyö kimi pipö kanasyanta Susa mighöt.

ESTA 7:6

Kuyokyï Esta lö, “Mwokïyontonete le Aman chichoni. Punyontencha nyo kenyarilecha kong nyinte.” Kïtopön Aman pöytoghin nko Esta akïmïgh lö chïrïm.

ESTA 8:15

Atolopay kïngeta Mordekay ka pöytoghin kuloköy sïro cho pö paytagh, cho akïnyörilöch nko cho relach nko tenta nyo wow nyo pö koltin nko sïra nyo lata akwa lamay nyo pö katani nyo kogh nyo pïchigh, kïmi kuteghyot pipö kanasyanta Susa ompö ngörekyö nko turönö.

ESTA 9:11

Kikïmwochï nyu pöytoghin asisoni pich cho teno cho kikïpar ompö kanasyanta Susa.

ESTA 9:15

Kïghamït kegh pipö Yaudi cho kimi Susa ngat ompö asispa taman nko angwan arawa Adar akïpar pikö walaka 300 ompö kanasyanta Susa. Wölo melö kirit chane tïkuko pïchoni.

ISAYA 11:11

Pöghisyegho Echotyon ngat owesyenyi kuyokunö pikachi pïnotön ato itï asisoni kïmïlisyö korengwa cho kidong koro Asirya nko Misri ompö koroswo pipö Patros nko Etopya nko Elam nko Papilonia nko Amat nko koros cho mi nanam cho kiwit pögh.

ISAYA 21:2

Kasïwan sïwïyagh nyo pö tïkwïn cho pö rïmö, sïwïyagh nyo kïwïchtoy kegh nko kiwurat. Kepokwï pipö Elam cho pö lïk akïporyö! Kusyep pipö Mede cho le setï kanastin! Wongöy Tororöt nyörilwok löwïr cho kepï pipö Papilon.

ESEKEL 1:1

Kisïwa Esekel tïsin wero Pusi kiyata yïmö kïsïwa sïwïyagh, ki asispa mut nyo pö arawa angwan ompö könyi tömönut sömök ompö lalwa Kepar omitan koro pïnotyon.

ESEKEL 32:24

“Mi Elam wölini nko pikachi pö lïk löwïr, kiwit pïrïmpoti pich cho kïmeghö ompö chok, kiröytö chane ngwen cho le sompen. Kyotyeghyö atanya pich cho kisöpchote, wölo ye kinam arasï nyu chane nko chini petöy kïröytoy ngwen.

DANIEL 10:4

Otini kyoghyongonan sörömu lalwa Tikris ompö asispa 24 nyo pö arawa tagh,

DANIEL 7:15

“Kyomïghön nyoman ompö sïwïyaghtin cho kyasïwan, asusön kegh.

DANIEL 7:2

Atolapay kukir ngala kirwotïtoghoni akïmwowï lö, “Kasïwan ompö sïwïyaghtanyan yomat kïkutöy nanam nyo wow ompö woptin löwïr.

DANIEL 8:1

Kyasïwan sïwïyagh nyo pö odeny ompö könyi sömök nyo pö paytaghpa Pelsyasar.

DANIEL 8:3

Asïwan makal ompö sörömu lalwanay nyo tïng kuy odeny cho koghöch. Kikogh anka kïtïl anka. Kikogh nyo kipitï lötï ompö nyinö anka.

KIYITUT 12:6

Kïlenchï ECHOTYON chane, “Atera ngalechï! Atomi werkoyonta nyo mi kwenunkwa, oporchinan kegh nyinte ompö sïwïyagh, angölonchan nyinte ompö kirwotïtogh.

EPRANIA 1:1

Kingalan Tororöt könyisyok kïnyïl cho chang nko papotïnecha kuwerï ortïn cho chang akïngalan kuwerï werkoy,

NGONGUT 9:17

Asïwan ompö sïwïyagh angoletinechoni nko pich cho kipegho akï cho kilok kïkarta töketwekwa körin cho töpölöl cho pïroch le ma akworusöch le koghïn cho pö olyot nyo wow akï nyörilöch le salpa. Kilata mötöweko angoletinechoni mötöwo ngötuny akï cho kipkono kutïwekwa ma nko ighöt nko salpa.