DANIEL 7:8 - PIPÏLIA

⁸ Otini kitomitan orosöy kuyechay, kuchumï kuyöghö anka nyo mïnïng ompö kwenu chay akïkalangta kuy sömök chay kömi tagh. Kimi kuyöghonay konyïn cho lata konyi chi nko kut nyo kingölonöy ngala menotön.

DANIEL 7:8 ပူးပေါင်းရင်းမြစ်များ

TUMWÖY 12:3

Imut, we ECHOTYON kutïwa lïsï löwïr nko ngalyap anka tïkwïl nyo kwolöy kegh

DANIEL 11:36

“Ighöy nyu pöytoghinto Sirya kïrïp kegh nko machatenyi. Kwolöy kegh akïsït kegh parak kïtïl tororötin löwïr. Akïtagh Tororöt pö tororötin kïngalana nyo gha. Sïkönonöy ntökwitïta asisoni, itïtoy nörekyo Tororöt.

DANIEL 7:19

“Wölo kyamachan onkïtï tya paraku tyonto angwan nyo kisis ompö chinö walaka löwïr akïgha nyoman, kyotyegho nyoman, kitïng kela karïn nko sighoy pö taghoy. Kïpulpul akïrïngarïng pungkachi akïtyakatyak chinö kingötï.

2 TESALONIKE 2:4

Mölöy kïgh anka tïkwïl akïsyol kegh kïtïl kïgh nyo soghöy pich, anta nyo kïkïtïngchini kesoghöy. Lïtöy ompö Kö pö Tororöt* akïtöpö ori akwigh kegh lö ochï Tororöt.

2 TIMOTEO 3:2

Lïku pich osiswechoni cho yongöy kegh opïn nko cho pïrchini ropïyen nko pich cho kwolöy kegh nko cho wulö kegh nko cho mwosïyi nko cho mötekönye yiyikwa nko cho meyokucha sörö nko cho mökonyïtöcha Tororöt,

2 PETRO 2:18

Ompöwölo mwoghöy chane ngala kwolöto kegh akï cho puryö kinyiwut, akïpöghisyeghö möchut pö por cho ghach kïkïnkïn kwigh ngokï nko pich cho kötökïchïwïtyegho ato lekït kwenu pich cho möngisïyi nyo gha.

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.

NGONGUT 13:1

Atolapay asïwan tyony nyo kipusuna nanam nyo kitïng kuy taman nko mötöw mut nko odeny, akitïng kuyöghö anka tïkwïl tentenyi. Kikirchï kaynata kimwoghsyö mötöwechoni.

NGONGUT 9:7

Kilenye talamchoni angoletin cho kimi kïpsach kïpa lïk. Kitïng tïkwïn cho kimi mötöwekwa cho, kï kilata tenteni koltin, akikarkegh tokochwekwa nko tokochwo pich.

1 SAMWEL 2:3

Opïstenö ngalanat nyo pö kwolöto kegh, amakany kelïma menotön kutïwekwo, ompöwölo nkït ECHOTYON Tororöt ngal löwïr akï nyinte nyo rwokyini ighisyewut pö pich.