DANIEL 7:20 - PIPÏLIA

²⁰ Akyamachan onkïtï tïkwïl kuyechay le taman kimi mötïnyi nko kuyöghonay kichumï akwigh chay le sömök kïchïntoy. Kitïng konyïn nko kut nyo kingölonöy ngala menotön, ki wow nyoni kïtïl chay walaka löwïr.

DANIEL 7:20 ပူးပေါင်းရင်းမြစ်များ

DANIEL 7:11

“Otini kitomitan orosöy alïman ngala menotön cho kingölonöy kuyöghonay. Otini kitorosan asïwan kepar tyonyay pö angwan akenyar portanyi atolapay ketötö kepel.

DANIEL 7:19

“Wölo kyamachan onkïtï tya paraku tyonto angwan nyo kisis ompö chinö walaka löwïr akïgha nyoman, kyotyegho nyoman, kitïng kela karïn nko sighoy pö taghoy. Kïpulpul akïrïngarïng pungkachi akïtyakatyak chinö kingötï.

DANIEL 7:21

“Otini kitorosan, kïporyeghö kuyöghonay pipö Tororöt akïrïnta.

DANIEL 7:23

“Kïlenchanïn chichay, ‘Tyontö nyo pö angwan kï pöyunöt nyo pö angwan ompö ngwïny, sisitu nyoni ompö pöyunötin löwïr. Ryöpöy ngwïny kïmïkul, akïtyakatyak akïrïngarïng kïlïkwï mïnchïran.

DANIEL 7:7

“Otini kitö orosan kuchumï tyontö anka nyo pö angwan nyo awes tya, aki gha nyo kyotyegho nyoman. Kitïng kela karïn cho echön. Kïryöp tyonkïn walaka akïtyakatyak. Kisis nyï pö angwan ompö chay le sömök ompöwölo kitïng kuy taman.

DANIEL 7:8

Otini kitomitan orosöy kuyechay, kuchumï kuyöghö anka nyo mïnïng ompö kwenu chay akïkalangta kuy sömök chay kömi tagh. Kimi kuyöghonay konyïn cho lata konyi chi nko kut nyo kingölonöy ngala menotön.

NGONGUT 12:3

Atolapay kïrumunö töngönchintö anka yïm: ntara wow akï pïrir nyo kitïng mötöw mut nko odeny nko kuy taman akimi tenta mötöwichoni löwïr.