DANIEL 7:13 - PIPÏLIA

¹³ “Asïwan ompö sïwïyaghpa oghö, kungwïn ompö polta akong nyo lata ptangengmöt akïwö wölo mi nyinte nyo kisöpöy kïngata könyisyok kïtöpö tawunyi.

DANIEL 7:13 ပူးပေါင်းရင်းမြစ်များ

TUMWÖY 110:2

Ighöy ECHOTYON paytaghtangu kunenara Sayon.* Ipöytonenyi ntepayta ompö chini le punköku lapay!

TUMWÖY 2:8

Somanïn atokonïn pipö punton paytena akïlïkwï nyengu ngwïnya kïmïkul.

TUMWÖY 47:5

Kapus Tororöt konyi akisölöy, kapus ECHOTYON akekutini kontin.

YEREMIA 49:19

Le ngötïny nyo lepuno kegh wuw pö lalwa Yordan akuchumchï kechir cho oketïyi, ochumchinan lenyoni pipö Edom atulan korengwa kïtoyö. Atolapay otönön ante kintöghoghin nyo kachaman kïpayta korononi. Ompöwölo, ngo nyo lentöy okongityo kegh nko ani nya? Akï ngo nyo lentöy orwokyinanïn? Pöytoghin ngo nyo muköy kughyong akïtagh ngalechan nya?

ESEKEL 1:26

Kilenye kïyay kimirö ngacharu paytagh wölo le parak nyo karkegh nko kagh nyo kikuro Sapira akïtöpö kïgh ngacharunini nyo lenye chi nyo töror tya.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 7:12

Wölo tyonköchay walaka kechenga pöyunötinekwa akïpïstö chane kïsöpchö nyo tangogh.

DANIEL 7:2

Atolapay kukir ngala kirwotïtoghoni akïmwowï lö, “Kasïwan ompö sïwïyaghtanyan yomat kïkutöy nanam nyo wow ompö woptin löwïr.

DANIEL 7:22

Kungwïn nyinte nyo kisöpöy kïngata könyisyok kurwokyï pipö Tororöt nyo Töror Tya. Kwitïta asis ato kinyoru pipö Tororöt pöyunöt.

DANIEL 7:9

“Otini kitorosan, ketat ngöcherwo paytagh, kïtöpö nyinte nyo kisöpöy kïngata könyisyok ngacharunyi. Kirelach sïrokachi löka, kïrelach putechi löpöt. Ki lyopöt ngacharunyi ki ma nyo kinöghöy kelye.

DANIEL 8:15

Kyamachan nyu onkïtï lö mwoghöy ne sïwïyaghnay, panini lawel asïwan akonga nyo lata ptangengmöt kungwïn kughyongö tawunyan.

MATAYO 13:41

yontoy Wero Chi malaykenichi kïpa kïghamït pich kïngetunö pöyunötenyi chane löwïr cho mïtyini pich ngokï nko mwokïyiskö walaka

MATAYO 24:30

Atolapay kïrumunö kiporunöto Wero Chi yïm. Riryöt nyu puntoni ngwïny löwïr otoni söchï Wero Chi kungwïno poltoy nko owesyö nko ororyö nyo wow.

MATAYO 25:31

“Otini kengwïn Wero Chi ompö ororyö kïmi nko malayken löwïr kïtöpö ngacharenyi nyo pö paytagh,

MATAYO 26:64

Kuyokyï Yeso nyinte lö, “Kemwaghanyi! Wölo omwowokwa ye lö osïwïyekwa kïngeta ye Wero Chi kïtöpo ewu tagh nyo pö Kimuktoghin Tororöt akungwïno poltoy ompö yïm.”

MATAYO 28:18

Kïrich Yeso chane akïlenchï, “Kakekonanïn paytagh kïmïkul ompö yïm nko ngwïny.

MATAYO 8:20

Kuyokyï Yeso nyinte lö, “Tïngeto chepkonöw pïrïmpotikwa akïtïng töritwö korikwa, wölo mötïngnye Wero Chi wölo rïwöy.”

MARKO 13:26

Atolapay kïsïwa chane Wero Chi kungwïno poltoy ompö owesyö nyo wow nko ororyö.

LUKA 21:27

Atolapay kïsïwa nyu chane Wero Chi kungwïno polta nko owesyö nko ororyö nyo wow.

LUKA 21:36

Wölo, otöpï kïpsach kïnomnyö asagh tochïwïtyeghenö tïkuchoni pkonöy löwïr, amuch oghyongö tawu Wero Chi.”

LUKA 24:27

Atolapay kutor kuporchï chane ngal cho kikïmwa ompö parakunyi ompö Kikirut löwïr, kïngetunö kitapuna Musa ntökwit cho pö werkoy löwïr.

YOANA 12:34

Kuyokyï tuyonay lö, “Mwowecha kirurut lö söpöy Kristo* kokay. Kwompö ne nyu telentenyi mïchini kesyol Wero Chi parak? Ngo nyu nyo le Wero Chi nya?”

YOANA 3:13

Möminye chi nyo kiwö yïm kïpoto Wero Chi nyo kirökunö yïm.

YOANA 5:27

Akakutö nyinte owesyö Werïnyi kurwokyï pich, ompöwölo Wero Chi nyinte.

IGHISYEWUT 7:56

Kïlö, “Arose osïwïyan yïm kï yatate akughyongo Wero Chi ewu tagh nyo pö Tororöt!”

1 TESALONIKE 4:17

Atolapay ketuyecha cho kïchï sötote atoni nko chane ompö poltoy atöketarocha Echotyon ompö mïröt atöketïpinö nyu kokay nko Echotyon.

1 TIMOTEO 6:16

Nyinte onkït nyo söpöy kokay, akï töpuno wölo mi löpoyïn nyo memukönye chi tökïrich. Möminye chi nyonikïny nyo kikïsïwa nyinte anta nyo muköy kïsïwa nyinte. Nya lïkwï nyenyi konyït nko paytagh nyo pö kokay! Amen.*

EPRANIA 2:14

Akwompöwölo tïng pïchoni kikur lö, monïng, por nko kisön, kïkarkegh nyu Yeso nyinte nko chane kipar otöptöngwa nyo pö ptangengmöt. Kigh lenyoni atökumï ompö areto meghenyi kunyar Onyöt nyo kitïng owesyö ompö paraku meghat,

EPRANIA 9:24

Ompöwölo kimölïtnye Kristo Wölo Tïlil kikigha morïn nyo le körkeyïn pat nyo pö nyinö pö man, wölo kiwö kïlït yïm tökuparta kegh ompö tawu Tororöt ompö acha.

NGONGUT 1:13

akimi kwenungwa kïgh nyo kilata chi ato kirosöy, kiloköy sïra nyo kogh nko angwa nyo kikigha koltin nyo kirat kuwit takatenyi.

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.

NGONGUT 1:7

Arose anyinö ngwïno poltoy! Akïsïwïyi chi anka tïkwïl nyinte nko ompö pïchini kipïsïgh nyinte. Teghsot puntoni ngwïny kïmïkul ompö nyinte! Lïku nyoni ngalechï nyo mötïny! Amen.

NGONGUT 14:14

Atolapay asïwan lö kimi polta nyo rel atoni. Kitöpo kïgh poltononi nyo lata ptangengmöt nyo kitïng tenta koltin ompö mötïnyi nko rotwö nyo ngatip nyo kilo pagh ompö ewunyi.