DANIEL 5:29 - PIPÏLIA

²⁹ Kimwatïta Pelsyasar kelokyï Daniel sïranay lata akwa lamay orus nko sïrïmnyonto koltin ompö katïnyi, kegh Daniel kïlïkwï rïpöwon nyo pö sömök ompö pöyunöt.

DANIEL 5:29 ပူးပေါင်းရင်းမြစ်များ

TOWUNÖT 41:42

Atolapay kïchengunö Parao ewunyi kaymorïs nyo pö machey akutö ewu Yosep akulokyï sïro cho karamach cho pö katani akulokyï katïnyi sïrïmtin cho pö koltin,

ESTA 10:3

Kiyetï Mordekay, chi pö Yaudi, ntökïlïkwï nyo pö odeny ompö paytaghpa Aasuero. Kikïkonyït nyinte tya akïsïch chömchin ompö pikachi, pipö Yaudi, ompöwölo kighchï chane nyo karam atökïtïpï pikökwa löwïr ompö kalya.

NGÖTÏNYÖ 1:9

Lïku kinetuchoni minata pöropchö ompö mötïngu akïlïkwï karïn cho mi katangu.

DANIEL 2:48

Kutö nyu pöytoghintö Daniel konyït nyo wow nko ropöw cho chang echön. Atolapay kwigh nyinte kïpayta koro Papilon kïmïkul akïlïkwï yetïn pö pipö Papilon löwïr cho ngöghomöch.

DANIEL 5:16

Wölo kyalïman lö imukenyi porune waghakata tïkwïn, aiwongöy kömpölelut, kïlenyona ato imukenyi somöne kikirutchï, aimwowanïn waghakate, kelokunyi sïra nyo lata akwa lamay nko sïrïmnyonto koltin ompö katïngu. Atolapay ilïkunyi rïpöwon nyo pö sömök ompö pöyunöt.”

DANIEL 5:7

Kuta pöytoghintö lö amïtuna chesoköytin nko ponï nko pipö Papilonia cho ngöghomöch ompö ngala kokel. Nyini kitï kïlenchï pïchay, “Ato chi nyo somönöy kikirutchï akuporwanïn waghakatenyi kelokyini nyinte sïra nyo lata akwa lamay nko sïrïmnyonto koltin ompö katïnyi akïlïku rïpöwon nyo pö sömök ompö pöyunöt.”

DANIEL 6:2

Atolapay kïkïl pich walaka sömök kïmi nko Daniel cho kighyongchini chane atömenyorisyö ngala pöytoghin.