DANIEL 5:20 - PIPÏLIA

²⁰ Wölo kikwol kegh akwaghïghit mïkulöwunyi, kenategha ompö pöyunötenyi akechenga ororye.

DANIEL 5:20 ပူးပေါင်းရင်းမြစ်များ

2 PÖYTOGHÏ 17:14

Wölo melö kiter pipö Israel, kyoghïghitu mötöwö le papotïnekwa cho melö kighan ECHOTYON Tororötïngwa.

2 OTÖPTINO OSIS 32:25

Wölo metönye Esekia ECHOTYON sörö ompö ngal cho karamach cho kikighchï nyinte ompöwölo kikwol kegh. Kïnyorï nyinte sitöt akïnyorï pipö Yuda nko pipö Yerusalem.

2 OTÖPTINO OSIS 36:13

Kitighintönchï Sedekia pöytoghin Nepukadnesa nyo kikikwigh Sedekia kwam muma lö, oteköy ompö kaynata Tororöt. Kïna kat Sedekia, akwigh mïkulöwunyi kwaghïghit amachamnye kïwaghaka wölo mi ECHOTYON Tororöt pö Israel.

WUWÖT 18:11

Onkïtön ye nyu lö wow ECHOTYON kïtïl tororötin walaka, ompöwölo kisörunö pipö Israel mori pipö Misri ato kichop kong chane.”

WUWÖT 9:17

Temitenönyi kwole kegh ompö piköchan aitöghonyi chane kïpa.

WUWÖT 9:7

Kïyonta Parao pich kuros tupa Israel kïsïwa lö möminye ompö akong nyo kima, wölo kwaghïghit möt pö Parao amöchömchïnye pïchay kïpa. Tasusay

NGÖTÏNYÖ 16:18

Rïpöy kinyarata menöto kegh, kirïpöy chïntagh kwolöto kegh.

NGÖTÏNYÖ 16:5

Ghöchini ECHOTYON chi nyo le menotyon, onkïtï nyo pö nyoman lö möchïwïtonye chichoni mungöt.

ISAYA 47:1

Lentöy ECHOTYON, “Rökunenö we Papilon, ngacharungu nyo pö paytagh, rökunö aingwïn itöpö terïtyon. Kilatenyi tagh chepkïltït, kanasyan nyo awes, melö tökïkurinyi pich ngat lö nyo tapïlïl akï nyo ngarngar! Kelïkunyi ye nyu sekeyon!

YEREMIA 13:18

Kiyontanïn ECHOTYON omwochï pöytoghin nko kame lö, “Orökunenö ngöcherwekwo pö paytagh, ompöwölo köchïntoy krauninekwa chay pïchighöch.

YEREMIA 19:15

“Lentöy ECHOTYON Kimuktoghin, Tororöt pö Israel, Onyoran kanastinechete nko walaka cho lekïtinö, le wölo kamwaghan, ompöwölo kyoghïghöchitu pich mötöwö, amöterönye ngalechan.”

YEREMIA 48:18

Akwa pipö Dipon, orökunenö ngöcherwekwo cho pö ororyö apkana otïpino ngwïny terïtyon. Ompöwölo kikwitï kinyorinto Moap Wuröy wölo oryoghchinekwa tawïngena kegh

ESEKEL 30:6

Lentöy ECHOTYON, “Wonyot pich cho kengöroköy Misri lömïs akuwonyö menöto owesyenyi kïngeta Mikdol ntökwit Aswan wonyot chane lömïs ompö chok. Mwoghöy Echotyon TORORÖT.

ESEKEL 31:10

“Kïlenyona lentöy Echotyon TORORÖT kïrkegh kïlö ochï kogh nyo kinam poltoy, akïkwol kegh mïkulöwunyi ompö koghïntanyi.

DANIEL 11:36

“Ighöy nyu pöytoghinto Sirya kïrïp kegh nko machatenyi. Kwolöy kegh akïsït kegh parak kïtïl tororötin löwïr. Akïtagh Tororöt pö tororötin kïngalana nyo gha. Sïkönonöy ntökwitïta asisoni, itïtoy nörekyo Tororöt.

DANIEL 4:26

Otini kikïpïstö mïsïkye nko ighinkö, kïtelïkunenyi pöytoghin ngat otini kenkïtunyi lö, Tororöt nyo pöytoy ngwïny kïmïkul.

DANIEL 4:28

Kwighisyö tïkuchoni löwïr ompö pöytoghin Nepukadnesa.

DANIEL 4:37

“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

DANIEL 8:8

Kwip kegh kwaghayay parak nyoman ntökïmïrö kuyöghenyi akong. Atolapay kïpituna otini kuye walaka cho le angwan cho echön cho kipit kïparta woptin angwan cho pö ngwïny.

LUKA 18:14

Kïlenchï Yeso pïchay, “Omwowokwa lö, kirot kaw kwöghinto surï, chi nyo kikelöstoghchi wölo melö Parisayontonay. Ompöwölo anka tïkwïl nyo syolöy kegh, kerekuno, akwanka tïkwïl nyo rekuno kegh kesyolöy.”

EPRANIA 3:13

Wölo achila kegh akwane osis lapay, otini kïnye tökemwowunenecha Kikirut lö asisï atömörumï chi ompö akwa nyo kolöy ompö lïsata ngokï.

1 SAMWEL 6:6

Ompö ne tökwoghïghitu mötöwekwa le cho pö pipö Misri nko Parao? Ntökïtenö kunyarnyar ECHOTYON chane, kïpïstö nyu pipö Israel kïpa.