DANIEL 5:2 - PIPÏLIA

² Nyini kichamcham Pelsyasar dipaychay,* kïmwatïta kepï kari koltin nko silpa cho kipunö kwanta Nepukadnesa Kö pö Tororöt* ompö Yerusalem, atökïgheghsyeghö nyinte nko kirwokotichi nko koruchi nko chemïnïngwenichi.*

DANIEL 5:2 ပူးပေါင်းရင်းမြစ်များ

2 SAMWEL 9:7

Kïlenchï Daudi nyinte, “Mewöghisyö, ompöwölo oporunyi köromnyö akwompö papongu Yonatan, okoninyi koreto kukötöngu Saulö aiyomisyeghonyi mesenyan kïtenö osis.”

2 PÖYTOGHÏ 24:13

akïcheng kïgh anka tïkwïl nyo kimi kaplawachpa Kö pö Tororöt* nko cho kimi kö pö paytagh akwip kutang Papilon kïrïp kegh nko ngölyonto ECHOTYON nyo kimwa akïtörotör kari koltin cho kigh pöytoghintö Solomon atökepöghisyeghö ompö Kö pö Tororöt.

2 PÖYTOGHÏ 25:15

Kip wowïn pö lïk kïgh anka tïkwïl nyo kikigha koltin anta silpa, tïwan nko kapempoy cho kikipo ma.

2 OTÖPTINO OSIS 11:20

Kwip ngat Maaka chepö Apsolom, kïyichï Maaka nyinte Apiya nko Atai nko Sisa nko Syelomit.

2 OTÖPTINO OSIS 15:16

Kiyon pöytoghintö Asa kame Maaka ompö ngacharu paytagh ompöwölo kikikwigh körkeyïntino Asyera.* Kirultö Asa körkeyïnoni pö Asyera akïtïghotïgh akïpel ompö mpöghoghyo Kidron.

2 OTÖPTINO OSIS 36:10

Nyini kiwonyö könyï, kuyoktö Nepukadnesa pich kïpa kurewï Yeoyakin kungwïn kerötyï Papilon nko kari Kö pö Tororöt cho pö olyot nyo wow, akwigh Sedekia werto ompö Yeoyakin kïpayta Yuda nko Yerusalem.

2 OTÖPTINO OSIS 36:18

Kurit kari Kö pö Tororöt löwïr cho echön nko cho mïnkech nko tïpö Kö pö Tororöt cho pö olyot nyo wow nko cho pö pöytoghin nko rïpaniskachi. Kurit tïkuchete löwïr kïpa Papilon.

ESRA 5:14

Keyokwï karichay pö koltin nko cho pö silpa cho kichenga Nepukadnesa Kö pö Tororöt ompö Yerusalem akwip kutö kö pö tororötïnyi ompö Papilon. Kichengwï tïkuchoni Sayras akutö chi nyo kïkuro Syespasar nyo kigh kïlïkwï yetïn pö Yuda

YEREMIA 27:7

Pöghisyechini koroswö löwïr nyinte nko werunyi nko kukötanyi ntökïtenö ato rulöy paytaghtanyi. Atoni nyu ato ighöy pöytoghï nko koros cho echön, Papilon kïlïkwï sekeyontengwa.

YEREMIA 50:35

Lentöy ECHOTYON, “Kïpöröy pipö Papilonia, nko pich cho möngöy Papilon nko kintöghoghï nko pikachi cho ngöghomöch.

YEREMIA 52:19

Kip tïkwïl Nepusaradan pakulin nko otupöyi ngutoy cho onyïn nko kikönoghi tatïn nko pakulin cho kïpiytegho kip tïpö koltin le koltin, kwip tïpö silpa le silpa.

DANIEL 1:2

Kutö nyu Echotyon Yeoyada pöytoghinto Yuda mori Nepukadnesa akïpïsyï kïcheng kari Kö pö Tororöt.* Kip nyu kutang koro Papilonia akutö kaplawachpa kö pö tororötïnyi.

DANIEL 5:11

Mi chi nyo mi pöyunötengu nyo tïng mïkulöwu tororötin nyo tïlil. Kitïng chichoni chïreryö nko pköchin nko ngöghomnyö nyo lenye nyo pö tororöt ompö osiswo pöytoghin Nepukadnesa. Kwigh papongu nyinte kïyetunö chesoköytin nko ponï nko pipö Papilonia nko cho nkït ngala kokel.

DANIEL 5:13

Kïlenyona kemïtï Daniel kungwïn wölö mi pöytoghin, kïlenchï pöytoghintö Daniel, “Nyi nyï kïkuro Daniel nyay le akonga ompö pïnotchay kipkana koro Yuda, cho kimïtï paponyanï?

DANIEL 5:18

“Kitö Tororöt nyo Töror Tya, we pöytoghin, papongu Nepukadnesa paytagh nko owesyö nko ororyö nko konyït.

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 5:3

Kepï nyu karichay pö koltin nko silpa atolapay kïgheghsyeghö chane löwïr.

DANIEL 5:30

Kepar Pelsyasar pöytoghinto Papilonia aghononi.

DANIEL 5:4

Kïgha dipaychay atolapay kïkwol tororötin cho kikigha koltin nko silpa nko taghoy nko karïn nko ket nko koghïn.