DANIEL 5:13 - PIPÏLIA

¹³ Kïlenyona kemïtï Daniel kungwïn wölö mi pöytoghin, kïlenchï pöytoghintö Daniel, “Nyi nyï kïkuro Daniel nyay le akonga ompö pïnotchay kipkana koro Yuda, cho kimïtï paponyanï?

DANIEL 5:13 ပူးပေါင်းရင်းမြစ်များ

ESRA 10:16

Kïcham lenyini pïnotchay kimïlisyö, atolapay kïkïl Esra nyo le tïsin pich cho le poyi korïn kïrïp kegh nko ortïnekwa akukir kaynötutkökwa. Kïtuyö chane asispa tagh nyo pö arawa taman atökuros ngalechay, otini kitïta asispa tagh

ESRA 10:7

Keyonta kut kïghömï koro Yuda nko Yerusalem, kemwochï pïchay kimïlisyeghö pïnotön löwïr kïpka Yerusalem.

ESRA 4:1

Nyini kilïm pung pö pipö Yuda nko cho pö Penchamen lö kitek tïkay kipkana pïnotön Kö pö ECHOTYON Tororöt pö Israel,

ESRA 6:16

Kïngörekyö nyu pipö Israel löwïr cho le tïsï nko pipö Lawi nko pïnotkö löwïr cho kimïlisyö. Atolapay kutïlil köyay pö Tororöt ompö ngörekyö.

DANIEL 1:1

Kingwïn Nepukadnesa pöytoghinto Papilon kurich Yerusalem ompö könyi sömök nyo pö Yeoyakim pöytoghinto Yuda.

DANIEL 1:2

Kutö nyu Echotyon Yeoyada pöytoghinto Yuda mori Nepukadnesa akïpïsyï kïcheng kari Kö pö Tororöt.* Kip nyu kutang koro Papilonia akutö kaplawachpa kö pö tororötïnyi.

DANIEL 1:21

Kitöpö nyu Daniel kö pö kirwoko pöytoghin ntökurel könyi tagh nyo pö Sayras pöytoghinto Pasya nyo kingwïn kïpar Papilon akïpayta.

DANIEL 1:6

Pich cho kimi nko pïchoni kikïkïl kï: Daniel nko Anania nko Misyael nko Asaria cho kipö ara Yuda.

DANIEL 2:25

Kumït nyu Ariok Daniel lawel wölo mi pöytoghintö, akïlenchï, “Konyorwan chi ompö pïnotchay kipkana koro Yuda nyo muköy kïmwowï waghakata kirwotïtoghtöngu.”

DANIEL 2:48

Kutö nyu pöytoghintö Daniel konyït nyo wow nko ropöw cho chang echön. Atolapay kwigh nyinte kïpayta koro Papilon kïmïkul akïlïkwï yetïn pö pipö Papilon löwïr cho ngöghomöch.

DANIEL 5:11

Mi chi nyo mi pöyunötengu nyo tïng mïkulöwu tororötin nyo tïlil. Kitïng chichoni chïreryö nko pköchin nko ngöghomnyö nyo lenye nyo pö tororöt ompö osiswo pöytoghin Nepukadnesa. Kwigh papongu nyinte kïyetunö chesoköytin nko ponï nko pipö Papilonia nko cho nkït ngala kokel.

DANIEL 5:14

Kyalïman lö itïngetenyi mïkulöwu tororötin cho tïlilöch, aitïngetenyi chïreryö nko pköchin nko ngöghomnyö nyo pö töngönchin.

DANIEL 5:18

“Kitö Tororöt nyo Töror Tya, we pöytoghin, papongu Nepukadnesa paytagh nko owesyö nko ororyö nko konyït.

DANIEL 5:2

Nyini kichamcham Pelsyasar dipaychay,* kïmwatïta kepï kari koltin nko silpa cho kipunö kwanta Nepukadnesa Kö pö Tororöt* ompö Yerusalem, atökïgheghsyeghö nyinte nko kirwokotichi nko koruchi nko chemïnïngwenichi.*

DANIEL 6:13

Kuyokyï nyu pïchay pöytoghin lö, “Melö terunyi we pöytoghin kïyay le Daniel le akonga ompö pïnotchay kipkana Yuda amöyongönye ngalechay kikiranyi, anyinö soghöy kïnyïl sömök ompö asis akonga.”

DANIEL 8:1

Kyasïwan sïwïyagh nyo pö odeny ompö könyi sömök nyo pö paytaghpa Pelsyasar.

DANIEL 8:27

Kyotyan, akasan ompö osis cho te. Angetan aghan pöghisyewut pö pöytoghin, wölo kyomïghön ompö sïwïyagh ompöwölo möpköchinanïcha.

YOANA 7:1

Otini kiwany ngalechoni, kïwö Yeso kutang Kalilaya. Melö kicham nyinte kuwerata koro Yudea, ompöwölo kimi pipö Yaudi kïmöröy nyinte ompö wöloni atökïpar.

YOANA 7:3

kimi nyu werko ompö Yeso kïlenchini nyinte, “Ngetena yi aiwö itang Yudea atökumï kinetanköku kïsïwa ighisyewutchï ighenyi.