DANIEL 4:37 - PIPÏLIA

³⁷ “Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

DANIEL 4:37 ပူးပေါင်းရင်းမြစ်များ

2 OTÖPTINO OSIS 33:19

Kïkany sowutkachi nko wölo kiterta Tororöt somötenyi nko ngokichi löwïr nko wölo kipïsteghtö kighanatenyi nko onkuninö kitekta wölo kïsogho körkeyïntin akupintit Asyera, tororöt nyo le korka nko körkeyïntin, atanya kitomönye kïrïny kegh Manase ompö tawu Tororöt, kukirote kitapu otöptino werkoy.

ESTA 6:10

Kïmwochï nyu pöytoghintö Aman lö, “Wïyö lawel aip sïrokö nko angoletö lenyini kemwaghanyi aiwö ighchï Mordekay, chi pö Yaudi nyo töpo kuka pöytoghin tïkuchoni pö konyït, amepakachta kïgh nyo le ompö akonga ompö tïkuchoni kemwaghanyi.”

TUMWÖY 119:75

Onkïtön lö, pö man kirwokutköku, we ECHOTYON nka nyoni ketönaninyi sitöt ompöwölo ichinyi ghanate.

TUMWÖY 99:4

Ichömenyi man, we Pöytoghin nyo wow, kekïninienyi man ompö koro Israel. Kekonunyi kirwok nyo tenate nko man.

WUWÖT 18:11

Onkïtön ye nyu lö wow ECHOTYON kïtïl tororötin walaka, ompöwölo kisörunö pipö Israel mori pipö Misri ato kichop kong chane.”

WUWÖT 8:4

Komchininyi mnyakaway nko piköku nko mötworiku.’ ”

ISAYA 23:9

ECHOTYON Kimuktoghin nyo kitat. Kitat lenyoni atökuwur kwolöt nyo pö ororyö anka tïkwïl akutö arasï pipö ngwïny kïmïkul cho kïkonyïtöy.

ISAYA 5:16

Wölo kikusöy ECHOTYON Kimuktoghin ompö man akuporu tïlilyenyi ompö kirwok nyo rwokyini pikachi.

YEREMIA 50:29

“Okurunö pich cho nkït kïwutïtoy kotï kïpka kïpar Papilon. Arika kanastinechi lö tïlkwïch ntömömi ompö akong nyo muköy kïchïwït. Otönö chane lenyini kisom, aghchï chane lenyini kighchï pikö walaka. Ompöwölo kïsasanyi ECHOTYON Tororöt pö Israel nyo Tïlil.

ESEKEL 16:56

Melö kisasanyi so cheptönkwa Sodoma atanya kikwolönyi kegh,

ESEKEL 16:63

Olöstewunyi lelutköku löwïr cho kighanyi, wölo otini kenananyi, nöminyi kïgh kut ompö arasï.” Mwoghöy Echotyon TORORÖT.

DANIEL 4:26

Otini kikïpïstö mïsïkye nko ighinkö, kïtelïkunenyi pöytoghin ngat otini kenkïtunyi lö, Tororöt nyo pöytoy ngwïny kïmïkul.

DANIEL 4:3

Echön kïtya kiporutkachi! Owesöch kitya töngönchintinechi. Pöyunötenyi kï pö kokay nko kokay. Akïpöytoy nyinte kïngata pïnwöy nko pïnwöy.

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

DANIEL 5:4

Kïgha dipaychay atolapay kïkwol tororötin cho kikigha koltin nko silpa nko taghoy nko karïn nko ket nko koghïn.

MATAYO 11:25

Kïmwa nyu Yeso atoni lö, “Paponyu, Echotyonto yïm nko ngwïny! Oyokunyi sörö ompöwölo kewïngenyi pich cho ngöghomöch ngalechi aingongchï nyu tengon.

IGHISYEWUT 17:24

Mömöngönye Tororöt nyo kigh ngwïny nko tïkwïn lapay cho mi orinyi kori sowut cho kitek pich, ompöwölo Echotyonto yïm nyinte nko ngwïny.

KINONO KIRURUT 32:4

“Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

NGONGUT 15:3

Kimi chane kïtumöy tum pö Musa, mötworinto Tororöt nko tum pö Wawa Kech kïlentöy, “Echotyon Tororöt Kimuktoghin, wechï echön akï pö töngönchin ighisyewutköku! Nyi nyo ichï pöytoghinto punton löwïr, tenote akï pö man kïtya ortïneku!

NGONGUT 16:7

Atolapay alïman kut nyo kingölonuno ato kïpelo amöros kïlentöy, “Owöy, Echotyon Tororöt Kimuktoghin! Kinyorï pich nyörilwokchete ompö kirwokengu nyo pö man!”

1 SAMWEL 2:3

Opïstenö ngalanat nyo pö kwolöto kegh, amakany kelïma menotön kutïwekwo, ompöwölo nkït ECHOTYON Tororöt ngal löwïr akï nyinte nyo rwokyini ighisyewut pö pich.