DANIEL 3:15 - PIPÏLIA

¹⁵ Ato omitekwa kïpsach ye nyu, otini kalïmakwa chöghöto kontin nko pkurerun nko tokigh nko pïkantis cho sisinchö nko kari tumwöy walaka okïtïng asagh körkeyïnay kyaghan, ato aghakwa lenyoni kïkaram tya. Wölo ato masaghkwanye kewirchinokwa lawel ma nyo ngwan lakat. Olentekwa mi tororöt nyoman nyo muköy kïsörwokwa?”

DANIEL 3:15 ပူးပေါင်းရင်းမြစ်များ

2 PÖYTOGHÏ 18:35

Oyï ato kimï tororöt nyo le ompö akonga nyo pö puntonichoni ntökïsörunö pikachi pöytoghintencha? Kïne nyo ighokwa anana lö söruno ECHOTYON Yerusalem morichan?”

WUWÖT 32:32

Wölo ye nyu, löstoghchinö ngokikwa anta mölenyona, ingongoghtanïn ompö kitapungu nyay kikirchinyi piköku.”

WUWÖT 5:2

Kïlö Parao, “Ngo nyo le ECHOTYON, nyo omukan ater kutinyi apïstö pipö Israel kïpa? Monkïtönye ECHOTYON, amopïstonanye pipö Israel kïpa.”

ISAYA 37:23

Ngo nyï imwoghenyi airoröchini? Ngo nyï isyolchinenyi kut akï ngo nyinte nyini ingwïryelenyi lenyoni? Ani Tororöt pö Israel nyo Tïlil!

DANIEL 2:47

Kïlenchï pöytoghintö Daniel, “Tororötïngu kï Tororöt pö tororötin akï Echotyonto pöytoghï akï ngonginto wïngut nyoman, ompöwölo kemukanyi ntengongwï wïngutyonï.”

DANIEL 2:9

lö, ato momwowanïkwanye kirwotïtoghtö onyorukwa löwïr sitonini le akonga. Ompöwölo kyolïmchinekwa lö kelïsalïsa ani, atömöne kïsisitu ngala. Kïlenyona omwowanïn kirwotïtoghtö, atonkïtwan nyu lö omukekwa omwowanïn waghakatenyi.”

DANIEL 3:17

Ato lïkwï nyoni kumuköy Tororötïncha nyo kïpöghisyechinecha kïsörwecha ompö mayoni ngwan lakat akïsörunenecha moriku, we pöytoghin.

DANIEL 6:16

Kïlenyona kïmwatïta pöytoghintö kenam Daniel akewirchï köpöno ngötuny. Atolapay kïlenchï, “Nya kungarakïn Tororötïngu nyo isoghöy kïtenö osis.”

DANIEL 6:20

Nyini kirich köpönonay mi Daniel, kïkursyö ompö ngwonïn lö, “Daniel, mötworinto Tororöt nyo satate, kemï Tororötïngu nyo ipöghisyeghchinenyi ntökïsörunyi ompö ngötuny nya?”

MATAYO 10:19

Otini kemïtyokwa chane wöloni le ka kirwok, mosus kegh lö, ekemwoghöy ne anta kïmwoytoy onö, konokwa Tororöt ngölyon nyo omwoghekwa.

MATAYO 27:43

Kitwoytoy kegh nyinte Tororöt, nya kïsörï Tororöt nyinte ye ato chömo kegh nyinte, ompöwölo kilö. Ochï Wero Tororöt?”

MARKO 13:11

Akwato namakwa akipokwa ka kirwok, kïmosus kegh lö, kïpetöy kemwoghöy ne, wölo omwoghekwa ngölyon nyo kïkonokwa panini keti asisoni. Ompöwölo melö ngalekwa cho ongölonekwa, konokwa Mïkulögh nyo Tïlil kïgh nyo omwoghöy.

LUKA 12:11

“Akwato kipokwa kerwokwok ompö sinakokin anta tawu kirwokot anta pöytoghï, mosus kegh lö kïghetöy lö ne kegh anta lö kïmwoghöy ne.

LUKA 13:9

Kwoto yinï akwa könyinïna, kïkaram. Kïkany ato meyin, ingwïn itör.’ ”

IGHISYEWUT 4:19

Wölo kuyokyï Petro nko Yoana chane lö, “Arosa akwane lö, nyono roko ompö tawu Tororöt, keterwokwa nya anta keterchï Tororöt.

IGHISYEWUT 5:29

Kuyokyï Petro nko cho kiyoktoghi walaka lö, “Mïchinecha kekonyïtö Tororöt, kïtïl pich.

IGHISYEWUT 6:15

Kungwïryel Stepano pïchay lapay kimpuröy Kokwö, kïsïwa tokochunyi lö kilata tokochu malaykayan.