DANIEL 3:1 - PIPÏLIA

¹ Kwigh Nepukadnesa körkeyïn pö koltin nyo le miten 27 koghïntanyi kutoch kï miten sömök töpesïntanyi. Akutö tömkö nyo mi Dura koro Papilon.

DANIEL 3:1 ပူးပေါင်းရင်းမြစ်များ

1 PÖYTOGHÏ 12:28

Kïkany kïngalan nko kirurichi kumuchö, kwigh nyinte körkeyïntino mogh odeny ompö koltin akuporchï pipö Israel akïlenchï, “Kyapekwa Yerusalem asagh ompö osis cho chang. Achï, we pipö Israel tororötinekwa cho kimïtunenokwa koro Misri!”

ESTA 1:1

Kitöpö asistanka pöytoghintö Aasuero ngacharu paytaghtanyi ompö kanasyanta koro Pasya nyo kikïkuro Susa. Kipöytoy koros cho tïlöy 127, kïngeta India akwit Etopya.

TUMWÖY 135:15

Kikigha tororötino pipö punton silpa nko koltin, kikigha chane ewuno pich.

WUWÖT 20:23

Moghchï kegh tororötin walaka cho pö silpa anta koltin atastanïn.

WUWÖT 32:31

Kïmïla Musa wölo mi ECHOTYON akïlö, “We ECHOTYON kegh pïchï ngokï cho echön, keghchï kegh tororöt pö koltin.

ISAYA 2:20

Löstoy chane asisoni körkeyïntin cho pö koltin nko silpa cho kitang atökïsagh, kïlöstoghchini pungung nko reresoy.

ISAYA 30:22

Ichengenyi körkeyïntin cho kikïmala silpa nko koltin, aiwirtenyi tïkuchoni le tïkwïn cho le sïmnyon, aitegh lö, “Angetena tawunyan!”

ISAYA 46:6

Yotöy pich mïlotwekwa cho ipo koltin akïlasta Pimöy chane ropïyen ompö kilen akwala kitongin nyo ighchini chane tororöt atolapay kïkïtïngchï chane akïsagh.

YEREMIA 10:9

Kikïmina körkeyïntinechoni silpa cho kikipunö koro Tarsis, akemina kotin cho kikipunö koro Upas, choni löwïr kï ighisyewut pö chi nyo le tïngan. Kikilokyï körkeyïntinechoni sïro cho lata akwa lamay nko cho pïröch, sïro cho kinap tïngan.

YEREMIA 16:20

Ayo, muköy so pich kwighchï kegh tororötin cho söghöy? Ewo! Ntökemuköy, melö kötö tororötino man choni!”

DANIEL 2:48

Kutö nyu pöytoghintö Daniel konyït nyo wow nko ropöw cho chang echön. Atolapay kwigh nyinte kïpayta koro Papilon kïmïkul akïlïkwï yetïn pö pipö Papilon löwïr cho ngöghomöch.

DANIEL 2:49

Atolapay kïsom Daniel pöytoghin kwigh Syadrak nko Mesyak nko Apedneko kuntöghoghchï ngala koro Papilon. Wölo kudong nyinte kö pö kirwoko pöytoghin.

DANIEL 3:14

Kïlenchï Nepukadnesa Syadrak nko Mesyak nko Apedneko, “Nyoman nyï kïlentöy melö opöghisyechinekwa tororötinechan anta asagh körkeyïn pö koltin nyo kyaghan?

DANIEL 3:30

Kïlenyona kutotegha pöytoghintö Syadrak nko Mesyak nko Apedneko kïlïkwï yetïntino koro Papilon.

DANIEL 5:23

Kisïtönyi kegh yïm kïtïl ECHOTYON nyo pö yïm otini kakipunyi kari Kö pö Tororöt. Igheghsyeghenyi nko chönökopïrtineku nko koruku nko chemïnïngweniku, okwolökwa tororötin cho kikigha silpa nko koltin nko taghoy nko karïn nko ket nko koghi tororötin cho melö rosïtoy anta lïm kïgh anta nkït kïgh. Wölo kimekonyïtönyinye Tororöt nyo mi söpontöngu morichi nko ighisyewutköku löwïr.

DANIEL 5:4

Kïgha dipaychay atolapay kïkwol tororötin cho kikigha koltin nko silpa nko taghoy nko karïn nko ket nko koghïn.

OSEA 2:8

Ompöwölo melö kinkïtï nyinte lö ani nyo kyotö nyinte pagh nko dipay nko mwowöy, anyïghïtyi ropïyen nko koltin cho kipöghisyeghö kïsagha Paal.*

OSEA 8:4

“Kikïlchï kegh pöytoghï, amatepenanïn, kutökegha kintöghoghï cho melö kyonkïtön. Kwighchï kegh tororötino silpa nko koltin. Choni nyu cho ighöy chane kuwonyö lömïs.

APAKUK 2:19

Ochech chi nyo lenchini ket anta kogh nyo memuköy ntökïngalan, “Ngeta!” Muköy so körkeyïn ntökïmwowunyi ngölyon? Kïrkegh keluma pich silpa nko koltin kïmelö muköy ntökïmwa kïgh.

IGHISYEWUT 17:29

“Nko kakïchicha monïngo Tororöt lenyoni o, kïmömïchinechanye kenone lö karkegh Tororöt ompö otöptanyi nko kïgh anka tïkwïl nyo kikigh ompö körkeyïn nyo kigho koltin, anta ropïyen, anta kogh nyo kikipat ompö chïreryo tïnganata chi.

IGHISYEWUT 19:26

Kasïwekwa alïmakwa ngal cho ighöy kïyï le Paulö. Lentöy, melö tororötincha kokay chona ighöy pich, akïkïnkïn pich cho chang cho mi yi le Epeso nko cho mi koro Esya kïmïkul, ntökïcham ngalechi.

KINONO KIRURUT 7:25

Apelekwa körkeyïntinekwa cho kipötöy. Mopïrchï ropïyen anta koltin cho kikïminchï körkeyïntinekwa atömölïkwï choni ngöghöp ompö akwa ompöwölo ghöchini ECHOTYON Tororötïnkwa.

NGONGUT 9:20

Kïkany pich cho kingötï cho kimaparcha nyörilwokchoni, kïmökïpïstöcha pöghisyewutkökwa cho kigh. Kimöpïstöcha kïsagh oy anta körkeyïntino koltin nko silpa nko taghoy koghïn nko ket cho merosïtoy anta lïm kïgh anta pesta.