DANIEL 2:9 - PIPÏLIA

⁹ lö, ato momwowanïkwanye kirwotïtoghtö onyorukwa löwïr sitonini le akonga. Ompöwölo kyolïmchinekwa lö kelïsalïsa ani, atömöne kïsisitu ngala. Kïlenyona omwowanïn kirwotïtoghtö, atonkïtwan nyu lö omukekwa omwowanïn waghakatenyi.”

DANIEL 2:9 ပူးပေါင်းရင်းမြစ်များ

1 PÖYTOGHÏ 22:22

Kïtep ECHOTYON lö, ‘Ompö or ne?’ Kuyokyï lö, ‘Owetan olïsöy werkoy pö Aap löwïr atökïmïr putintön.’ Kïlenchï ECHOTYON, ‘Nya kïlenyoni, kasïwan nyoman lö imukenyi.’ ”

1 PÖYTOGHÏ 22:6

Kïlenyona kïkur Aap werkoy cho ngata 400 akïtep lö, “Owan opokyï Ramot Kiliad anta ewo?” Kuyokyï werkoyichay lö, “Wïyönyi, koninyi Echotyon owesyö nyo irïnteghonyi chane.”

ESTA 4:11

“Nkït mötwori pöytoghin löwïr nko kirurichi cho mi koros lö, kïtïghöy chi anka tïkwïl nyo mötïny ato kö mïrön anta kö korka nyo wetöy kïlïtöy wölo mi pöytoghinto akïtomönye kekur nyinte. Lenye nyoni wölo kikekirta, kïpoto ato para pöytoghintö chi lïkïnyi nyo kikigha koltin ato kïsöru söpontanyi. Akïtomönye ye kekuranïn owö wölo mi pöytoghintö arawa akonga nyo kakuwer.”

NGÖTÏNYÖ 12:19

Chïchimöy kut nyo pö man kokay, wölo wonyot lawel ngalyap nyo mïröy putintön.

ISAYA 41:23

Mwowecha tïkwïn cho ighisyot asïyech atökenkïtunöcha nyu lö ochikwa tororötin! Agha kïgh nyo karam anta opï kiwurat, anyïghitecha kiwaghat anta otyogh!

ISAYA 44:25

Owöghökan werkoyi putintön kïlïkwï sölwöy, aghan kïlïkwï kwïle ngorut pö pich cho topönöy kokel. Otöghan lö melö man ngala pich ngöghomöch, aporwan lö kitö sölwontön ngöghomnyengwa.

ESEKEL 13:17

Kïlenchanïn ECHOTYON, wero chi ngora koru Israel cho le werkoy cho mwoghöy ngala mötöwekwa opïn.

ESEKEL 13:19

Kokonanïkwa arasï ompö piköchan, alïs lö tökenyorunö matay kwïle nko makatin tïkwïte aparakwa pich cho kömïchini kïsöpchö, apïstekwa kïsöpchö cho kötomeghot ompö putintönenkwa.”

ESEKEL 13:6

Ngölonöy chane putintön akïngoröy mötöwekwa putintön, ato lentöy kölö ECHOTYON, akwanyï melö kayonta ECHOTYON chane, könöy nyu lö kötepuntochini ECHOTYON ngalekwa.

DANIEL 2:16

Kïwö nyu Daniel kïsom poroyïn pöytoghin nyo mwochini nyinte waghakata kirwotïtoghnay.

DANIEL 2:21

Wöghököy osis nko könyis. Ngeto pöytoghï ngöcher akutöni walaka, töni ngöghomnyö cho ngöghomöch kutöni chïreryö cho chïreröch.

DANIEL 2:8

Kuyokyï pöytoghintö lö, “Onkïtön nyo pö nyoman lö omökekwa pat orentene ngal kwïle, ompöwölo pö man ngölyontonay kamutan

DANIEL 3:15

Ato omitekwa kïpsach ye nyu, otini kalïmakwa chöghöto kontin nko pkurerun nko tokigh nko pïkantis cho sisinchö nko kari tumwöy walaka okïtïng asagh körkeyïnay kyaghan, ato aghakwa lenyoni kïkaram tya. Wölo ato masaghkwanye kewirchinokwa lawel ma nyo ngwan lakat. Olentekwa mi tororöt nyoman nyo muköy kïsörwokwa?”

DANIEL 5:28

PERESI kï: kikïchagha pöyunötengu akiketö pipö Mede nko pipö Pasya.”

DANIEL 5:31

Atolapay kïlïkwï Daryas nyo pö pipö Mede pöytoghin. Kitïng könyis 62.

DANIEL 7:25

Töghöy chane Tororöt nyo Töror, akïpïr pipö Tororöt nyo Töror Tya. Akumukyï kïwaghach kirurutkökwa nko osiswo ichontinekwa. Ketö pipö Tororöt morichi könyis sömök nko nïsï.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.