DANIEL 2:28 - PIPÏLIA

²⁸ Wölo mi Tororöt yïm nyo poru wïngut. Keporunyi ye nyu pöytoghin Nepukadnesa kïgh nyo igho ompö osis cho pkonöy. Omwowunyi ye nyu kirwotïtoghtö nko sïwïyaghtö nyo kisïwenyi ompö rïwon.

DANIEL 2:28 ပူးပေါင်းရင်းမြစ်များ

TOWUNÖT 40:8

Kuyokyï lö, “Ompöwölo kakirwotïtecha amelö mito chi nyo muköy kuporu waghakatenyi.” Kïlenchï Yosep, “Melö Tororöt so nyo wöghöku kirwotïtogh? Omwowune köny ngalechoni korwotïtekwa.”

TOWUNÖT 41:16

Kuyokyï Yosep Parao lö, “Motïngetanye owesyö, wölo Tororöt nyo töni Parao waghakate nyo mïchini.”

TOWUNÖT 41:25

Kïlenchï nyu Yosep Parao, “Waghakat nyo pö tïkuchoni kerwotïtenyi kï akonga. Köyotunyi Tororöt ngal cho ighisyot ato lekït.

TOWUNÖT 49:1

Atolapay kïkur Yakopo werkachi akïlenchï, “Aghamïta kegh tomwowok kïgh nyo igho osis cho pkonöy ompö akwa.

TUMWÖY 115:3

Mi Tororötïncha yïm, kwighöy kïgh anka tïkwïl nyo mököy.

ISAYA 2:2

Oghïghitu kutïng nyo ghyongo Kö pö Tororöt ompö osis cho pö löt akï koghitu kïsir walaka löwïr, akïtörorit kïsir kutïngkoti walaka cho mïnkech. Pkonöy asïyech pipö punton löwïr kïrotini,

YEREMIA 10:7

Ngo nyo mewöghinyi nyo ichï Pöytoghinto koros? Mïchini kekonyïtinyi lenyoni, möminye nyo karkegh nko nyi ompö kwenu pich cho ngöghomöch ompö koros löwïr nko ompö paytaghtinekwa löwïr.

YEREMIA 48:47

Wölo kamwaghan ante ECHOTYON lö ompö osis cho pkonöy, osoyönan Moap kïnyorï tïkwïn ngat le nyo kipö tagh.” Teno choni ngala kirwok nyo nyoru pipö Moap.

ESEKEL 28:3

Owöy ilenchinenyi kegh ochï ngöghom kïtïl Daniel amöminye kïgh nyo wïngate ompö nyi nyo melö inkïtönyi.

ESEKEL 38:16

Ingwïnanyi ipar piköchan Israel le polta nyo kelum ngwïny. Omïtunyi osiswechoni we Kok nyonö pokyinö korenyan tökunkïtwanïn puntonï otini oporuneninyi tïlilyenyan tökïsïwa chane.”

ESEKEL 38:8

Weröy osiswö cho te, kekurinyi napa kegh, akï ompö könyis cho pkonöy iwetenyi poryegho kor nyo kösöpö poryot, kor nyo kighamïtyï kegh pich akïpa kutïngkoti Israel cho kikilïkwï kïratis, kikipï pich kïpkana punton kïpka kïmöngisyö löwïr ompö kalya.

DANIEL 1:20

Kïsïwa nyu pöytoghintö lö kaykay pïchoni kïnyïl taman ompö pköchin nko ngöghomnyö ompö kïgh anka tïkwïl nyo tepöy nyinte chane kïtïl pich löwïr cho le chemowostin nko ngorï ompö pöyunötenyi.

DANIEL 10:14

Kangwïnan omwowunyi kïgh nyo igho ompö piköku ompö osis cho pkonöy, ompöwölo pö sïwïyaghta osis cho pkonöy.”

DANIEL 2:18

Kïmwochï kïsagh Tororöt pö yïm kusyonchï chane kuporchï wïngatanoni. Atömökïpar Daniel nko kongotichi nko pipö Papilon löwïr cho ngöghomöch.

DANIEL 2:22

Poru tïkwïn cho wïngote nko cho pö töngönchin, nkït kïgh nyo mi wölo tuw, mi löpoyïn wölo mi nyinte.

DANIEL 2:44

Ngetu nyu Tororöt nyo mi yïm pöyunöt anka ompö osiswo pöytoghichoni nyo memukönye chi ntökïpar amöminye paytagh nyo rïntoy, wölo pöröy pöyunötin löwïr kuwonyö akïtöpö kokay.

DANIEL 2:45

Kisïwenyi kïchïnuna kagh kutïng amaswany chi akïtïgh körkeyïnay kikigha karïn nko tay nko nyïngwïtyan nko silpa nko koltin kïpasyangana. Keporunyi Tororöt nyo awes tïkwïn cho ighisyot ompö osis cho pkonöy we pöytoghin, nka nyoni nyu kirwotïtoghtö nko waghakatenyi.”

DANIEL 2:47

Kïlenchï pöytoghintö Daniel, “Tororötïngu kï Tororöt pö tororötin akï Echotyonto pöytoghï akï ngonginto wïngut nyoman, ompöwölo kemukanyi ntengongwï wïngutyonï.”

DANIEL 4:5

Wölo kingwïnchanïn kirwotïtogh ompö rïwön nyo kyotyan nyoman ompö tïkwïn cho kipkonchanïn ompö sïwïyagh.

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

AMOS 4:13

Tororöt nyinte nyo kigh kutïngkot nko yomat. Nyinte nyo ngongchini ptangengmöt kinonutkachi. Nyinte nyo wöghököy pöghet kïlïkwï tuwïn. Akï nyo kïwestegho paraku yïm. Kïkuro kaynenyi Tororöt Kimuktoghin.

KIYITUT 24:14

“Kïlenyona rosa, kamïlan ye nyu korenyu, wölo tera omwowun kïgh nyo ighchini pïchï piköku ompö osis cho pkonöy.”

MATAYO 6:9

Asagha nyu le nyï: ‘Paponyo nyo mi yïm, Nya kïtïlitit kaynengu.

KINONO KIRURUT 31:19

“Kïlenyona nyu, akira tumï anet pipö Israel, atökïlïkwï nyoni kïgh nyo rwokyini chane.

KINONO KIRURUT 4:30

Kïkany ato omitekwa nyarïl akïpkonchokwa tïkuchoni löwïr, oyokyï kegh ECHOTYON Tororötïngwo ompö osisweku cho pö löt ater ngalechi.

2 TIMOTEO 3:1

Inkïtï lö itu osiswö cho pö kömpölelyö ato le söröm.

EPRANIA 1:1

Kingalan Tororöt könyisyok kïnyïl cho chang nko papotïnecha kuwerï ortïn cho chang akïngalan kuwerï werkoy,

2 PETRO 3:3

Nyo pö tagh, mïchinokwa onkïtune lö, itu pich osiswo löt cho pöyu möngengwa möchutkökwa cho pö por. Nyernyerenekwa chane,

NGONGUT 1:1

Achï ngal cho kingongï Yeso Kristo,* cho kitö Tororöt nyinte tökuporchï mötworichi ngal cho ighisyot ato lekït nyo mötïny. Kiyonï Kristo malaykayantenyi atökuporchï mötworintenyi Yoana ngalechoni,