DANIEL 2:19 - PIPÏLIA

¹⁹ Kïlenyona keporchï Daniel wïngatanay ompö sïwïyagh oghö. Kïsal Daniel Tororöt pö yïm nyoman.

DANIEL 2:19 ပူးပေါင်းရင်းမြစ်များ

AYUPU 4:13

Pkonöy kinonut ompö sïwïyaghtina oghö otini ketung pich rïwöntö,

TUMWÖY 25:14

Nömöy ECHOTYON kongot nko pich cho konyïtöy nyinte akuporchini chane mumenyi.

DANIEL 1:17

Kutö Tororöt mïrönchay kwangwan chïreryö ompö kinetut nko kisomönöt nko ngöghomnyö. Atolapay kutö Daniel ngöghomnyö nyo muköy ntökïmwowï sïwïyagh nko kirwotïtogh.

DANIEL 2:22

Poru tïkwïn cho wïngote nko cho pö töngönchin, nkït kïgh nyo mi wölo tuw, mi löpoyïn wölo mi nyinte.

DANIEL 4:26

Otini kikïpïstö mïsïkye nko ighinkö, kïtelïkunenyi pöytoghin ngat otini kenkïtunyi lö, Tororöt nyo pöytoy ngwïny kïmïkul.

DANIEL 4:9

We Peltesyasar nyo wow ompö chemowostin, onkïton lö mi nko nyi mïkulöwu tororötin cho tïlilöch amelö mi kïgh nyo pö töngönchin nyo pölinyi, anyï kirwotïtoghtö mwowanïn waghakatenyi.

DANIEL 7:2

Atolapay kukir ngala kirwotïtoghoni akïmwowï lö, “Kasïwan ompö sïwïyaghtanyan yomat kïkutöy nanam nyo wow ompö woptin löwïr.

DANIEL 7:7

“Otini kitö orosan kuchumï tyontö anka nyo pö angwan nyo awes tya, aki gha nyo kyotyegho nyoman. Kitïng kela karïn cho echön. Kïryöp tyonkïn walaka akïtyakatyak. Kisis nyï pö angwan ompö chay le sömök ompöwölo kitïng kuy taman.

AMOS 3:7

Melö ighöy Echotyon TORORÖT kïgh ameporchï mötworichi werkoy.

KIYITUT 12:6

Kïlenchï ECHOTYON chane, “Atera ngalechï! Atomi werkoyonta nyo mi kwenunkwa, oporchinan kegh nyinte ompö sïwïyagh, angölonchan nyinte ompö kirwotïtogh.

YOSWÖ 22:33

Kïcham pipö Israel ngalechay akïsal Tororöt amelö kitökïngalana kïpar koronini möngöy pipö Rupen nko Kad.