DANIEL 12:6 - PIPÏLIA

⁶ Kïlenchï akong ompö chichay kiloköy sïra katani ghyongo pögh parak, “Tökïtya ntökwitïta sörömu ngalechï pö töngönchin?”

DANIEL 12:6 ပူးပေါင်းရင်းမြစ်များ

TUMWÖY 74:9

Melö tökïmi töngönchintinö ngat, amelö töketïngetenöcha werkoy. Amökinkïtöchanye lö lïku nyete nko oyï!

ESEKEL 9:2

Panini lawel kïlïtunö pich cho le mut nko akonga kuka Kö pö Tororöt* wölo to okumpö löt, akïtïng anka karïnenyi nyo pö kingarakat. Kimi nko chane chi nyo kiloköy sïra katani akitïng kïgh nyo kikiröy. Kipka chane akughyongö ato kïpelo amöros nyo kikigha tay.

DANIEL 12:5

Olan arosïta asïwan pich walaka odeny, ghyongo akong lalwa ontökwoghu kughyongo anka lalwa antakwagh.

DANIEL 12:8

Kyalïman wölo möpköchanïnye. Olenchan nyinte, “Echotyontenyu, lïku ne sörömu ngalechï?”

DANIEL 8:13

Alïman malaykayan nyo kïtep anka lö, “Tösöy tagh tïkuchï mi sïwïyagh nko oyï? Ighöy chane ngokï nko oyï kötö pelöy amörostin? Kïtyökotyököy lïko yïm nko Kö pö Tororöt nko oyï?”

DANIEL 8:16

Alïman kuti chi kïlö ompö lalwa Ulay, “Kapriel, ngongchinö chichona ngala sïwïyaghnay.”

MATAYO 24:3

Akwotini kimpuröy Yeso kutïng pö Arol, kïpkonchï kinetankachi akïtep ompö sison lö, “Mwowecha köny lö oyï ato ighisyot ngalechï akï ne nyo poru lö ketïta ato ingwïnenyi nko ato lïku sörömu ngwïny?”

MARKO 13:4

“Mwowecha ato ighisyot ngalechï aimwowech kïgh nyo poru lö, ketïta ato pïntegho ngalechini löwïr.”

EPESO 3:10

atömanyïl kegh pöytoghi malayken nko wowïntin cho yïmwöy, otï le ye kuwerï kanisa, kunkïtï ngöghomnyo Tororöt nyo rumu ompö ortïn cho chang.

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.

NGONGUT 15:6

Kïlïtunö Kö pö Tororöt malaykenichay le mut nko odeny chay kipchini ngwïny kinyörilutchay le mut nko odeny. Kikilokyï chane sïro cho relach löka akitïng anankis cho kikïnöpchï koltin ompö töketwekwa.

NGONGUT 19:14

Kirïp nyinte lïkos pö yïm cho kipegho angoletin cho relach akuloköy sïro pö katani cho karamach cho relach löka akï cho tïlilöch.

NGONGUT 6:10

Kuteghyö chane ompö kut nyo wow lö, “Echotyon Kimuktoghin nyo tïlil nyo pö man! Itöponenyi nko oyï irwokyinyi pipö ngwïny chï kaparecha?”