DANIEL 12:3 - PIPÏLIA

³ Lïwu cho ngöghomöch le asis. Akulïwu cho ntöghoghchini pich kwigh man le kokel kokay nko kokay.

DANIEL 12:3 ပူးပေါင်းရင်းမြစ်များ

WUWÖT 34:35

Kïsïwa pipö Israel tokochu Musa lö kilïwï, kuyenö Musa anankanay tokochunyi ntökïtenö kïwö kïngalan nko ECHOTYON ngat.

NGÖTÏNYÖ 11:30

Otöpö chi pö man, kï ket pö söpon, ngöghom chi nyo söru mïkulis pö pich.

NGÖTÏNYÖ 3:35

Nyoru konyït pich cho ngöghomöch, wölo nyoru arasï sölwöy.

NGÖTÏNYÖ 4:18

Wölo lata ara pipö man löpoyïn pö yekon nyo lïwu kulïwï kwimön.

OMTOGHIN 12:9

Akwompöwölo kingöghom Omtoghintononi, kulet tagh kunet pich chïreryö, kinet ngala kipimat nko kisomönöt akïtat ngala ngötïnyö ompö tïnganat lasiny.

ISAYA 53:11

Lentöy ECHOTYON, “Nyini kewonyö söpon pö kiwongunöt, nyoru nyu mötworintenyan ngat ngörekyö. Nkïtu lö melö kiwir wuw kiwongunötenyi. Ompö ngöghomnyenyi ighöy mötworintenyan nyo ighöy man pich keyityï man. Kösönöy nyinte nyörilwok pö pich cho chang alöstoghchinan chane ngokikwa ompö nyinte.

YEREMIA 23:22

Antö kipka, angölonchan chane kitöptoy kimwochini piköchan ngalechan akitökikuyokwï kegh piköchan akïpïstö ortïnekwa cho ghach nko ighisyewutkökwa cho ghach.

DANIEL 11:33

Akunet pich cho ngöghomöch pikökwa cho chang kïpköchï ngalechï, kïrkegh kepar walaka, akïmeghö walaka ompö ma akerang walaka kïlïkwï pïnot. Ighisyot lenyoni ompö osis cho ngörï.

DANIEL 11:35

Potyot nyu pïchay ngöghomöch walaka atöketïlil pich akemwat akegh chane kïrelachitu ntökwitïta asispa söröm ompöwölo tomönye kwitïta asisini kikekïl.

DANIEL 12:10

Chang pich cho tïlilöy kegh akwigh kegh kïkaramachitu, wölo ighöy mwokïyis ngokikwa, amöminye ompö akong nyo chïrer, wölo tïng pköchin pich cho ngöghomöch.

MATAYO 13:43

Atolapay kulïwï pipö Tororöt le asis ompö Pöyunöto Papongwa. Ato itïng chi yitïn cho ilïmo, ilïm!

MATAYO 19:28

Kïlenchï Yeso chane, “Omwowokwa nyoman lö ato ngwïn Wero Chi kïtöpö ngacharunyi pö paytagh ompö ororyenyi ompö kor nyo rel, apkanakwa nyu cho orïpanïn kï taman nko odeny ompur tïkwïl ngöcherwo paytagh arwokyï ortïna pipö Israel kïtaman nko odeny.

MATAYO 24:45

Kulet Yeso tagh kïlö, “Ngo mötworintö nyo ghanate akï ngöghom nyo töni echotyontenyi kïpayta pikachi atökutö mötworichi omisyengwa otini kömïchini ketö?

YOANA 4:36

Nyoru ilinto pagh ropöwontenyi, akïghömïtöy pagh ompö söpon pö kokay atökïngörekyö chane kwodeny, ngorin nko ilin.

YOANA 5:35

Kikarkegh Yoana nko kitömöwön nyo kinoghöy akulïwu, achamakwa ongörekyeghenö löpoyïntanyi ompö osis cho ngörï.

IGHISYEWUT 13:1

Akimito kanisa nyo kimi Antiokia werkoy nko konetï chane kï Parnapa nko Simion (nyo kikuro Lotuw) nko Lukio (nyo kingwïno Kurene) nko Manaen (nyo kinar nko pöytoghin Erode) nko Saulö.

1 KORINTO 3:10

Kyamukan otor teksyo köyoni ompö owesyo Tororöt, nyo kighanïn ompö pöropchenyi alïkwï tekin nyo le tïngan, kïtek chitö anka parakuto kitorutyonini. Wölo nya kuros chi anka tïkwïl wölo tektoy parakunyi.

EPESO 4:11

Akï nyinte nyo kitö pich ropöw. Kigh nyinte pikö walaka kïlïkwï kiyoktoghï, kwigh walaka kïlïkwï werkoy, kwigh walaka kïlïkwï omtoghï, kwigh walaka kïlïkwï mösöw nko konetï.

EPRANIA 5:12

Kötö kalïkukwa otï le ye pich cho le konetï, wölo tomitenökwa oyöre chi nyo netokwa kinetutchay pö tagh pö ngölyonto Tororöt. Nyo kötö omekwa omisyewut cho oghïghe, kïtökïmïchinokwa olïwe chö.

2 PETRO 3:15

Oyitö lö mïkukönöto Echotyontenyo ompö acha, akï pöroyïn nyo kökonecha tökenyorunö sörunöt le wölanye kikirwakwa werïnyo Paulö ompö ngöghomnyö nyo kitö Tororöt.

NGONGUT 1:20

Anyï nyu wïngutyo kokelyechï le mut nko odeny kesöchinyi ewunyan pö tagh nko kelyechay pö tatïna le mut nko odeny: kokelyechay le odeny, kï kanisen mut nko odeny: kïkany kelyechay le mut nko odeny pö tatïn, kï kanisenichï le mut nko odeny.

KIRWOKÏ 5:31

Nya kuwonyö punköku, we ECHOTYON! Wölo ikany kulïwï kongotiku le asis otini kapusï ompö owesyenyi. Kïnyorï korononi kalya ompö könyis tömönut angwan.