DANIEL 11:18 - PIPÏLIA

¹⁸ Ato mi löt kïset kïpar koros cho kimi sörömu nanam akïrïnta cho chang wölo rïntoy wowïn pö lïk akuwany otöptanyi nyo gha, kïmïla nyu otöptanyi nyo gha wölo mi nyinte.

DANIEL 11:18 ပူးပေါင်းရင်းမြစ်များ

ESTA 10:1

Kikwagha surï pöytoghintö Aasuero piko pöyunötenyi kïmïkul cho kimöngöy kor wölo tïyame nko koros cho kiwit pögh.

ISAYA 66:19

akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

YEREMIA 2:10

Oghyene nanam apa koro Kupro tasïwena, anta oyoktö pich koro Kedar kïkïtï lasiny ato mi weroptyö nyo pö ngölyontonï.

YEREMIA 31:10

“Akwa pipö koros, atera ngölyonto ECHOTYON. Amwatïtena kurel koros cho lowöch lö, ‘Ghömïtu pipö Israel nyinte nyo kitoyö chane akukaman le mösöwonto kechir.’

ESEKEL 27:6

Akïcheng ket pö oak cho mi Pasyan takwigh oars, kegha wölo kighyongo ompö sörömu nanam ket cho pkono Kupro atolapay keluma kela pelöw.

OSEA 12:14

Wölo kitapata Epraim nyinte tökïnarek kïlenyona pïsyini ECHOTYONtenyi kïtïpï kisönkachi parakunyi atökeghchï nyinte kïrïp kegh nko ngokichi.

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

MATAYO 7:2

ompöwölo kïle wolini orwokyintokwa pikö walaka, kïlenyoni wölo kirwokyintonokwa akepöghisyegho kipimöwontonini opöghisyeghokwa ompö pikö walaka.

KIRWOKÏ 1:7

Kïlö Adonipesek, “Köghokwanïn ye nyu Tororöt kïgh nyo kyoghchan pöytoghï 70 cho kikïdïng morikwa cho echön cho pö ewun nko cho pö kelyön cho kikwöghöy rarakan cho kichïntegho mesenyan.” Atolapay kemït nyinte kutang Yerusalem, kïmeghchï wöloni.