DANIEL 10:8 - PIPÏLIA

⁸ Kyongötwan nyu onkït nyo kyorosöy sïwïyaghnoni pö töngönchin. Omïghön lö chïrïm akuwonyeghenanïn owesyö, kiwaghaka tokochunyan kighaghit akïsisit.

DANIEL 10:8 ပူးပေါင်းရင်းမြစ်များ

TOWUNÖT 32:31

Kikipusï asis atoni kingeto Yakopo Penuel, akingwolotoy ompö kichirata kompö löp.

WUWÖT 3:3

Kïlö Musa, “Owetan orosöy kïyï pö töngönchin, ompö ne tömönöghöy sïkwïruninö.”

DANIEL 10:16

Atolapay kïswanganïn kut akong nyo karkegh nko chi, angalanan nyu ngat, olenchan nyinte, “We echotyon, keghanïn ngala sïwïyagh akasan akuwonyeghenanïn owesyö.

DANIEL 10:17

Melö muko kïngalana sekeyonta nko echotyontenyi. Akwanyï kiwonyeghenanïn owesyö akupot kimïny.”

DANIEL 7:28

“Choni kï sörömu ngalechoni. Wölo otyan, amïghön nyoman, arorchan ngalechoni löwïr mïkulöwunyu.”

DANIEL 8:27

Kyotyan, akasan ompö osis cho te. Angetan aghan pöghisyewut pö pöytoghin, wölo kyomïghön ompö sïwïyagh ompöwölo möpköchinanïcha.

DANIEL 8:7

Asïwan kïporyeghö makalanay. Kutim kïmïrisyö kuyechay kwodeny. Melö kitïng makalanay owesyö nyo kigheto kegh, kïwirchï ngwïny akïtyakatyak. Melö kimi chi nyo kimï kïsörï makalanay.

APAKUK 3:16

Kyalïman choni löwïr, amïghön kïpotananïn kut ompö kiwaghat, kunyulnyulisyanïn ko ompö orinyan, wölo oköngan asisoni pö nyarïl ompö sison, otini ngwïnöy Tororöt kuchopöy kong pungköcha.

MATAYO 17:6

Otini kilïm kinetanchay kutinini, kïmïghyö akupïtyï ngwïny.

MARKO 9:6

Kimenkïtnye kïgh nyo mwoghöy ompöwölo kiwöghisyö chane nyoman.

YOANA 16:32

Itu asis akikwitï ye yeteyi, ato otoyokwa löwïr atökïwö chi tïkwïl katanyi, atökepïstanïn onkït. Wölo momitanye onkït, ompöwölo mi Paponyan nko ani.

2 KORINTO 12:7

Wölo kikïkonanïn kichïrpa por nyo lata kata atömotöp ntökwighanïn ngalechoni echön kikïngongwanïn atamas. Pöghisïyi kichïrnoni le kïgh nyo köyonï Onyötö kïmunganïn atökïpïranïn atömotörorön kegh tya.

NGONGUT 1:17

Otini kyasïwan nyinte, opïtyan kelyechi le chi nyo kima. Kukanaghanïn ewunyi nyo pö tagh akïlö, “Mewöghisïyi! Ochan nyo pö tagh achï nyo pö löt.