DANIEL 1:19 - PIPÏLIA

¹⁹ Kïngölonchï pöytoghintö chane löwïr, wölo kimöminye ompö akong nyo lata Daniel nko Anania nko Misyael nko Asaria, kïlenyona kumpur nyu kö pö kirwoko pöytoghin kïpöghisyö.

DANIEL 1:19 ပူးပေါင်းရင်းမြစ်များ

TOWUNÖT 41:46

Kitïng Yosep könyis tömönut sömök otini kitor kïpöghisyechï Parao, pöytoghinto Misri. Akimi nyinte Yosep kïwegho wölo mi Parao kïghömï koro Misri kïmïkul.

1 PÖYTOGHÏ 17:1

Kimi werkoyonta nyo kikuro Eliya nyo kingwïno chi pö Tispe ompö Kiliad. Kungwïn akïmwochï pöytoghin Aap lö, “Omwowunyi ompö kaynata ECHOTYON Tororöt pö Israel nyo opöghisyechinan lö melö tökïmi röyöntö anta rop ompö könyis cho pkonöy ntökïtenö omwowan lö ropönöy.”

NGÖTÏNYÖ 22:29

Pöghisyechini tïngana pöytoghï, melö pöghisyechini pich cho le kwïle.

YEREMIA 15:19

Kuyokwanïn nyu ECHOTYON lö, “Ato imïlenyi wölo omitan, otokinyi lïkuna nyinyan ngat aipöghisyewanïn le tagh. Ato ipïstenyi ngal nyo mötïng tösunöt aimwagh cho tïng kinyiwut, oghinyi lïkuna ngölonintenyan ngat. Sorunyi pich wölo melö nyi nyo isoröy chane.

DANIEL 1:18

Nyini kiwonyö könyiswechay le sömök kimwa pöytoghintö, kumïtï Aspenas mïrönchay löwïr kïpka tawu Nepukadnesa.

DANIEL 1:4

mïrön cho lïpopöch nko cho pïchighöch, akïtïng ngöghomnyö ompö kïgh anka tïkwïl, cho chïreröch akïpköchini kinetut, atökïpöghisyö ompö kö pö kirwoko pöytoghin. Atolapay inet chane kunkïtï kusomön akukir kuti pipö Papilonia.

DANIEL 1:5

Kïmwatïta pöytoghintö kepagha chane omisyö nyo kyomöy nyinte nko dipaykö* ompö osis löwïr. Kikinetöy chane könyis sömök, nyini kiwonyö könyiswechoni kemït chane tawu pöytoghin.

DANIEL 1:6

Pich cho kimi nko pïchoni kikïkïl kï: Daniel nko Anania nko Misyael nko Asaria cho kipö ara Yuda.

DANIEL 1:7

Kïmïnchï nyu Aspenas nyo kiwowö ompö yetïntin chane kaynötutchï: Kikurö Daniel Peltesyasar, kïkurö Anania Syadrak, kïkurö Misyael Mesyak, kïkuro Asaria Apedneko.

DANIEL 2:13

Kïlenyona kïmwatïta kepar chane löwïr kïmi Daniel nko kongotichi tïkwïl.

DANIEL 3:29

“Kïlenyona kamwaghan ye nyu lö, ‘Pipö punton nko pich walaka cho pö kutïw cho sis cho mwoghöy Tororöt pö Syadrak nko Mesyak nko Apedneko ketörotöröy akepar korikwa kïlïkwï kïratis. Ompöwölo möminye tororöt anka nyo muköy kïsoru pich le nyï?’ ”