6 Töngoghöch osiswechan amotïngetanye kikönöt lö tosöpe ngat.
Ato paranïn nyinte, kïparanïn ne nyo kötötokönan, wölo kïrkegh kölenyoni oghetan kegh ongölonöy ompö tawunyi.
Omöy pögh koghïn kuchutöy puser nyïngwïtyanta ngwïny lenye nyoni wölo kewurtenyi nyu kikönöto ptangengmöt.
Ompöwölo ato wonyö könyiswechï ngörï owetan or nyo melö tomïlenan ngat.”
“Kingat ani söpon, kikuwonyö osiswechan, mito ngwen kïpsach kïnïkïwanïn.
Kikuwer osiswechan, kikunyorisyö tötutköchan, akïmeghanïn mu tïkwïl.
kïmi nyu onö kikönötenyan? Ngo nyo sïwïyi kikönötenyan?
Röytoy kïwetöy ngwen? Kïröytocha tïkwïl kelïtöy terïtyon?”
Kapakpakanïn tïkwïl, ay kowonyan akawïnïk kikönötenyan le ket.
Motïngönye owesyö nyo oköno söpon. Monkïtönye lö tya osiswechan nyo kötö omïkukönöy.
“Pïrtïte osiswechan kïtïl kirïpin weröy amelö mi kïgh nyo karam nyo nyiwu.
Karkegh söpontönyan nko rurwo mönon, kosilönön le sus.
Karkegh nyinte nko kimïny pat, lata osiswechi puret nyo weröy.
Kïkölöngöy mwokïyon ompö ighisyewutkachi cho ghach, wölo nyoru chi pö man ato ghïpo ompö mantanyi.
Israel, mepara kegh or amekany kïyamïn sïghiny. Wölo kemwaghanyi lö, ‘Tökïsöpöne tagh nya, kyopïrchan arïp tororötine walaka amopïstenanye kokay.’
Onkïtï lö kyochikwa lowöch nko Kristo osiswechoni, kyomitekwa sanypa pipö Israel. Kyochikwa pïnot akimoghönekwanye kïgh ompö kiyomisut pö Tororöt. Kimotïngetekwanye kikönöt akimononekwanye lö mi Tororöt ngwïnyinï.
Pusu asis akïpel suswon kïsilön atolapay kïrarach tapïkenyi akuwonyö pïchighyenyi. Lata nyoni tïkwïl wölo kiwurtoy sïkön otini mi kïsïngo tïkuchi.
Omwoghekwa lenyoni amonkïtökwanye wölo lïku söpontönkwa asïyech. Alatekwa kapuret pat nyo kïsïwïyi nyo tangogh akwotini lawel kupot.
Kïlenyona, ye nyu mïchinokwa anapa kegh atïpï kïpsach. Otönö kikönötengwo lapay ompö pöropchö nyo konokwa Tororöt asïyech ato kïngongwï Yeso Kristo.
Kïle wölay mwoghtoy Kikirut lö, “Karkegh ptangengmöt nko suswon, akïkarkegh ororyenyi nko tapïka suswon. Silönöy suswon akïrörochö tapïkokachi.
