3 Igha kegh lasiny le mïrön otepinyi ngal, amökan yokwaninyi.
Kungwïnchï owesyo ECHOTYON Eliya, kïkörmön sïrokachi akurïp ntökïtïl Aap akïnya kïlït kanasyanta Yesrel.
Ato paranïn nyinte, kïparanïn ne nyo kötötokönan, wölo kïrkegh kölenyoni oghetan kegh ongölonöy ompö tawunyi.
Atolapay ikursyö atongïtönön antaikany angalanan ateyokwante.
Muköy ptangengmöt kunet Tororöt chïreryö, akwanyï Tororöt nyo rwokini ompö cho mi yïm?
“Muköy chi nyo tïng lelut kïnam kegh kut nko Kimuktoghin? Aso nyu, yokyïne Tororöt nyï kenamanyi kut.”
“Körmönö kegh le mïrön otepinyi ngölyon, teyokwaninyi.
Kilenchaninyi, ‘Tera ongölonun atepinyi ngölyon, aiyokwante.’
Anyï wölo omtonekwa: okörmönekwa sïrokökwa, atö kwegh kelyön, anama lïkïp egh. Omisïyekwa lawel. Nyoni kï Pasaka nyo pö ECHOTYON.
Mi kïpsach kwigh pöghisyenyi ompö owesyö akukilöy ewunechi.
Wölo nyi ye Yeremia, napa kegh lasiny. Wïyö mwochinö chane ngalechï löwïr omwowunyi ye. Amewagh chane, tömawirenin potana ompö tawungwa.
Kïlenyona, ye nyu mïchinokwa anapa kegh atïpï kïpsach. Otönö kikönötengwo lapay ompö pöropchö nyo konokwa Tororöt asïyech ato kïngongwï Yeso Kristo.
