AYUPU 1:8 - PIPÏLIA

⁸ Kïtep ECHOTYON lö, “Akesïwenyi mötworintenyan Ayupu nya? Möminye chitö anka nyo kikongityot nko nyinte ompö ngwïny, chi nyo tenate akï pö man, chi nyo konyïtanïn akïripöy kegh tömegh ngokï.”

AYUPU 1:8 ပူးပေါင်းရင်းမြစ်များ

2 PÖYTOGHÏ 23:25

Melö kimi pöytoghintö tawunyi nyo kikarkegh nko nyinte. Kirïp nyinte ECHOTYON ompö mïkulöwunyi kïmïkul nko ompö söpontanyi kïmïkul nko ompö owesyenyi kïmïkul, kïrïp kegh nko kirurut pö Musa, amelö kitökïpusï pöytoghinte anka nyo karkegh nko nyinte.

NEEMIA 5:15

Kitö pröyöntino pöytoghin cho pö tagh pich nïkisyö, ompöwölo kichenga pich omisyö nko dipay nko ropïyeni silpa cho le tömönut angwan, kitö nïkisyö tïkwïl pich ompö chini le mötworikwa. Wölo melö kyaghan lenyoni, ompöwölo kyowöghan Tororöt.

AYUPU 1:1

Kimi chi nyo kimöngöy kor Us nyo kikïkuro Ayupu. Ki chi nyo tenate akikonyïtöy Tororöt akilowito kegh ghöyityö.

AYUPU 12:4

Roröchinanïn ye ompö chini le kongotichan, kïrkegh kyasaghan Tororöt akïngitönwanïn. Kalïkwan chi pö kelat nyo ochï chi pö man amotïng lelut.

AYUPU 2:1

Kimi nyu asis akong ato kipa malayken kughyongo tawu ECHOTYON. Kimi Onyötö atoni tïkwïl nko chane.

AYUPU 2:3

Kïtep ECHOTYON lö, “Akesïwenyi mötworintenyan Ayupu nya? Möminye chitö anka nyo kikongityot nko nyinte ompö ngwïny, chi nyo tenate akï pö man, chi nyo konyïtanïn akïripöy kegh tömegh ngokï. Kïrkegh kiwïchowïchaninyi lö, torïmön nyinte kwïle, wölo kïtökughyongo nyinte mantanyi nko nyete le ye.”

AYUPU 34:14

Ato töp ntökuyoda mïkulöwunyi wölo mi nyinte akïcheng kimïnytanyi,

AYUPU 8:20

“Möpïstonye Tororöt chi nyo tenate kokay amelö ngöroköy mwokïyis.

TUMWÖY 18:23

Motïngetanye kigheghchin ompö nyinte, ompöwölo melö kyarikan ngokï.

TUMWÖY 34:14

Lowitunö ompö ghöyityö aigh nyo karam, yara kalya aipïrpïr ompö mïkulöwungu kïmïkul.

TUMWÖY 36:1

Ngölonöy ngokï nko mwokïyon ompö mïkulöwunyi ori, töghöy nyinte Tororöt amökonyïtönye.

TUMWÖY 37:27

Pïstenö ghöyityö aigh nyo karam, atengötunö kokay,

TUMWÖY 84:11

Ompöwölo ECHOTYON Tororöt kï asis akï longa, soyönecha nyinte ompö tölosyö nko konyït. Mötöghonye ECHOTYON kïgh nyo karam, pich löwïr cho ighöy man.

TUMWÖY 89:20

Kyonyorwan mötworintenyu Daudi akayilan mwadanyu nyo tïlil kïlïkwï nyinyan.

NGÖTÏNYÖ 8:13

Kewagh ECHOTYON kï ketagh ngokï. Otöghan kwolöto kegh nko menetön, atöghan otöp nyo gha nko ngal cho ghach.

ISAYA 1:16

Owunö kegh atotïlilitunö, awirteghena wölo omitan ghöyityö,

ISAYA 42:1

Mwoghöy ECHOTYON lö, “Anyï mötworintenyan nyo kotönön owesyö, nyinte nyini kyakïlan, akï nyinte nyo ongörokyinan kanyïghitan nyinte mïkulöwunyu akï nyinte nyo ipchini man pipö punton löwïr.

ESEKEL 40:4

Kïlenchanïn chichay, “Wero chi rosena konyiku aitera yitiku ainama möt kïgh anka tïkwïl nyo oporunyi, ompöwölo kopunyi yi atö oporunyi ngal. Imwochï ngalechï löwïr isïwïyenyi pipö Israel.”

KIYITUT 12:3

Ki chi Musa nyo kitalas kïtïl pich löwïr cho kimi ngwïny.

YOANA 1:47

Otini kisïwa Yeso Natanael kungwïnchini nyinte, kïlö ompö, “Rose köny! Anyï chi pö Israel nyo pö man nyo möminye lïsata orinyi!”

YOSWÖ 1:2

“Kima mötworintenyan Musa, ngeta wïyö ye oghyenö lalwa Yordan, nyi nko pipö Israel atanga kor nyo otöninan chane.

YOSWÖ 1:7

Wölo ichïchïm ainyakanitï tya, ateripö airïp kirurut löwïr cho kimwowunyi mötworintenyan Musa, mepeny ompö or anka tïkwïl löt, atökesoyönïn ompö wöloni iwestegho.