APAKUK 2:20 - PIPÏLIA

²⁰ Wölo mi ECHOTYON Konyi nyo tïlil, nya kïsï ngwïnya kïmïkul lasay ompö tawunyi.

APAKUK 2:20 ပူးပေါင်းရင်းမြစ်များ

AYUPU 37:20

Kïmwochini nyinte lö omökan ongöloney? Mi chi nyo kicham kenyïkwïda?

TUMWÖY 11:4

Mito ECHOTYON Konyi nyo tïlil akïmitoni ngacharunyi nyo pö paytagh wölnö le yïm. Topönöy konyichi pich löwïr akunkït kïgh nyo ighöy chane.

TUMWÖY 115:3

Mi Tororötïncha yïm, kwighöy kïgh anka tïkwïl nyo mököy.

TUMWÖY 46:10

Lentöy nyinte, “Osisyenö ankïtï lö, ochan Tororöt! Osïkonan ororyö punton löwïr, osïkonan ororyö ngwïny kïmïkul!”

ISAYA 41:1

Lentöy Tororöt, “Osisyenö ater ngalechan akwa koros cho lowöch! Anapa kegh topunö lokekwo ka kirwok, onyorunekwa pöroyïn otoni nyo ongölonöy. Apkana ketuyenö atökenkïtunö lö ngo nyo pö man.

ISAYA 6:1

Kyasïwan Echotyon könyi anka ato kirapas pöytoghinto Usia. Kimpuröy Echotyon ngacharunyi nyo pö paytagh, ki töror akimi park tya, kighömï sïrenyi Kö pö Tororöt* kïmïkul.

ISAYA 66:1

Mwoghöy ECHOTYON lö, “Ngacharunyan wölnö le yïm akï kelto ngacharunyan ngwïnya. Kï kö nyo nen nyu nyo omukekwa otekwanïn? Akï yonö ato oghwanïkwa atamangan?

ISAYA 66:6

Atera kiteghat nyo kïlïmo kanasyan! Ngwïno kiteghatanoni Kö pö Tororöt.* Kechop kong ECHOTYON pungkachi nko nyoni pö kiteghatanoni!

YONA 2:4

Kyolentan kikeyonanïn oweghan tawungu, wölo melö tösiwuyan ngat Kongu nyo tïlil

YONA 2:7

Otini kyasïwan lö karich kïweghenanïn söpon, akurinyi ECHOTYON, kïpka sowutköchan wölo ECHOTYON Kongu nyo tïlil.

MIKA 1:2

Atera ngalechï akwa pipö punton löwïr, alïma pich löwïr cho omöngöy ngwïny, Echotyon TORORÖT nyo yotu lelutkökwa, otini kangalan ompö Konyi nyo tïlil.

APAKUK 3:1

Kuröto werkoyon Apakuk, kïrïp kegh nko kuröto Syikionot.

SEPANIA 1:7

Kirikï asispa ECHOTYON nyo pö kirwok, kïlenyona, isis chi lasay ompö tawu Echotyon TORORÖT. Kikïsat ECHOTYON amöros akïkur toechi cho kikïl.

SAKARIA 2:13

Kïlenyona sisa chi anka tïkwïl lasay ompö tawu ECHOTYON ompöwölo köngetunö nyinte möngenyi nyo tïlil.