APAKUK 1:6 - PIPÏLIA

⁶ Ompöwölo ongetan pipö Papilonia, pipö punton cho köromöch akukelöy tökïcheng koros cho melö chikwa.

APAKUK 1:6 ပူးပေါင်းရင်းမြစ်များ

2 PÖYTOGHÏ 24:1

Kipokyï Nepukadnesa pöytoghinto Papilon koro Yuda osiswechoni kipöytoy Yeoyakim. Kïnam Yeoyakim kïlïkwï mötworintenyi ompö könyis sömök, atolapay kïtagh Yeoyakim nyinte.

2 PÖYTOGHÏ 24:2

Kïyonta ECHOTYON söpïchu Papilonia nko cho pö Sirya nko cho pö pipö Moap nko cho pö pipö Amon kïpa kïporyeghö Yeoyakim atökunyar koro Yuda kïrïp kegh nko ngölyonto ECHOTYON nyo kimwa ompö mötworichi werkoy.

2 OTÖPTINO OSIS 36:17

Kïlenyona kïyonchï ECHOTYON chane pöytoghinto Papilonia kungwïn kïpara chok chumwakökwa ompö cho kömi wölo tïlil. Kimötïngnye kisyonöt ompö karöchïnin anta työ, anta mïrön anta nyo kiyosit kitö chane löwïr mori pöytoghinto Papilon.

2 OTÖPTINO OSIS 36:6

Kungwïn Nepukadnesa pöytoghinto Papilon kupokyï Yuda atolapay kïnam Yeoyakim akïrata sïrïmtin akuretö kutang Papilon.

ISAYA 23:13

(Ki pipö Papilonia cho kiyotyï tyonkïn kuwur kanasyanta Tiro, melö pipö Asirya. Kitek teksyewut cho koghöch cho kïripsyegho akurultö nïyetwo Tiro akïpïstö kanasyante kïtïryalit.)

YEREMIA 13:20

Syole konyiku we Yerusalem! Rose! Achona pungköku, cho pkono okumpö löt. Mi onö piköku chay ripinyi, piköku chay ikwolonenyi kegh nya?

YEREMIA 21:4

“We Sedekia! Owöghökyininyi kïparinyi kariko lïkengu chï kepöronyi pöytoghinto Papilon nko lïko Papilonia chï mi sanypa kanasyan kurikinyi. Osupchinan kariko lïk löwïr kanasyan kwen.

YEREMIA 21:7

Wölo otöninan, Sedekia pöytoghinto Yuda nko mötworichi nko pich cho köngötunö sömew nko chok nko kömöy, mori Nepukadnesa, pöytoghinto Papilon nko pungkökwa cho möro kong kïparakwa. Pörokwa nyu atoni Nepukadnesa ompö ngot nyo puryö kisyonchin akï puryö nyo ngötu.”

YEREMIA 25:9

okurunan punton kïpkana koros cho mi okumpö löt nko mötworintenyan Nepukadnesa, pöytoghinto Papilon. Okurunan kïpka kïporyeghö pipö Yuda nko pöröriskachi. Owongan chane lömïs, aghan chane kïlïkwï cho mïghyot akwotyö akïroröchï pich kokay cho sïwïyi.

YEREMIA 30:5

“Kamwaghan ante ECHOTYON lö, Kakïlïm rira nyo pö otyogh rira nyo pö mïghö amelö nyo pö kalya.

YEREMIA 4:11

Kïlenchini asisoni pipö Yuda nko Yerusalem, “Ngwïnchini piköchan yomat nyo layate nyo ngwïno kutïngkot cho mi surkwen. Amelö yomonay kutïtoy morïr anta nyo seröy tïkwïn,

YEREMIA 4:6

Apara or nyo wetöy Sayon!* Arye osörunö kegh, amotomtomönöy! Ompöwölo ketyorï ECHOTYON kinyarat nyo wow, meghat nyo ngwïno okumpö löt.

YEREMIA 4:8

Kïlenyona, alaka sarankwachtin asönön ariryö, ompöwölo tomönye kïpïstecha nörekyo ECHOTYON nyo ngwan lakat.”

YEREMIA 5:15

“Akwa pipö Israel, opkokwa pich cho pkono kor nyo low. Mwoghöy ECHOTYON. Pkonöy chane kïpörokwa, pich chane cho owesöch nyoman akï pö könyisyok, akï cho monkïtökwanye kutingwa, amöpköchinokwanye kïgh nyo mwoghöy.

YEREMIA 8:10

Kïlenyona, otöninan korukwa pich walaka, otöninan tïkwïl piko walaka parenikwa. Ompöwölo köromchini tïpö lïs pikö cho echön nko cho mïnkech, pöghisyegho putintön chini le ompö tïsï nko werkoy.

ESEKEL 16:40

“Ipunyi pich cho möngörï kïwireninyi koghïn akïtörotöreninyi chokonikwa.

ESEKEL 21:31

Omïlwokwa nörekyenyan, akutenekwa kiminy pö nörekyenyan le lyopöto ma. Otönokwa mori pkatis cho nkït kinyarat.

ESEKEL 28:7

opunyi nyu pung cho ghach ompö punton. Pöröy akusïmnyon tïkuku löwïr cho pïchighöch cho kighenyi ngöghomnyengu.

ESEKEL 31:12

Torchini nyu ngwïny puntonï cho ghach akepïstö. Ghömu morichi cho kimirsyö nko söke kutïngkot nko mpöghoghöy ompö ngwïny. Kïpegha nyu pipö ngwïny kïmïkul rurwenyi.

YOEL 2:3

Omöy kor kïmïl le ato kapel ma. Karkegh korö nyo mi tawungwa para Eden, wölo tïryal lötungwa le surkwen. Möngötunye kïgh nyo mi tawungwa.