AMOS 9:9 - PIPÏLIA

⁹ “Arosa omwoghan ngölyon atimtim pipö Israel ompö koroswo punton löwïr cho möngöy chane. Oseran pipö Israel le wölo sertoy chi pagh, möminye ompö akong nyo relöy ngwïny.

AMOS 9:9 ပူးပေါင်းရင်းမြစ်များ

ISAYA 27:12

Ghömïtöy ECHOTYON aisoni pikachi kwakonga akonga kïle chi nyo seröy pagh nko morïr, kïngetunö Yuparet ntökwit sörömu Misri.

ISAYA 28:28

Melö kïtïghotïghöy nkanun pat ntökupepesisyö, ompöwölo mi wölo kïpöghisyegho kelyo nkari cho tïkyini ngwïny amenyorönye.

ISAYA 30:28

Kutïtoy yomat ompö tawunyi nyo karkegh nko puseryon nyo chutöy kïgh anka tïkwïl. Chutöy pipö punton kïlïtöy wölo mi kiwurata atökuwany tötutkökwa cho ghach.

YEREMIA 31:36

Kiyomis nyinte lö, “Ato tökïmi kïgh anka tïkwïl lenyini pö su, kïtoyitan pipö Israel lö piköchan.”

YEREMIA 46:28

Mewöghisyö we Yakopo mötworintenyu, ompöwölo omitan nko nyi. Owuran lömïs koros chona kyotoytoychinyi, wölo mowonginyinye. Amelenchï kegh opïstoninyi momungïn, wölo omunginyi kïrïp kegh nko lelutyengu momungïnyinye tya.” Mwoghöy ECHOTYON.

YEREMIA 49:36

Atolapay akutwan yomot kungwïna woptino yïm löwïr. Okutïtenan pipö Elam kïtoyechï koros cho mi ngwïny. Möminye korö ompö akong nyo monyorchïninye chi pich cho kiperunö koro Elam.

ESEKEL 20:38

Ochengan pich cho le penyi ompö akwa nko pich cho ighwanïn ngokï, opunenan chane koros cho möngöy, wölo melö lïtöy koro Israel. Onkïtunekwa nyu lö ochan ECHOTYON.”

ESEKEL 36:19

Kïlenyona ochïpön chane akwompö otöptinekwa nko ighisyewutkökwa. Otoytoyan chane kïghömï punton akïghömï koros löwïr.

ESEKEL 39:28

Kunkïtï nyu chane lö ochan Echotyon Tororötïngwa, ompöwölo kyakanyan kïpa chane pïnotön atolapay oghömïtyï chane korengwa kegh. Mopïstanye ompö akonga kudong koro punton,

ESEKEL 5:10

Kïlenyona omöy pich monekwa ompö akwa akwam monïngö papotïnekwa. Oghan ngalechï ompö akwa akï pich cho köngötï ompö akwa otoytoyonan kïghömï ngwïny.

ESEKEL 5:12

Owonyokwa cho le kareran akonga ompö amal nko ompö kikar, kuwany chok kareranta anka nyo pö sömök. Atolapay otoytoyan kareranta anka nyo pö sömök kïmï ngwïny kïmïkul orupan chane chok.

LAWIN 26:33

Atolapay otoytoyokwa oghömunö ngwïny atöninan ngot kïrïpekwa, akïlïku korenkwa kïratyan anyaran kanastinekwa.

LUKA 22:31

Atolapay kïlenchï Yeso Simon, “Simon, Simon! Tere ya! Kimököy Onyötö kïnamakwa akïserakwa löwïr le wölo kïsertoy pagh cho mi nko morïr.

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.