AMOS 9:14 - PIPÏLIA

¹⁴ Omïtunan pikachu Israel korengwa, pkonöy kïteköy akïmang kanastin cho kirulyö, akïkatkat sapipun akïgha dipayka.

AMOS 9:14 ပူးပေါင်းရင်းမြစ်များ

TUMWÖY 107:37

Kïngor paren akïkatkat keti sapipun akïpït akwa cho chang.

TUMWÖY 53:6

Osoghan nyoman lö tengwïna sörunöto Israel Sayon!* Ekïngörechot kïtya pipö Israel ato igh Tororöt pikachi kïsïch perur ngat. Akanya kïturön Yakopo akïngörekyö pipö Israel. Ompö kintöghoghinto tumï. Kïpöghisyegho pïkan. Tum pö Daudi otini kipa pipö Sip kïmwochï Saulö lö, “Wïnyo kegh Daudi kwenuncha.”

ISAYA 60:4

Topöne kamasungu köny tesïwena kïgh nyo mi kwigho. Kesup kegh piköku tökïpka kaw! Pkono werköku wölo low kïkösönu tipikwa le monïng.

ISAYA 61:4

Teköy chane ngat kanastin cho kökilïkwï kïratis könyisyok, pintitöy ngat kanastin cho kirulyö, ompö kinyarat nyo pö pïnwöy cho chang.

ISAYA 65:21

Teköy chane korïn akïmang, kötkötöy keti sapipun akwa akwekwa.

YEREMIA 12:15

Wölo otini kakalangan chane kumuchö, ongwïnan osyonchini chane ngat, ayokyinan kïmïlisyö korengwa.

YEREMIA 16:15

wölo lö, ‘Kïle ato söpöy ECHOTYON nyo kimïtuna pipö Israel kor nyo mi okumpö löt nko ompö wop anka tïkwïl nyo kiyonchï nyinte chane.’ Kamwaghan lenyoni ompöwölo oyokunan chane kïmïlisyö korengwa nyo kyotönön papotïnekwa.”

YEREMIA 23:8

wölo, ‘Kïle ato satate ECHOTYON nyo kityak akwipunö pipö Israel kor nyo mi okumpö löt nko koros löwïr cho kyotoytoyechï chane.’ Atolapay kïmang korengwa.”

YEREMIA 24:6

Okomönan chane nyoman, awetan oyoku kïmïlisyö koronï. Oghan chane kïlïkwï akonga amorultonanye. Oghan chane kïpit le ket amokölöngtenanye.

YEREMIA 29:14

Onyorwanïkwa nyo mötïny atolapay aghamïtunekwa woptin löwïr cho kyotoytoychekwa. Oyokwokwa omïlisyeno korengwo nyo kyayonenakwa apa le pïnot. Mwoghöy ECHOTYON.

YEREMIA 30:18

Lentöy ECHOTYON, “Oyokunan piköchan kïpka korengwa. Osyonchinan möngot anka tïkwïl nyo le nyingwa, kïteköy ngat kanasyanta Yerusalem, ketekyini pöryontenyi nyo kikunyara. Kïteköy tïkwïl kö pö pöytoghin otini kimi tagh.

YEREMIA 30:3

ompöwölo itu osiswö cho oyokyinan piköchan Israel nko Yuda tïkukwa. Oyokunan chane kïmïlisyö kor nyo kyotönön papotïnekwa akïchengöy ngat kïlïkwï nyingwa.” Mwoghöy ECHOTYON.

YEREMIA 31:23

Lentöy ECHOTYON Kimuktoghin, Tororöt pö Israel, “Otini koyokwan pipö Israel kïpka korengwa, mwoghöy chane ngat ompö koro Yuda nko kanastinechi lö, ‘Nya kusoyönin ECHOTYON we kutïng pö Yerusalem nyo tïlil, Ichinyi kimpïr pö tïlilyö!’

YEREMIA 31:28

Akwompö wölo onkïtön oyokwïyöy, ankïtï wölo kïsyortoy anta kewur anta kerultö anta kechop kong, okomönan tïkwïl, akatkat, atek chane.

YEREMIA 31:5

Ikötkötenyi ngat keti sapipun, ompö kutïngkoti Samaria. Kötkötöy ngorï, akïngörökyï kwam akwe.

YEREMIA 32:15

Ompöwölo lentöy ECHOTYON Kimuktoghin, Tororöt pö Israel, ‘Tökyolöy ngat korïn nko paren, ompö pareni sapipun ompö koronete.’ ”

YEREMIA 32:37

Oghömïtunan piköchan kïpkana woptin tïkwïl cho kyotoytoychan chane ompö nörekyenyan nko sïngiryenyan nyo wow. Oyokunan chane kïpka kïmang akïtïpï koronete ompö kalya.

YEREMIA 33:11

Wölo tökïsis kelïma woptinechoni tïkwïl roröt nko kutïwa pich cho ngöreksot nko kïlïliyöto pich cho mi ichon pö kensyö. Kïlïmöy tïkwïl cho tumotoy ato ipöy Kö pö Tororöt* ropöwo kiyokyinogh pö sörö. Tumöy ato petöy kïlentöy, ‘Oyokyinö sörö ECHOTYON Kimuktoghin, ompöwölo karam nyinte akï chomnyenyi kïpö kokay nko kokay.’ Operuran korenete kïsïch tïkwïn le cho kitïng tagh. Mwoghöy ECHOTYON.

YEREMIA 33:7

Oyokyinan ngat Israel nko Yuda tïkukwa, achïchim chane le wölo kilata tagh.

ESEKEL 16:53

Kïlenchï ECHOTYON Yerusalem, “Otyokan naman pö Sodoma nko tipikwa nko naman pö Samaria nko tipikwa, atyakan namanköku cho mi kwenungwa.

ESEKEL 28:26

Möngisïyi nyu ompö kalya akïtek korikwa akïngorsyö. Omungan pöröriskökwa löwïr cho kichop kong chane atökunkïtï lö ochan ECHOTYON Tororötïngwa.”

ESEKEL 37:21

Atolapay ilenchï chane lentöy Echotyon TORORÖT, opunan Israel kïpkana punton wölo kipa. Aghamïtwan chane löwïr ompö wölini mi amïtwan kïpka korengwa kegh.

ESEKEL 39:25

“Kïlenyona omwoghan ante Echotyon TORORÖT lö, omïtunan nyu pipö Yakopo kïpkana pïnotön asyonchan pipö Israel löwïr, alïkunan söstoghin ompö kaynenyan nyo tïlil.

AMOS 5:11

Kïlenyona kïrkegh katek kori koghïn cho kipötöy melö omöngekwa nyonikïny. Kakatkatakwa sapipun cho karamach, wölo melö ogheghekwa dipaykakwa* nyonikïny. Ompöwölo opïrekwa mey, asara paghekwa pö nkanun.

SEPANIA 1:13

Kïsöro pïchoni tïkukwa lömïs akewur korikwa. Akïrkegh kïlö kïteköy korïn, mömöngöcha korichoni. Kïrkegh kïlö kïkötkötöy sapipun, mögheghöcha dipay* pö ketichoni.”

SEPANIA 2:7

Mïlöy pipö Yuda cho kingötï korononi akuyakwï kyakikwa. Pkonöy kïmöngöy kori kanasyanta Askelon, ompöwölo soyönöy ECHOTYON Tororöt pö pipö Yuda kïnyorï ngat tïkwïn.