AMOS 8:12 - PIPÏLIA

¹² Ryöghsetoy pich kïngeta nanam ntökwit nanam, kïngeta okumpö löt ntökwit okumpö tagh, morotoy ngölyonto ECHOTYON, wölo mönyorucha kokay.

AMOS 8:12 ပူးပေါင်းရင်းမြစ်များ

NGÖTÏNYÖ 1:28

Kuranïn nyu chane, wölo melö ongitönan kïlö kïyaranïn lasiny wölo mönyorwanïcha chane.

NGÖTÏNYÖ 14:6

Yöröy karatakyanta ngöghomnyö amelö nyoru, wölo nyïmnyïm chïreryö ompö chi nyo tïng pköchin.

NGÖTÏNYÖ 29:18

Potyegho wölo puryö werkoynön, wölo soyönote nyinte nyo komönöy kirurut.

ESEKEL 20:3

“Wero chi, lenchinö kintöghoghi Israel, olentan Echotyon TORORÖT, kapkanakwa ye atepenanïn ngölyon nya? Kïle ato söpöy Echotyon TORORÖT, melö ochöman atepenanïkwa kïgh.

ESEKEL 20:31

Kösïmnyonökwa kegh otï kotötekwa konutkökwa aropta monekwo le amörostin ompö ma asïmnyonökwa kegh ompö körkeyïntinekwa löwïr nko ye. Alekwa nyu, nya ketepena ani ngal nya we Israel? Kïle wölo ochan Echotyon TORORÖT nyo satate, melö otepenanïkwa kïgh nyonikïny.

DANIEL 12:4

“Wölo nyi Daniel, rora ngalechï, aikar kitapu ntökwit asispa söröm ompöwölo ryöghöy cho chang wöl nko wölnö akïtöso chïreryö.”

OSEA 5:6

Petöy chane nko okwotkökwa cho pö ngaror nko tïch kïyöröy ECHOTYON, wölo mönyorucha nyinte. Ompöwölo kikusïrar kegh nyinte nko chane.

MATAYO 12:30

Chi anka tïkwïl nyo möminye okuntönyan kïmöminye nko ani akwanka tïkwïl nyo möghömïtönye nko ani kïmi kutoyot.

1 SAMWEL 3:1

Kimi Samwel kïpöghisyechini ECHOTYON akuntöghoghchini Eli. Kingörï ngala ECHOTYON osiswechoni, kimömicha sïwïyaghtina cho chang.