AMOS 7:10 - PIPÏLIA

¹⁰ Atolapay kïyonta kut Amasya tïsinto Petel wölo mi Yeropoam pöytoghinto Israel kïlenchï, “Kikichaminyi Amos ompö pipö Israel. Wulyot pich ngalechoni.

AMOS 7:10 ပူးပေါင်းရင်းမြစ်များ

TOWUNÖT 37:8

Kïlenchï werkökwa, “Nyo ilentenyi ye iwetenyi ipöytonecha so? Anta imukenyi wowitune ompö acha?” Kïtasa nyu tya kireyatengwa ompö kirwotïtoghtinechi nko ngalechi.

1 PÖYTOGHÏ 13:33

Melö kitökïpïstö Yeropoam ortïnechi cho ghach, kitas tagh kïkïl tïsï kïpkana pich kïtïkon atökïpöghisyeghö ato kïsogho körkeyïntin. Kikïl nyinte chi nyo kimököy kïlïku tïsin.

1 PÖYTOGHÏ 18:17

Nyini kisïwa Aap Eliya kïlenchï, “Kichö nyi so nyï kesus pipö Israel nyo teno nyï?”

YEREMIA 18:18

Atolapay kïlö pïchay, “Apkana kechama wölo kïtïghtoy Yeremia! Mömicha so tïsï cho netecha anta pich cho ngöghomöch cho muköy kururecha anta werkoy cho mwowecha ngölyonto Tororöt? Keyara ngal cho kirwokyinegho Yeremia amaketera ngat ngalechi cho mwoghöy.”

YEREMIA 36:16

Nyini kiter ngalechay löwïr kumuchö, kura kegh konyïn ompö otyogh atolapay kïlenchï Paruk, “Mïchini kïnyorï pöytoghin ngalechete.”

YEREMIA 38:4

Atolapay kïpechï kintöghoghï pöytoghin akïlenchï, “Ompö ne tömokïtïgh chichete nya? Ompöwölo kötïgh pipö lïk nko pich löwïr cho tökïmi kanasyantanete ko ngala cho mwoghöy nyinte. Melö yörchini pich nyinte köromnyö, wölo ghöyïn kwïle.”

AMOS 1:1

Ngalana Amos chï nyo kile akonga ompö mösöw cho pö Tekoa, cho kimwa könyis odeny akwompö koro Israel ato kipoytoy Usia Yuda, kipöytoy Yeropoam wero Yeoas Israel kïtomö korïngring.

AMOS 3:14

Asisini komungön pipö Israel ompö ngalekwa onyoran ato kïpelo amöros ompö Petel aketörotör yiti köchïntoy.

AMOS 5:10

Oreyekwa chi nyo ngölonöy man ompö kokwö.

AMOS 5:5

Wölo mapa Petel asagh amolïtöy Kilkal anta oghyö Persyepa ompöwölo petöy pipö Kilkal kïlïku pïnot akupot Petel.

AMOS 7:11

Lentöy Amos meghöy Yeropoam nyo mötïny akïpetöy pipö Israel pïnotön ompö koronï.”

MATAYO 21:23

Kïmïla Yeso ngat Kö pö Tororöt akwotini kinetisïyi kïpka tïsï cho echön nko poyi pipö Yaudi kïtep nyinte lö, “Ighonyi owesyo ngo ngalechï nya? Akï ngo nyo kökoninyi owesyonï?”

LUKA 23:2

Atolapay kutor kurwokyï nyinte lö, “Kakïnamacha chichï kunetöy piköcha or nyo gha. Kilenchini pich mokwöghchini surï Kaisari akwigh kegh nyinte Kristo* nyo le pöytoghin.”

IGHISYEWUT 24:5

Kakïlecha kiros kesïwecha lö anyï chi nyo ipu tapan akï kisusin. Köwechï kutor kuwulyö pipö Yaudi ompö ngwïny kïmïkul, akï kintöghoghinto tuyo pich cho kïkuro pipö Nasaret.

IGHISYEWUT 5:28

lö, “Kolentan kikïmwowokwa lasiny lö, monetisyeghö kaynata chichï, wölo arose kini kaghakwa! Köghömï Yerusalem kïmïkul kinetutyenkwa, ayörekwa omwoghe lö acha cho kikighyongchï meghenyi.”

IGHISYEWUT 7:54

Akwotini kilïm Kokwö* ngala Stepano, kungoyö, akïnyöghchï nyinte kelat.