AMOS 6:2 - PIPÏLIA

² Ape Kalne tasïwena apa Amat kanasyantanay mamïnïng, aröytö Kat ompö koro Pilisti. Ayo, karamach so chane kïtïl pöyunötino Yuda nko Israel? Echön so koroschoni kïtïl korenkwa?

AMOS 6:2 ပူးပေါင်းရင်းမြစ်များ

TOWUNÖT 10:10

Kitowunö paytaghtanyi kanasyanta Papilon, Erek nko Akad, kimi kanastinechoni kïsömök koro Papilonia.

2 SAMWEL 8:9

Nyini kilïm Toy pöytoghinto Amat lö kirïnta Daudi pipö lïk löwïr cho pö Adadeser,

1 PÖYTOGHÏ 8:65

Kyama Solomon nko pipö Israel löwïr Ichon pö Tunkun Kö pö Tororöt ompö osis mut nko odeny. Kighamïtuna kegh pich kïngetunö Amat ntökwit rotyo Misri.

2 PÖYTOGHÏ 17:24

Kumïtuna pöytoghinto Asirya pich kanastina Papilon nko Kuta nko Apa nko Amat nko Separpaim akutö kïmang kanastina Samaria kuker pipö Israel. Kïcheng chane kanastinechoni akïmöngisyö.

2 PÖYTOGHÏ 17:30

Kigh pipö Papilon körkeyïn nyo kikuro Sukot Penot, kwigh pipö Kuta körkeyïntino Nerkal, kwigh pipö Amat Asyima,

2 PÖYTOGHÏ 18:34

Mi onö tororöt pö Amat nko Arpad? Akï mi onö tororöt pö Separpaim nko nyo pö Ena nko nyo pö Ipa? Mi nyo kimï kïsörunö Samaria morichanï?

2 PÖYTOGHÏ 19:13

Mi onö pöytoghi kanastina Amat nko cho pö Arpad nko cho pö Separpaim nko cho pö Ena nko cho pö Ipa?”

2 OTÖPTINO OSIS 26:6

Kïset Usya kïwö kïpar kegh nko pipö Pilisti. Kurutö nïyetwo Kat nko Yapne nko nyo pö Asdod, akïtek kanastin Asdod kïghömï nko woptino koro Pilisti löwïr.

YEREMIA 49:23

Kilö ECHOTYON paraku Damaska, “Köwöngisyö pipö kanastina Amat nko Arpad, ompöwölo kalïm lökoy cho ghach. Kinyïghï chane pögh mu ompö mïghö, karkegh nko mirtino nanam cho mösisyot.

NAUM 3:8

Ayo Ninawi, ilentenyi so ichinyi pïchigh tya kïtïl kanasyanta Tepes ompö paytaghpa Misri? Mi Tepes lalwa Nile kamas akiwit pögh lö tïlkwïch, nayatu pögh nyo ripöy mölïtï pung.

1 SAMWEL 17:23

Otini kimi kïngölonöy nko chane, kungwïna Kolyat kwenu lïko Pilisti akïnyernyera pipö Israel lenyaye pö ngat. Kïlïm Daudi ngalechay.

1 SAMWEL 17:4

Kungwïna chi pipö Pilisti nyo kïkuro Kolyat, nyo pö kanasyanta Kat nyo kingata koghïntanyi miten sömök.

1 SAMWEL 5:10

Kïlenyona kïsït Santuku Muma kanasyanta Ekron. Nyini kit Santuku Muma Tororöt Ekron, kïriryö pipö Ekron lö, “Kepï Santuku Tororöt pö Israel wölï kïmicha atökïparecha lömïs.”

1 SAMWEL 5:8

Kïlenyona kïkur pipö Asdod pöytoghi pipö Pilisti löwïr akïlenchï, “Kido ne Santuku Muma Tororöt pö Israel?” Kïlö chane, “Nya kesït kutang kanasyanta Kat.” Kesït nyu santukunay pö Muma kutang Kat.