7 Ompöwölo kawaghakakwa man kunyara aketïp man kupot.
Wölo iwany pich cho kichumponchö, iwany mwokïyis lömïs. Kalya ompö Israel! Tum pö saghat ompö rutogh pö Yerusalem.
Pö putintön nko ghöyityö ngalechi löwïr, melö tökïmöko kïgh ngöghomnyö anta köromnyö.
Wongöy mwokïyis kölkölyengwa, ompöwölo töghoy chane kwighöy kïgh nyo tenate.
Kalïkwï pöytoghiku pich cho kichumpön akïlïkwï kongoti chorï. Toköy chane tïpö pich akïcham kerop chane. Melö syonchini pönon ompö ka kirwok anta chömchï mïsïktin kwipchï chane lokekwa.
Heywey! Ochech pich cho chikyini pich kiyomisut cho melö pö man nko kikirï cho kiru ngal cho rïmöy piköchan!
“Atere ngalechan, akwa penyichï, akwa cho ononöy lö low rïntagh.
Heywey, ochech pich cho kuro ghöyityö köromnyö kïkurö köromnyö ghöyityö. Kawaghakakwa tuwïn kïlïkwï löpoyïn awaghach löpoyïn kïlïkwï tuwïn. Kotönökwa ngwonïn kuker onyïniö kuker onyïnio ngwonïn!
Israel nyo le para ECHOTYON Kimuktoghin, akï pipö Yuda cho le keti sapipun cho kikatkat nyinte Kikönöy lö ighöy chane nyo karam, wölo kïmïltegha kisön pungkökwa, akwigh kungeyö kïyöröy keghchï man.
“Ato pïstö chi pö man mantanyi akwigh ngokï nko sïmnyonton cho ighöy mwokïyon kïmeghöy nyo mötïny, möminye ighisyewutkachi cho pö man cho kinonöy. Meghöy ompö ngokichi nko ghöyïntanyi nyo kigh.
“Napo, ato pïstö chi pö man mantanyi akwigh ngokï, atönön mïsïk tawunyi, meghöy nyinte. Meghöy lenyoni ompöwölo meteghchinyinye akwompö ngokichi, amökeyitönye ighisyewutkachi löwïr cho karamach cho kigh. Wölo oghokeninyi kisönkachi.
Ato pïstö chi pö man mantanyi akwigh ngokï, kï meghöy nyo motïny.
Ngölonöy ngal kwïle chane, akuwolwolisïyi kwïle amömi kïgh nyo ighöy kikungwïn kirwokö le ködöwï cho kapita par.
Otïghan pöytoghinte ompö kwenungwa nko yetïntinechi löwïr.” Mwoghöy ECHOTYON. Yuda
Lentöy ECHOTYON, “Melö nkït pïchï kwighöy kïgh nyo karam, kenyïghit karikwa tïku chorsyö nko pörsyö.”
Ekï ryogho angoletinö ghatoy, akïngoroy pich nanam eghin? Kyawaghakwa man kïlïkwï kawat, aghakwa kïgh nyo karam kïghaghit.
Atere ngalechi kintöghoghichi pö Yakopo nko akwa pöytoghi Israel cho owoköy man awaghach köromnye kïghaghit.
Kikepörchoch nyu kirurut ompö, amökeghönye man ompöwölo kewit mwokïyis pipö man nka nyoni nyu kirwoköy nyo masta.
Onyoran pich cho yodo kegh löt amelö tökïrïpanïn. Onyoran löwïr cho melö pkonöy akïsomanïn ontöghoghchï chane.”
Kïlenyona mömïchininye kïrumunö chi kwenunkwa nyo le mïrön anta korka anta kapor anta ortïn nyo mi asete nyo wöghököy mïkulöwunyi akïpïstö ECHOTYON Tororötïnyo akïwö kïpöghisyechï tororötino puntonichoni. Atömökarkegh nko ket nyo yinu akwa cho ngwonöch le ködöwï.
