AMOS 5:16 - PIPÏLIA

¹⁶ Kïlenyona lentöy ECHOTYON, Tororöt Kimuktoghin nyo le Echotyon, anyona rira mi kokwo nko ortïn ompö kanastinekwa löwïr kimwochini pich cho le ngorï kïriryö akemwochï cho chïreröch.

AMOS 5:16 ပူးပေါင်းရင်းမြစ်များ

2 OTÖPTINO OSIS 35:25

Kimïn werkoyonta Yeremia tum nyo pö lok paraku megha Yosia. Tumöy tumï löwïr cho le mïrön nko cho le kor, tumwöy cho ngölono Yosia tökwompö nyete le ye akegh kïlïkwï osïl pö pipö Israel, akukirote ompö kitapu tumwöyi lok.

ISAYA 15:8

Kichögh rirata söremwok löwïr cho pö koro Moap. Kikïlïma raranoni kanastina Eklaim nko Peerelim.

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

YEREMIA 30:5

“Kamwaghan ante ECHOTYON lö, Kakïlïm rira nyo pö otyogh rira nyo pö mïghö amelö nyo pö kalya.

YEREMIA 4:31

Kalïman rira nyo lata rira korka nyo kïghöy, rira korka nyo lusïyi poretyenyi. Sayon nyoni kirir kïkar tïkïs, akughïtoy ewun kïlentöy, “Nyarïley, achona kapka kuwanyanïn!”

YEREMIA 9:10

Olan, “Orirchinan asönönchï kutïngkot, olokan ompö suswo kyak cho mi wuw cho köyomö, amökïminye chi nyo weröy wölini. Mökelïmonye wölini tany nyo ghïtöy, akïwï töritwö nko tïpö wudïn kïpechï kegh.”

YEREMIA 9:16

Otoytoyenan chane kïghomï koros pö punton cho menkïtcha akimenkïtcha papotïnekwa. Orupenan chane ngot ntökïtenö kuwonyö lömïs.”

OSEA 4:3

Kïlenyona peköy koronï kïma nyu kïgh anka tïkwïl nyo mi ori. Meghsot tyonkïn lömïs nko törit nko ompö chini le kaghagh tïkwïl.

YOEL 1:11

Kiwöghisyö ngori paren kiteghyö ripi sapipun ompöwölo puryö nkanun nko matay, ay möminye kïgh nyo tökeköso par.

YOEL 1:14

Mwatïtena kekïrur kïrurat nyo tïlil okurtenö tuyot nyo tïlil! Aghamïta kintöghoghï nko pipö Yuda löwïr kïpa Kö pö ECHOTYON Tororötïnkwa atökïrirchï nyinte.

YOEL 1:15

Kikïlekïtit asispa ECHOTYON ato ipu Kimuktoghin kinyarat, Heywey, ghöyitu asisoni kïtya!

YOEL 1:8

Osönönö le mïrar nyo loköy chi nyo kama nyo kötepöy nyinte.

AMOS 3:13

Lentöy Echotyon, TORORÖT Kimuktoghin, “Atera, arirchï pipö ara Yakopo.

AMOS 5:27

Kïlenyona opokwa ape pïnotön koro Damaska wölona, mwoghöy ECHOTYON alekwa kaynenyi Tororöt Kimuktoghin.

AMOS 8:10

Oghan ichontinekwa kïlïkwï rira, kïlïkwï tumwöyikwa löwïr lok. Oghokwa alaka sarankwachtin, angwïl mötöw, le pich cho lokyini megha monïng le akonga kïpoto, akï ngwonitu nyarïl asisoni lakat.

AMOS 8:3

Lïku tumwöyi Kö pö Tororöt* rira asisoni. Mwoghöy Echotyon TORORÖT. Chongitu mïntïruch kïnyam, kïwirchini sany nyo mölïmönye chi.”

MIKA 1:8

Kilö nyu Mika, “Oriran asönön ompö ngalechi, ongwïsan sïro, awö kïchïrut, oriran le chepkonöw cho teghyot, arir le cheptusonkoltin.

MIKA 2:4

Kïtumenekwa asisoni ompö ngwonïn pö sönönöt kelentöy, “Wechï kakiwongucha nyoman, kikïcheng ECHOTYON pareni piköchan, akutö pïchay kinamecha kelïkuna pïnot.”

NGONGUT 18:10

Ghyongo pöytoghichoni ato low, ompöwölo wöghöy lö nyorwech ana nyarïl pö kanasyantanoni akïlö, “Heywey! Nyarïl nyo tya nya wey ompö kanasyantanï wow pö Papilon! Ompöwölo ketunyi lawel nyarïltangu ompö kirwoko Tororöt!”

NGONGUT 18:19

Kïlösyï mötöwekwa terït akïlokyö akuteghyö kïlentöy, “Heywey! Nyarïl nyo tya nya wey ompö kanasyantanï wow! Kanasyan nyete nyo kinyorchï mökosyengwa pich cho pochï melin ompö mökosyenyi! Anyï ye lawel kapegha tïku lö weng!”